Junni Miya Diosi Samuélibe pánan, ya paca junca jerale israelítalabe manpamin jominue. Junni jun malate filistéola layailainue israelítalabe quicaachun. Junnan israelítalanan layaito jilainue filistéolabe quera quicaabi. Jun jito, Ebenezer quelote jelen ya quito chuminlanue. Junnasa mantimini filistéolari Afec tinun postote jelen ya quito chuto, 2 jera seito méraminlanue israelítalabe quera quicaachun. Junto jun quicaato, filistéolari fe loto, junpalu mili israelítalaca junte totelaquinue.