Paulo me Loma 'idi leta 'i'etoladina be 'aene tapwalolo 'ana 'autui sida mwalamwalatoni, nate tomota maibo'ada 'ida bubuna to'umalina 'enega 'ilobwenena be loina to'umalina Yaubada 'enega taloba, ta esi Yesu 'ina mwawasa 'enega 'igie'esaseda ga sawesawedaya talulugu 'ina 'ebeloina bobo'ana 'enaya, taudi me Yudia be 'abo'ada nigeya me Yudia, nigeya 'ana dumadumamo. 'Eda 'ebweuna namo, nate emisa Yesu 'ena. Nadigega lowaenei Ebelaamo Yaubada 'iemisena, 'enega Yaubada Ebelaamo nina 'i'awa palupaluyena. Loina kadekadelina Mosese 'enega be 'aene 'ida loegesiyao tada mwalatonidi, ta 'eguma Yesu taemise, Yaubada 'ina Yaluyaluwa Tabuna ta'ewa be 'igie'esaseda.

'Upwa 9 'enega be 'upwa 11 'enaya, Yaubada 'ina loina me Yudia manudi, to'ase ma'etamo sida loba, ta leta 'ana 'ebe losalowa 'ena, 'abo'ada Yesu 'ana toemisao 'ida bubuna bale'uya manuna.