Kebu, ni kpacguduae
Hombannu kekenggac yegec.
130
O Kebu, ni ubaebicnagoc emu keme kemeau isoc kecma kpacguduae.a 2 Kebu, ge enacudumenna negemma kedzac kpena. Kpesi kpesina gearu hade.3 O Kebu, ge kopocsicnina kicgau arenggema negenna febacfu ngic mongngo serima naric mi kecbac.b 4 Nga gearu sifu kopocsic wawa fedeac eweheiheigoc hoanggubesonga.c
5 Ni Kebuac tomai kecduae. Ubaonganango tomai kefu ni yeac yoac negensikecma fora fingerudeac tomai kecduae.d 6 Tofocnacgareng yeneng asoac haudeac tomai kecandae, ni yeni feracyunuma ubaonganango Kebuac tomai kecduae. Ni yeac tomai kecduae amma monggoc ferahama tomai kecduae.e
7 Kebungo yoac dedzege amma imoc modarude. O Isracel, ge Kebu negensima fora fingerudeac tomai kecna. Yeng bummenunudacma ebicfunac mesinunuudeac kuc engena femide. 8 fIsracel areng yeni ngicngac ogofocngina memanganeyunuma kopocsicnginagoc anggec. Nga yennoc bummeyunuma manganameme fakanginaunac mesiyunuude.