Ngicngacfora meficnunuude
Hombannu kekenggac yegec.
129
Isracelngo yofi debeso, “Ni sebigborinaungoc kecbareng ngic yeneng ebic kunennu fainugec.” 2 “Ni sebigborinaungoc kecbareng ngic yeneng ebic kunennu fainukecma firang mong mi anggec. 3 Bangec mendzic mendzic yeneng bangec mendzicgec areng fingecande, yeni ifi isoc ngadenau kpendzicgec areng herea fingecgec.”4 Kebu ye dindingac. Ngic Anutu ngadehema mangana megecdeac ayemmeande, yeng yeneac witic herecgema yungecnunuec. 5 Ngicngac Tsion ubanginango ukuandae, yeni game kpekpeu faiyunuma merengyunugec monggoc dzigenema kembisia.
6 Yeni ama witiau kpindzingngo erema bic homeande, ifi isoc ambisia. 7 Mekpedzuc ngicngo imoc meudeac maria mi sineude nga semeng dedeckeande, yeng imoc mi abaranggema mekenude. 8 Ngicngac goa yeni kengha angandae, yeneng yofi naric mi degecde, “Kebungo kenecngunuu. Neni Kebuac kpacfu kenecngunudimbe.”