Ambələm dəuku nda ndiya na dunama, ndo maka ngya ku məa, ndara mətsaukubu.

Baɓtisma fə ndə ku lakur nəu Hyel ahir cha dləukəri, təwa chiu nyi ku ɓiti ndara pəu nyi ku kəra cha ana pətlənya.

Ba'alzabul Tləmər təl sərtakəu.

Ba'anawa Sənda a da kwa wur wa ya a da kwa tə wa.

Bəza (zə) Dəkə sə nə nji na kurakə dzəgam dzəgaməu.

Bitrus Tləmər zhang ku huɗa tangərmar shawa Yesu, nda njo nga tsəu, Mangu, Kefas ndara Shiman.

Bulus Tləmər dəgalər changhabal nə Taɗər Alkawal nda Hyel tə nga tə lakur gwa Dimaska, ɗakaɗa, tləm nyi Shawulu.

Ɓəlandi (də) Mərtə səu wi nda cha ɗaka ɗa.

Chachiratapa zəwa dzapa'a, sər cha laku ndara ndər cha laku.

Chada zər mətla tsəfa nda ku səlirma nə likatəkata.

Chaka'i sə nda nja ɓatlətə ka jigə səu, ana hima cha makər əngəwa ana kəra cha langlanghəu.

Chama Ndə nda Hyel kwa maka sə hya'atə ki huɗamələm kya da njir dunəya.

Changhabal Ndə nda təl kwa maka sə ki bəzə mafakəu.

Daɓəkər Nji nda kwa tsəmdzə kwa mər sə zhang.

Dalnjiɓa zər kwara nda pa'a nja ta gyatə ya cha.

Dləuya Uya mbəɗa ndara mbəɗandi.

Dzəgana Mbwar hatəmachi nə Hyel.

Dzəvəya Laku nda nja kwa tabiya ndə ka mər tləra, təwa pəu nyi mal ku kəra cha ana pətlənya.

Ɗanghali Sə mənakə nda nja mərtə nyi nə ndəu, a da ka tlər nyi wa.

Farisi Alenya dzuku nəu ku huɗa njir Yahuda.

Fala Həsəli nə Hyel təwa miya, dəla ana usaku.

Fərist Ndər mər tlər ku Mbwa'alə Hyel, nda kwa hatəmachi tə dəbar alenya nji.

Hadis Mbwar ngya njikə mambəl.

Hatəmachi Lətə nyi sənda mənakə nə Hyel təwa tsəya ndara nginda kyatə dzəgana, aka kanda təmachi nda kwa shili.

Huɗamələm Mbwa nda Hyel na ngya ti, mbwa nda gya kəra dunəya njo hari wi gya mar mbwa nda pəchi ti.

Hyel Ndə nda ndiya na gyalkur, səli, kwa zəndə kala səu, ya kwa la'a kala səu. Ndə nda ɓatliya huɗamələm ana hə'i ana dəhə sə'inda kwa, ya ndə nda pa'a kwa tah.

Ibrahim Tləm nda Hyel tə fəndzə nyi nə jivalnya dəhə njir Isra'ila.

Jarum Vi nda nja kwa pə njir bikə kwa.

Jirikur Dləukəri na səu, ənda a da cha, ya təkəɗəu, madangə a ko zəndə wa, ya aka ta la'a wa.

Jigəɗəu Sə nda nja latə dzəgam matsa dzau nda ndər ɓəla ndara məzəmakə kwa ngya kwa, ka ga cha la'a sə nda kwa shili naɗəu.

Kadakaliya Ndə nda kwa mər tlər nə vanya ndəu tə patla ndara ku ki.

Karti (kur) Sənda kəla na hiɗa ya a da kwa dyaɓə wa, ya əngə tanyi ngyakəngya nyi.

Kainau Tsəfətsəfər mafakə nda kwa char mbwa nda nja tsəfə nyi ti, ana ndər tsəfa, yada vanya ndəu, ndara nji.

Katəu Sənda nji tə ɓatləti, ndara nja tabiya nda nja kwa həsəli nənyi, ya səsənyi da Hyel wa.

Kagapəu mbwa fwang nda tə bangu nda na sər haɗə nya cha.

Karapəu Ɓwanya dzəɓdzəɓa nda nja kwa pə na dəma, ya kwa dəkə dəma.

Kəristi Ndə nda Hyel tə dzəvəya, Ndər Dləuya, Ndər Pəliya nji.

Kəriwa Char həsəli ana nəu nya Hyel ndara ndəu ku həyakər a da na huhuni ndara jiganya wa.

Kukwanda Nja təɗabiya səu ba iya na gədanya dza səu, ndara nja mbiya atsa cha da ngumətə dzəa.

Kwambiyakur sə mənakə nda Hyel kwa mər nə ndə na ikur nyi, madangə a ndə da kwa ki na uya wa.

Kwatəra mala nda nja ɗəlbiya ndara nja səya ka mava, aka mər tlər ki, kwa nau cha ɗa ka mala nda təl kwa piya ni, ya a da cha mala nyi wa.

Ladər Dləgəlnda Ladər nda njir Isra'ila kwa mər kala va, ga nda ɗənghatə ənda Hyel tə fa'abiya nda ku mavakur vu Masar təwa pənda mashi sərshishi.

Likatəkata (tə) Sənda tsəfətsəfə nyi, wi ka ɓwanya Hyel.

Madləɓa Həsəli Vi nda njir Yahuda kwa hatəmachi kwa, nda kwa nəudzə ni, təvi nda hərtə mbwa'ala. Hyel ngə tə dəkar nyi nə Musa ənda njo ɓatlə madləɓa həsəli nga.

Mafakə Mənakəu Mafakə nda kwa ɓwanya təkəra Kəristi, təlkur Hyel, ana uya Mbəɗa.

Matauli Ndə nda nja mər sə tə lya cha, ya kwa nau cha dəkəbiya wi nda tə ɗa.

Mbwa'alə Hyel Vi hərhər nda nja kwa həsəli nə Hyel kwa.

Məlləm shanguɗə nə sərtakə nda kwa gwaɗətə kəra ndəu, nda a tsə'u cha kwa nau mər sə ganghə wa.

Məndza'u Nənyi ɓwaɓwatə nə ndə nda hi kə'iri ɓwa'atanyi ndara təwa dzagurakəkur ndara təwa pu'ikur.

Məngəl Ənda ndə kwa ngatə ndara məra, ma sənda pa'a kwa vəra ɗa tə ɗa.

Midala gavərma nəu na pa.

Miɗi pa'ua tsatsa nda njo tsabiya vi ni.

Muniya Ba'adar sənda kwa ɗa.

Ndər mətakər Ndə nda kwa nau dəkar sə nda kwa ɗa təvi cha ɗa, ana sə nda tə tərabiya.

Nənyi jiri Dləukər na vanya səu.

Njir Yahuda Na nda ingə nyandəla Ibrahim.

Nyida I nda ku pama Hyel na ndəu, ndara ku pama ndə na kuvanyi.

Papa'akur Sə mənakə nda Hyel kwa mərtə nyi nə ndə ga'a, ndara chim sə mənakə nə ndə təwa pətlənya.

Pəliya Kinda kwaba ka nja wuniya ndə nda nja mbiya.

Pətlənya Gədi sə tsa'anyata tsa Hyel ana usaku ana fala ku ɗufəu ndara təwa ɓwanya.

Takər Dəkə sə nda tə tərabiya ana sə nda kwa ɗa təvi cha ɗa.

Taməngəla Udzəm nda nja dlakətə tə vanyi ka kukwa nji.

Tlakəu Ndə nda na gyalkur təkəra nji.

Tləɗa La kiɗa kuvanghə ndə nə ndər dawa ndara nə nji, ka ga nja katə nyi vanya səu, ndara nja mərtə nyi vanya səɗimi.

Tləlam Sənda nja kwa zuku upə ni ka ga cha buti.

Tsatsa'akur Mər sənda tsatsa'a.

Tsətsəkwa hə sə na kər təkəra sə nda ndə tə məra, ndara sə mənakəu, ndara səɗimi, ndara tsəu vanya sə nda tə ɗa.

Tubi Shar ngya nda ndə kwa məra, tsa mər səɗimi.

Saduki Alenya dzuku ku huɗa njir Farisi, nda kwa kəpal hya'atər nji kuɗəkuɗa.

Sərmbukəu Sənda kwa shili na shakər nə ndə təwa dzəa.

Sərtakəu Vanya tləmər Shantan.

Səlirma shaguɗa ndəu ndara vanya səu nda nja hətə ga cha chabiya ənda sənda, əngəwa mətla dəgal nda kwa chabiya tsəftsəfər ɓwanya ku likatəkata.

Səpəla'a Mər sər həɗə ndara sənda kəla tsa'atsa'a mar Hyel.

Shanguɗə Karti Zhang ku huɗa laku nda Hyel tə chabiya kərnyi kwa.

Gadlagadla Wawa'ar tsaubar inda tsəfətsəfə nyi nda kwa char nyi səɗimi ana səpəla'a, ndara cha char nyi laku nə nji ka nda mər sənda tsa'atsa'a.

Gau Fərist Ndə nda dəgal təkəra dəhə fərist ana njir Yahuda.

Gujiva Pa'ua tsatsa nda njo tula tə wulya; wi ngə tə pahuɗə cha.

Gwarara mbəl dəgal nda nja ɓatlə na chi ndara wua, nda njo pə pa'ua tsatsa kwa; wi ka daura, ngamdu ndara koriya.

Urshalima Mələm dəgal nə njir Yahuda nda Hyel tə tabiya, alenya pəchi njo nga mələm karti.

Zhəzhərandə Sə nda kwa finda ndə tsa mər səu.