Mitiyegec 98
Sonda - 29 Desemba, Namba wan Sande bihain long Krismas (Kongac)
Yesaia 63:7-9
29 Desemba 2019-04 Janueri 2020
7 Neng KEBUAC songo faka dekperagibade,gobung fakaya imoac kpac kuneng mibesonga,
faka gombung andengaandenga angyemmeec-
o, faka gombung homac yombong
Isracel ngicngac ayemmeec
gombung sasawa imoc yengena songo negennegennau.
8 Yeng yofi deac, “Fora yombong yeni neac ngicngacfocna,
yeni monggoc ni mi wanugecdeu neac nambaracfocna anggecde”;
imoac amma ye yeniac memeficngina.
9 Yeni ebic kpendzeng manau kecgec ye ifingoc kpengdzengnu kefec,
nga yeac angerongo meficyemmec.
Yeac heresongo nga kopocsicwawa imocngo kaso ayemmeec;
memiacyunuma hesicyunuec
warac nasou kecgec.
Hebiraio 2:10-18
10 Anutungo wiac sasawa meficgedarec amma ye imocac mingina. Amma yeng medacfora homac hesicyunuma kibikperaginginagoc anggecdeac ine memengerecac hanac hanahengic kpendzennu faiec. Faiu ye yengena sebiu kpendzeng negemma uaya mesiu kekeha hafoangoc gombunga anec. Yeng ifi anecac Anutuac medacfora yeni kibikperagiau naric enggecde. 11 Yesungo kpetiac kekecac dzuac dzuac ua mekecde nga ngicngac kpetiac kekecac dzuac dzuac mekecdimbe, nenang kpetiac amma arennina mocgu kecdimbe. Imocac amma ye nenanggac munafocna debesonga game mi kpeude.
12 “Ni geac kpac kuneng munafocna dekperagiyemmema kpebung botucnginau namma eriendzong megembade.” (Myeg 22:22)
13 Amma monggoc yofi dede,
“Ni yearu heiriduae.”
Amma monggoc dede,
“Nenenggec, ni nga nambaracfocna Anutungo nenec, neni yei.” (Yes 8:17-18)
14 Yesungo homec nga mangana mingina memanganeudeac homeec. Anutuac nambaracfora nenang sebifusininagoc nga ye siric ifiangoc sebifusiagoc anec, ifi anecac amma mangana mingina naric memanganeec. 15 Amma ye arengfora kekecnina hafoangoc homecac kengecnunuande, nenang kengecac witicfunac naric yungecnunuude. 16 Foracngoc, ye nenang Abrahanggac bangecfora hoannunuma kecde. Ye angero ifi mi hoangyunude, kpac. 17 Ye donina meudeac amma wiac sasawa negemma munafora nenanggac siric yombong amma mong mi segeec. Ye ifi amma ngicngac nenanggac wosoefac amma uayoara modacma Anutuac kicfu ngicngac nenanggac womonggarengtoa anec nande. 18 Ye ine yengena kpendzeng kpema faitobannu enec, imocac yeng ngicngac faitobannu engandae, yeni meficyunuudeacsoc ande.
Mataio 2:13-23
13 Dzigenema kenggec Kebuac angero mongngo Yosefe gauu fingecmima yofi edeec, “Ge yacma sabac nonggeagoc meyuruma worama Aigita bangecfu kemma kecgec. Kecmagec neng edengunubaguc monggoc habisia, nocac Herodengo sabac hofocma meficgema kpehomeudeac dede.” 14 Ifi deu Yosefengo tofocnac imohaingoc yacma sabac nonggeagoc meyuruu Aigita bangecfu kenggec. 15 Kemma ihai kecmagec Herode homeuguc dzigenegec. Nga Anutungo profeteac enacfu yoac faiu yofi deec,
“Ni Aigita bangecfunac medacna kpacba haec.” (Hos 11:1)
imoc fora anudeac ifi fingerec.
16 Anu negen negengngic yeneng Herodeac yoac wagec, ye ifi hemma herebutoa negenec. Negemma Betreheng nga amabangec imocac wegenacfu tarec, imohai wasaingic sueyunuu yeni ngicngac imoc yeneac medacfocngina kifangina yohockang namma made, yeni sasawa yunuhomedacgec. Imoc negen negengngic yenearunac naso negenec, imocac sirihau anec. 17 Ifi anu profete Yeremiaaru yoac yofi dedea, imoc fora fingerec.
18 “Raama taonnu kiacsonggong nga ubahodung kuneng fingecde. Imoc Rahengo nambaracfora homegec, yeneac kiackecde. Ye nambaracfora homedacgec mong mi kecdaeac demeefai ammigecdeac mi negende.” (Yer 31:15)
19 Anu Herode homemanuguc Anutuac angero mongngo Yosefe gauu fingecmima yofi edeec, 20 “Ge yacma medac nonggeagoc meyuruma Israe bangecfu kenna, medac kpehomebesonga degec, ngic imoc yeni bic homegec.” 21 Ifi deu Yosefengo efaima yacma medac nonggeagoc meyuruma Aigita bangec wama Israe bangecfu dzigenema kenggec. 22 Kemma Yosefengo yoacsiduc yomoc meficgeec, “Akelaongo mama Herodeac tatac mema Yudaia provins, imocac ngictau anec.” Yosefengo imoc meficgema ihai kecbeso kengec kpeec. Nga ye gauu goroyoac negenecac Gariraia provinsiu kenec. 23 Kemma taong mong kpara Nadzarete, ihai emma kecgec. Profete yeneng yoac yofi degec, “Ye nadzaretengic, ifi degecde.” imoc fora anudeac ifi fingerec.
Dzinta - 31 Desemba, Yia i dai (Kongac)
Jeremaia 24:1-7
1 Babironggac ngictau Nebukanesango Yerusarengnac Yuda ngic witicamau Babirongnu meyunu kennec, Yehoakingac medac Yehoatsinngo Yudaac ngictau nga ngictauac medacfocngina amma uaac negentockpentoc ngicha nga ngic onga hania hania heiandae meyunu kemmagec, KEBUNGO baske yohockang figgoc KEBUAC ama womonggac hoangnu faigec tarec imoc edzacnuec. 2 Baske mongngo fig gombungango tarec, damocngo waraima kpaueandae isoc annec; baske monggo fig mangacmanganeango tarec, mangana yombonggac imoc naric mi nebeso.
3 Annu KEBUNGO kpesinennec, “Noc wiac hennec, Yeremia?”
Kpesiu neng yofi deai. “Ni fig henduae, Gombunga imoc yeni gombunga yombong, nga mangana imoc yeni ine mangana yombong naric mi nebeso.”
4 Ammanu KEBUAC yoacngo nearu yofi haec: 5 KEBU, Isracelac Anutungo yofi dede: ‘Fig gombunga ifia isoc,Yudanac ngicngac gombunga dema sueyunuba bangec yomocacnac kemma Babirong yeneac bangecfu kecgec. 6 Gombunginaac amma kicnango yeneng gareng ambade, amma bangec yomohai monggoc meyunuhabade. Neng miacyunuba enggecde amma mi kpetotieyunuba magecde; Ni homecyunubade amma mi kpedziyunubade. 7 Ni negennegen yemeba negennugecde, ni noc KEBU. Yeni neac ngicngacfocna anggec, ni yeneac Anutungina ambade, yeni monggoc nearu heregoc dzigenegecde.
1 Petoro 1:22-25
22 Ngeni yoac foraac enac tofohogec, imocngo ubaongangina dzuaru ubaherenginaunac songotoa ereu ngeni tosofocngina heresongogoc hoangyunugecde. 23 Anutuac yoac imoc kekehagoc amma seria nande. Yoac imocngo megboringunuu fingec fingec gboria fingecgec. Kpea imoc dzonggo dzonggoa kpac imocngo nemonggema kekecserigoc anude.
24 Imocac yoac yofi oho ohoya fede,
“Ngicngac sasawa bangecfu kecdae, yeni kpindzing isoc amma kibikperagingina imoc dzaring dzuria isoc. Yeni kpindzing dzanggeande nga dzaring dzuria moronggeande, ifi isoc dzanggegecde.” (Yes 40:6-8)
25 Anutuac yoacngo ine fefeseri febesande. Imocngo siduc gombung ande nga ngic yeneng imoc edekpou angemmegec negenggec.
Ruka 13:6-9
6 Anu Yesungo yoac mong heima yofi edeyunuec, “Ngic mong ye fig ic mong waing uayau homeru nanec. Nanu ye kemma fora hofocma 7 waing uaac gareng edeec, ‘Ic yomocac fora hofocma kecbare kifa harebec bic ande nga ye nocac eng namma bangec kereha nedarude? Imocac ic imoc herecgema ukuna.’ 8 Ifi deu waing uagarengngo deec, ‘Kunenna, ge imoc wana kifa yomohai ifingoc nammanu haniau usuma guec heikecbesare. 9 Ifi amba ngadeguc fora gombunga anude gedang. Nga fora mi anudeu ge naric herecgema ukubesena.’ ”
Mitiyegec 102:24-28
24 deai, “O Anutuna, ge kifaga nasoya nasoya ngicngac fingecsahengina fekefudesoc, imoc feracyunuma feengkecbesande. Ge uameme nasona dzongiau herecgema mi meicnuna.” 25 Ge hanac hanaheaunacngoc kecma bangecac titiseri fainec imoc seria fede. Kurumenga kurumenga yeni geangga marikibinoc. 26 Wiac imoc sasawa yeni kpac andacbesandae nga ge ine kecengkecbesannec. Yeni ngakpi isoc esea amma kuha maude nga wamba hesikpe amma ukuandimbe, siriha ifi isoc bangec nga kurumenga kurumenga yeni meicyununa kpac anggec gboria faiyunubesannec.
27 Nga geng nasosoc siric mocgungoc kecnade nga kecbesannec amma geac kifa kpetega imoc wisic wisickea kpac. 28 Geac kingang ngicfocga yeneac nambaracfocngina, yeneng geac hoannu kecgec geng esamedacfocngina hoanggau faiyununa yeneng gegoc serima kecgecde.
Mitiwoc - 01 Janueri, Niu Yia/Givim nem long Jisas
Bangec kisiu 6:22-27
22 Kebungo Mose yoac yofi edeec, 23 “Ge Aharon nga medacfora yofi edeyununa, ‘Ngeni isracelngicngac yoac yofi edeyunuma kenecyunubisia,
24 “Kebungo kenecguma genggareng anggembeso.
25 Ye kicmesuyango nerarangguma henanggubeso.
26 Ye kicmesuya miaru kpahacgumanu ruaea gembeso.”
27 Yeni ifi dema neac kpacna isracelngicngac yeneac witinginau faigecde, imohai ni kenecyunubade.’ ”
Garata 4:4-7
4 Kecmina naso dedea, imoc hasikeu Anutungo yengena Medaha sueu maec. Ye dedeseriyoacac bageu ngacfu fingerec. 5 Fingecma ngicngac dedeseriyoac bageu kecdimbe, nenang ihacnac yungecnunuu erema Anutu yengena medahaac tatac menideac maec.
6 Ngeni nambaracfora andae, imocac amma Anutungo Medahaac Asu sueu hereninau kecma yofi kiackecde, “Manggac, neac Manna.” 7 Imocac amma, ge monggoc wanacngic mi annade. Ge Anutuac medactatac mena yeng wiacga geac dedea, imoc genude.
Firipi 2:5-11
5 Yesu Kristoac faka nga negen negeng fede, faka nga negen negeng siriha imocngo ngenearu febeso.
6 Yeng Anutugoc siricngira mocgu kefoc nga ye Anutu kekeha kefec imoc segereudeac mi negenec.
7 Ye yengena kekec wama wanacngicac siric meec. Amma ye ngicsebi mema ngicsiric fingeru henggec.
8 Ye yengenaoc memaemema Anutuac yoac modackecma homec meficgema mariponnu homeec.
9 Imocac amma Anutungo ye miacma engenatoa gununggeec amma kpac kuneng miec, imoc kpac sasawa ferahedacde.
10 Anu yeni kurumennu nga bangecfu amma bangec bageau kecdae, yeneng Yesuac kpacfu fafoc heidacgecdeac ifi anec.
11 Ifi anecac ngicngac sasawa yeni enacnginango Yesu Kristo ye Kebu, ifi dekperagigec dedengerec imocngo Anutu Manggacac ambesande.
Ruka 2:15-21
15 Ifi dema angero yeni kurumennu dzigenema enggec ramagareng yeni yenaocngoc denegeng amma degec, “Betereheng taonnu faka fingeru Kebungo edenunudac, imoc bic kemma henni.” 16 Ifi dema yeni bic kemma Maria nga Yosefe amma sabac oto manau feec, yeni meficyunuma yenenggec. 17 Yenemma angerongo sabac yeac yoac deecmoc, imoc edeyunugec negendacgec. 18 Nga ramagareng yeneng siduc anggec nga ngicngac imoc negenggec, yeni kerectegec andacgec. 19 Mariango ine faka fingechaec, imoc hereau faima negensima kefec. 20 Nga angerongo yoac ramagareng edeyunuec, yeni imoc sasawa fora hemma negemma dzigenema Anutu afec afehe kenggec.
21 Uameme 8 wisickeu sabac sebi tosea herecgegecdeac nasoya hau yeni kpara Yesu kpacgec. Kpac imoc ye nonggeango mi kpenanggemanu angerongo bic kparec.
Mitiyegec 8
1 O Kebu, ge Kebunina, bangectoa bangec fekendeu kpacga Engenatoa yombong feude. Ge kurumenga kurumenga feracyunuma kucga kibikperagiagoc wi yombong faina fede. 2 Ge nambarac kapia nga sabac namuu kecdae uayoac yemmena yeneng geac kpac kuneng heiwayong memigec faka kuhagoc fingerude. Ge ngabafocga kecdae, yeneac amma ifi annec. Nambarac yeni ifi anggec ngabafocga nga ngicngac goa yeni turung kpoukpouyoac homac osoandae, yeni yoacngina kpac anu waicke tacgecde.
3 Geng kurumenga kurumenga meficyununa marikibiga andae nga ge afo nga asomeng sasawa wi faiyununa tatacnginau seria tacgec yenenganduae. Yenemma 4 yofi negensima deba, “Geng ngic negensinunuma ngicac medacfora gombunga garennunukecnec, imocac warecguduae. 5 Geng ngic negensima meficgema ngicac medac gombunga garenggekecnec, imocac warecguduae. Ye kurumenggac areng yeneac mamea anudeac geng faina kefec. Amma ye kuc kibikperagiagoc kekecac iraya heiminec. 6 Ge marikibiga sasawa meficgema yeng imocac kunenga kefudeac fainec. Ge wiac sasawa yeac haniaac bageau bic faiminec. 7 Imoc amau rama burumaka sasawa nga manennu yang sasawa 8 amma sawau neng sasawa nga kondunnu kondungyang amma kondung manau yang hania hania singngina mema kenghaandae, imoc yeac haniaac bageau faina garengyunuude.”
9 O Kebu, ge Kebunina, bangeha bangeha fekendaeu kpacga imoc engenatoa yombong fekefude.