Paulo 'ina gimi sakowasi Kolinita 'ena tomota yaudi Yesu siemisena, ga 'ipilisinedi ta 'isakowasi 'aina sena 'ediya, 'enega bubuna to'umalidi siapwesa me Kolinita 'idi ekalesiya solanaya. Muliyega Paulo tetelidi 'inonona ga 'idi leta gete 'i'etoladina be 'aene 'igiepaepaludi. 'Idi to'umalinao getedi: siweyalidi mali boda be mali boda 'ediya, ta 'ebweu tai loelata to'umalina 'iguinuwena, ta sietaetala taudimo, toloina nina matanaya tauna nigeya Yesu 'ana toemisa, ta 'aina tomota 'idi gimi yaubadao 'adi masula si'e'ai, ta wate Yesu 'ana tosimanao nigeya si'ita'i'ita 'ai'ailidi, ta 'Inapwana 'ina 'e'ai tabu nigeya si'ama'amayabe.

Paulo wate 'ili'amina Yaluyaluwa Tabuna 'ina eguyai toekalesiyao 'ediya, taudi 'ediyega sionaona mali 'enanega, be 'aidi yage siguinuwedi Yaluyaluwa Tabuna 'ina waiwaiyega. Leta 'ana 'ebe losalowa 'ena Paulo 'ili'amina toololimana be 'ebwayadaita manudi.