Pasch anichii Corinth kaa ihtaatwaau umaamuuayimihaauch chii chishuwaasuuch iskutak meskahkwaau kaye e ayimihtaatwaau aniyuu niishtam kaa masinahamaakutwaau Paul. Mikw maak etituu chii mihchetuuch anichii e chii chischeyihtahkwaau ekaa e miywaayich taan e ihtitwaau. Ekw kaa itishahwaatwaau aweyuu Paul e ihtaayich chechii nituu wiihtamuwaayich aahchiiuh che ihtitwaau ekw. Anit e uhchi chihchipayihch uu masinahamaachewin aayimuutam Paul taan kaa ishpish miyeyihtahk kaye e chii nanaaskumut kaa pehtahk e ishpish mihchiiweyihtamiyich aniyuu Corinth kaa itiskaanesiyich kaa kweskaatisiyich taaniyuu kaa itaatisiyich kaye maak e kuchihtaayich ekw chechii ishi pimaatisiyich taan kaa ishi nituweyimikuyich Chishemanituu chechii ishi pimaatisiyich. Ekw anite e ati chiishipayihch uu masinahiikan ekut Paul neshkweushihaat aniyuu aweyuu kaa wii chishuwaasiyich kaye nitamukw kaa itaachimikut.