Paul kaa misinihaamuwaat kaa taapwaahtimiyich Philippihch kaah taayich. Maakwaach chipihutuukimikuhch chiih taau Paul uyaayiu kaa iitisinihiichaat, anitaah rwaamihch aakutaah kaah taat. Anichii iiyiyiuch anitaah Philippihch kaah taach chii iitishihwaataawaakupin aniyaayiu naapaau Epaphroditus kaa ishinihkaasuyich anitaah Paul aah taayich chaa chii iituhtuwaayich miyiwaawiniyiu. Maakwaach maak anitaah rwaamihch kaah taat Epaphroditus chii aahkusiu, aakw naashch kaah aayimaayihtimihiikuch anichii kaa taapwaahtihch anitaah Philippihch kaah taach. Iishpih maak kaa miiniwaatisiiyich, Paul miin kaau chii chiiwaatishihuwaau anitaah Philippihch chaa chii iituhtuwaayich umisinihaamaachaawin aniyaayiu iiyiyiuh. Aat maak chipihutuukimikuhch aa chii taat Paul maakwaach kaa misinihaamuwaat uyaayiu iiyiyiu, iyaapich chii nistuhtaakuniyiu muuchichaayihtimuwiniyiu aa iyaat. Kiyaah maak chii ninaaskumaau Paul uyaayiu iiyiyiu aa saachihiikut kiyaah misiwaa taan kaa iishi wiichihiikut.