Dasibi mai jidabi anu jiwebaunabun jau Dios kenwanunbunwen, na nawati janchadan
67
Diosuun, nukuwen nuikin nuku pepawawe.Min uin pewaiwen nuku duawakubainwen,
2 jau mai jidabi anu jiwebaunabun jaska shinankin min bechipaiai inun
min mekenan ewapa jau mia unan keyununbunan.
3 Diosuun, mae tibi anuxun jau mia kenwanunbunwen.
¡Mai jidabi anuxundi jau mia kenwandiabaununbunwen!
4 Mai jidabi nawa xukuabu tibi anu jatu xanen ibuxunkin
jawen unanti wati kushipa pepawen min jatu mekekubainmiski.
Jatu jaska wakin mai jidabi anu min jatu pe yunukubainaii.
¡Jaskawen taea jau mai jidabi anuabu mikidi sai sai iki
jau benima chakayamakubainunbunwen!
5 Diosuun, mae tibi anuxun jau mia kenwanunbunwen.
¡Mai jidabi anuxundi jau mia kenwandiabaununbunwen!
6 Mai anu nun miban nuku bimixunmiski.
Nukun Diosun nuku piti inankin nuku duawamiski.
7 ¡Diosun jau nuku duawakubainunwen!
¡Mai jidabi anu jiwebaunabun jau pepawakin ja besti duawakin kenwankubainunbunwen!