Nukũ Senhor Deus pepa ha besti kẽwãtikiaki, na nawati hãtxarã
33
Mã Deusũ tsuma pepabuũ,Senhor Deus benimawai kãtashũkãwẽ.
Matũ huiwẽ Senhor Deuskiri kãtakĩ mã hawẽruawaya
Senhor Deusũ betxipaimiski.
2 Senhor Deusũ mia ashũmis shinãkĩ
kẽhairawakĩ harpa mawashuni kãtakãwẽ.
Saltério mimawati 10 dispiya mawai kãtashũkãwẽ.
3 Nawati benawẽ kãtai
mimawati mawa pehaira wai benima txakayamai kãtakãwẽ.
4 Txanima Senhor Deusũ hãtxa ikũ kayabiki.
Haska txanitxakaisma hawẽ dami tibiwẽ nuku uĩmakubainikiki.
5 Hunibũ kaneisma inũ hatũ shinã pepabu haskawẽ hiweaburã,
Senhor Deusũ hatu betxipaimiski.
Senhor Deusũ nuirã, dasibi mai hirabi nati ikaki.
6 Senhor Deusũ hawẽ hãtxa bestiwẽ yunukĩ nai damiwaniki.
Habias hawẽ hãtxawẽri shũ akĩ bari inũ ushe inũ bishi damiwaniki.
7 Hene itxawakĩ ianẽwã itamama nuahairawaniki, hanus itxawakinã.
8 Mai hirabi anu hiwebaunabũ Senhor Deus hau duawanũbũwẽ.
Yura shukuabu tibi hiwebaunabũ Senhor Deus kẽwãkĩ hau duawanũbũwẽ.
9 Hawẽ hãtxawẽ Deusũ yunua dasibi dami kaĩ keyuniki.
Damiwakĩ hanakĩ yunuakeakea nĩkatã hanu ikibi iki mestenibuki.
10 Nawã Deus ikũwãbuma dayakĩ haska betxipaikĩ
hatũ mae anu daya ewapa tashnimatã hawẽ hiwebainaibũ
Senhor Deusũ hatu betxipaiama nemakĩ beshtekubaĩmiski.
11 Hakia Deusũ hawẽ daya ewapa hawẽ hiwekaĩti hatu tashnimashunirã,
hawa beshtekeama mestẽ ikibi ika ipashanikiki.
12 Senhor Deusũ hawena wakatsi hatu katunirã,
ha hiweaburã, habe hiwei benimakubaĩkanikiki.
13 Nai anushũ Deusũ huni dasibibu uĩbaunikiki.
14 Hanu Deus hiwea anushũ mai anu dasibi hiweabu tanakubainikiki.
15 Hatu hiwea inãkĩ hatũ huĩti tibi damiwanishũ
haska dasibi akubaĩmisbu hawa heneama hatu uĩkubaunikiki.
16 Mai anu shanẽ ibuhaira hawẽ detenamenikabu mirimahaira hayabia
habuwẽ hiwei pashatirumaki.
Detenamenikabu hatũ kushipahaira hayabia
hawẽ hiwei pashatirubumariki.
17 Cavalowẽ kushibiabaĩmisburã, hawẽ hiwei tsua pashatirubumahairaki.
Cavalo kushipahairabia haki txiti ibiamisbu hawẽ hiwei tsua pashatirumaki.
18 Hakia tsuabũra haki mesei inũ hakiri pe hãtxakĩ
nũ yuimis Deus nukuwẽ nuimis nũ ikũwaĩbu
nuku putama nuku mekekubaĩmiski,
19 hatũ hiwea benui hau mawayamanũbũ inũ
bunitiãbiakẽ hau debuama hiweyukubainũbunã.
20 Nukubũ nũ Senhor Deus ikũwaĩ nũ haki txiti ikabuki.
Hatũ nuku merabewakubaĩmiski, nuku mekesukinã.
21 Senhor Deusũ kena meribi kushipa ikũhairawai nũ haki txiti ikaya
nukũ huĩti benimahairamiski.
22 Senhor Deusuũ, mĩ nuiwenã,
mĩ nuku hawa putaismaki.
Haska mĩ nuikipa mia anua huai besti nũ manakubainaii.