7 Bikə ngə mər ya ga tashiya kərɗa ga səli kəhi ɗa da təwa bəzə Mafakə Mənakə nə Hyel nə hi ga'a ya? 8 Aku sakanda yo mər tlər ku pama hi, alenya njir nəu ngə kwa ki ɗa, təɗa wi fa'avi ngə ya mər ka ga ya uya lakur mər tlər nə hi. 9 Ya ku sakanda ya kə'i hi a da ya wendə hi na gwa'a vala ma yo gwa'a kwaba wa, njir nəu inda vu Makidoniya shili tə na dəhə sənda yo gwa'a. A da ya ngya ka madawa wa, ya əngə tanyi yo biyama na məra. 10 Tsa'anyata wi nda jirir Kəristi ku ya, a ndə da tə hə'i Akaya kwa katə ɗa tsa wovi wa. 11 A da bəra a yo nyida hi nga gwa'atə yo ɓwanya əngə wa, Hyel zəndətə kwa nyida hi ya.

12 Kəl ja, yo biyama na mər sənda ya tsəl na məra, aka ga ya hwaɗəbiya hya nji nda kwa gwa'a nda ɗa məlməl na ea, aku sənda nda kwa bu kərnənda ni. 13 Chul nji nga a da Kəristi ngə tə sə nda wa, kəl ja, njir mər tlər gəzhi inga. Nda kwa mərtə kərnənda wi changhabal. 14 A da cha sər məngəl wa, mada Shantan na kərnyi kwa nau mərtə kərnyi wi chama vimbəlmbəla. 15 Aka ənga, a da cha sər məngəl ma mavi'i nyi tə mərtə kəirnənda wi njir mər tlər tsa'atsa'akur wa. Aku udiyanyi nda kwa uya wazəba nda tsa'atsa'a na tlər kənda.

16 Yo ɓəla na, ngwa vanya ndə da har ənda kəkəng ya wa, kəl ja, macha hyo har ənga, yau, dləukə ɗa ma wi ndə kəkəng, aka naya ma'a ya uya sər bukər ɗa. 17 Aku nyar bukər ɗa na, a da sənda Tlakə tə i ya pə nə yo pə wa, kəl nda yo ɓwanya wi ndə kəkəng. 18 Ma nji ɗang kwa bu kərnənda wi nda njir dunəya kwa məra, naya ma'a yo mər ənga. 19 Nahi nəkə hi dəma tsa hi gagaɗa, hyo səhimi da nji kəkəng ana hirgyaɗi! 20 Aka kwa nau hya mbiyahuɗə madawa tə fəu hi ku mavakur, ndara cha mərtə hi dləutəɗa, ndara cha uya tlər ku dza hi, ndara cha char hi ənda nji tə cha, ndara cha zhau hi chi. 21 Ya kwa ngatə kuzhir na ənda ea təutə tsa mər sənga!

Kəl ja, macha vanya ndə kwa bukər nyi ənda vanya sə cha, naya ma'a yo mər ɗufəu yo mər ənga. A tangnga ya kwa ɓwanya wi ndə kəkəng. 22 Njir Ibrani nda ya? Naya ma'a əngə ya, njir Isra'ila nda ya? Naya ma'a əngə ya, nyandəla Ibrahim nda ya? Naya ma'a əngə ya. 23 Njir mər tlər Kəristi nda ya? A ndiya nda təya, ya kwa ɓwanya wi ndə bəlabəla kər, kəl ja, mər təya tlər tsa'anyata matsa nda! Nja fəu ɗa ku jarum zhaka ɗang tanyi, ya sa dəga pənda mal zhaka ɗanghəu, gwa təya ku təmachi tah zhaka ɗang tanyi. 24 Zhaka tufu njir Yahuda tə tlatə ɗa na wuɗa makərkumənyi parnya dla kala bəji. 25 Zhaka makərəu, njir Roma tə dəgə ɗa na zəwa, zhaka zhang nja vakənda ɗa na hangu. Zhaka makərəu, param tə huɓə təya kwa, ɗaka təya hanyi ga ɓuya pəchi ku fa'a dəgaləu, təvi nja həbiya ɗa. 26 Aku ma'i ɗa i'i, ɓətə ya na təmachi tə dəl i, ya ɓətə ya na njir fa'a laku, ɓətə ya na təmachi ku cha nji'inda ea hə'i zhang kə'iri. Ya gwa təya ku təmachi nji'inda pa'a njir Yahuda, gwa təya ku təmachi ku ta mələm, gwa təya ku təmachi biyatə ya mələm, gwa təya ku təmachi fa'a dəgal. Ya gwa təya ku təmachi ku cha ka zama gəzhigəzhi. 27 A mər təya tləra, ana ɓwaɓwatəu, ana hanyi kəla hanyi, ana huɓa, ana hili. Zhaka ɗang tanyi ya tar sərsuma, ya hanyi tə gyang, ya tar ləkutə nda yo handzi. 28 Matsa alenya səu, kala bəji ana tədəɓəkur ɗəngha ya aka dəhə njir nəuwa. 29 Ma vanya ndə tə təuta, yo ngatə wi naya nda təuta, ya ma vanya ndə tə dla ku səpəla'a, kwa gwa'atə huɗa yo tla ɗimiɗimi.

30 Macha ɗatə tuku ya bukər ɗa, yau, kəl ba ya bukər ɗa na təutə nda ya təuta. 31 Hyel zəndətə a da gəzhi nə ya kwa tla wa, nacha nda Hyel, ya Adanya Tlakən mən Yesu Kəristi, fal ngya tə nənyi ba'anawa. 32 Aku bəji nda yahi Dimaska ngwamna nda tə kiɗa təl Aretas cha dati lakur gu ta mələm Dimaska ga cha səya ɗa. 33 Kəl ja, ka bazhi ɗa tə fəu ɗa ku tsəla ga lənda ɗa təwa ngu nda tə ɓangtili mələm nda, ngə ya mbəɗə tsa cha.