Eukw uyuu Paul kaa itasinahiichet mekwaach anite Romehch kaa ihtaat e chii chipahwaakanuut. Namui mikw aniyuuh umaamuuayimihaauh anite Ephesusihch kaa ihtaayitwaauh uhchi masinahamuweche uyuu kaa masinahiichet kaye aniyuuh peschiish anit kaa ihtaayich umaamuuayimihaauh chii masinahamuweche. An Ephesus naashch chii mishaau ekut maak kaa wehtihch chechii ihtakuhkwaauh mihchetu ayimiheukamikuh. Uyuu maak Paul kaa masinahiichet umaamuuayimihaauh chii aayimuumeu namui wii ayimiheukamikuyuu uhchi aayimuutam. Misiwe aniyuuh taahtu kaa pechi pimaatisiikupanenh aweyuuh kaa taapwehtamiitwaau, e peyakunaakusiyich umaamuuayimihaauh chii ishi kanawaapameu. Utah uyuu umasinahiikaniyuu Paul chii itweu, an peyakutenuu e ishinaakusitwaau misiwe anichii kaa taapeyimaatwaau Jesus, chipaa nuukuhtaauch e saachihiitutwaau.