112
¡Aleluya! Lluꜗ laꜗ kihꜗ dsaˉñʉʉhˉ hi̱ˉ ga̱hꜙ DSAˉJØ̱Ø̱Hˈ jnänˋ,hi̱ˉ kuhˉngɨɨꜙ tuhˉdsëꜗ madaꜚ kiyhꜗ.
2 Jo̱o̱ꜘsɨɨyhˊ hyoyhꜙ chaˉmiihˉ beꜘ jmɨˉgyʉʉꜙ laˉ.
Naˉjä̱ä̱ꜚ saˊju̱ˉ kya̱a̱ꜗ hi̱ˉ llu̱u̱ꜗ.
3 Läꜙchaˉ kiyhꜗ chaˉmiihˉ.
Läꜙdsooh˜ dsëꜗ dsaˉ, taˊ lluˈ kiyhꜗ tä̱ä̱ꜘ.
4 Maꜙraꜙ heˉ läꜙjnäꜘ baˊ jmëëꜗ kihꜗ Dio
jeeˊ tä̱ä̱hˊ hi̱ˉ llu̱u̱ꜗ kya̱a̱yꜗ jeeˊ naˉho̱o̱ˉ.
Läꜙja̱ˉ leꜘ kihꜗ hi̱ˉ hwa̱a̱ˊ, hi̱ˉ dsaˉläˉñihꜘ dsëꜗ, hi̱ˉ lluꜗ dsëꜗ.
5 Läꜙjëꜙ baˊ goˉhɨɨˈ lluꜗ kihꜗ hi̱ˉ lluꜗ dsëꜗ,
hi̱ˉ miˉhä̱ä̱ꜙ dsaˉ kuuˊ, hi̱ˉ saꜙ hë̱ë̱˜ dsaˉ.
6 Ji̱hˊko̱hꜘ saꜙ tä̱yhꜙ.
Läꜙdsooh˜ dsëꜗ dsaˉ tä̱ä̱ꜘ kihꜗ hi̱ˉ llu̱u̱ꜗ.
7 Niꜙ miihˉ saꜙ goyhꜙ cherˊmahꜗ heˉ juuˈ chaˉ.
Kye̱yˉ ko̱o̱ˉ hwehˉ oˉjø̱hꜙ dsëˉ kihꜗ DSAˉJØ̱Ø̱Hˈ jnänˋ.
8 Cheyhꜗ ko̱o̱ˉ hwehˉ, niꜙ miihˉ saꜙ goyhꜙ.
Saꜙ naˉhñaayhˈ hi̱ˉ naˉhøøhˊ kiyhˈ.
9 Waˊ heˉ chaˉ heˉ heˉ chaˉ kiyhꜗ, kwëëyh˜ hi̱ˉ llaˉkya̱a̱ꜗ.
Läꜙdsooh˜ dsëꜗ dsaˉ, taˊ lluˈ kiyhꜗ tä̱ä̱ꜘ.
Peerꜙ ta̱a̱hˉ dsihꜘ taˊ mahꜗ jmeeꜗ dsaˉ jʉʉhˉ kiyhꜗ.
10 Waˊraˉ gaꜙjëëꜗ hi̱ˉ hñaaˉ dsëꜗ heꜘ haˉ läꜙ jmeeꜙ hi̱ˉ llu̱u̱ꜗ,
peerꜙ läꜙlle̱e̱yꜘ, läꜙji̱i̱hˈ jʉ̱ʉ̱y˜ chaˊja̱yˊ.
Läꜙjëꜙ heˉ he̱e̱ꜘ dsëyꜗ jmeeyꜗ, he̱e̱ꜘ goˉte˜.