Kainau na Yohana changhabal nə tə tsəfa, zər Zabadi, ndə nda tsəfə Mafakə Mənakə nə Yohana ana Takər Yohana. Cha tsəfə Kainau na, ga cha tsətə nyi ɗufəu nə nji, nda ngya na daɓəkər na Hyel ana Zər nyi Yesu Kəristi, ana ga cha təɗəhimi nənda təkəra dlədləɓə gəzhi. Dlədləɓə gəzhi da inda kwa na ənda Hyel da kwa shili tə dunəya nə wa, ya Yesu Zər Hyel da tə ɗa ka ndə wa. Nda dəkətə nyi gəzhi nə nji ənda Yesu da tah a kyatə tamngəla wa, abəra cha mərtə kərnyi wi ndə ga mərtə kərnyi wi cha tah, aka ənga Yesu da tah ka səpəla'a kəmən wa. Aku kainau na Yohana tə na ənda Zər Hyel shili tə ku kumər dzə wi ndəu ga tah aka səpəla'a kəmən ga nə mən pi nda ba'anawa. Cha na Hyel nyida nga, ya dəhə nji nda nənyi jiri nə Yesu ana nji nda kwa nyida Hyel tuku nda nyida kərnənda.