Ya la'a likatəkatə pəɗəpəɗa ana tsəfə tə bama cha ana yacha ku chisəma ndə nda tə ngya ku dzəga təlkur nda, ngə nja nyu'unda na dəbə tə mbwa pampam məɗəfa. 2 Kəl ngə ya ngatə vanya chama nda dəgaləu, ya ana dunama kwa bəzə na kurakə dzəgam dzəgaməu, “Wa nji ka pasənda sənə nja nyu'unda na, ga cha mbəɗiya likatəkatə pəɗəpəɗə nga?” 3 Kəl ja, vanya ndə da kya huɗamələm, ndara tə dunəya, ndara tə kiɗa hə'i nda kwa nau mbəɗiya likatəkatə pəɗəpəɗə nda wa, abiyakata cha kəratsənti. 4 Kəl ya tiwi ual'ualəu aka a da nja uya ndə nda nji ka mbəɗiya, ndara cha kəratsəntə likatəkatə pəɗəpəɗə nda wa. 5 Kəl ngə zhang ku huɗa njirawawa'a inda tə nar ɗa, “Ngwa ka da tiwi wa! La'a, Ləvari hya'atə vu Yahuda nyandəla Dauda wurta kwasa. Gyalkur tsa cha ka cha pasənda dəbə pampam məɗəfə nda, cha mbəɗiya likatəkatə pəɗəpəɗə nda.”