Wiac monggac mi ammide
Hombannu kekenggac yegec. Dawidngo yegec yofi heiec.
131
O Kebu, herenau sebiengeng mi anganduae nga ubakpekpe arennu kicna wi mi meemma fibade. Wiac kuneng me bibiagoc amma ni feracnuma neacsoc mi ande. Ni imocac negen negeng ua mi mebade. 2 Ubaongana menomaneba waicke fede. Sabac mongngo nonggeaac namu nema waicke feande, ubaonganango ifi isoc waickema fekecde.3 O Isracel, ge yofinenggac namma ende imohai Kebu negensima fora fingerudeac tomai kecbesena.