Eukw uyuu kaa itisinahamuwaat Paul aniyuuh umaamuuayimihaauh anite aniyuuh ihtaawinh Galatia aschiihch kaa ihtaayich. Rome chii itiskaanesuuch uchii. Uchii maak umaamuuayimihaauch chii wawaaneyihtamihiikuuch taan kaa ishi chiskutamaakutwaau aniyuu nitawiin kaa ishi chiskutamaacheyitwaauh. Uchii naapeuch chii ishi chiskutamuweuch aniyuu kaa taapweyihtamiitwaauh ekaa eshkw chihchiwe pimaachihuyich paatish misiwe aniyuu Jewa wiishuwewinh nanihiihtamiyichen, muyaam aniyuu kaa chii chischinuwaachishwaakanuyich aweyuu, nesht chechii naanaakachihtaatwaau chekw miichimiyuu chipaa miichuuch nesht e naanaakachihtaatwaau aniyuu e chiishikaayikwaauh Jewa iinuuh kaa chii makusheyitwaau. Chii masinahamuweu Paul aniyuu iinuu e wiihtamuwaat ekaa chechii pimaachihuyich aweyuu mikw aniyuu e nanihiihtamiyich wiishuwewiniyuu. Chii wiihtamuweu mikw aniyuu e taapweyimahkw Jesus Christ ekut wehchi pimaachihuyihkw. Kaye chii chiskutamuweu e itaat aniyuu aweyuuh Christ kaa taapweyimaayich e chii apuhkunaakanuyich saachihiiwewin wiishuwewinihch chechii ishi pimaatisiyich, namui wii aniyuu taan e itashteyich Moses uwiishwewiniihch.