Txakabu ana huneama shabakabi txaninikiaki, na nawati hãtxarã
Davĩ kãta kenenikiaki
32
Tsuãra txakabu Senhor Deusũ ma bua keyushunaana txakabu hayamawẽ taea benimamisbuki.
2 Tsuara Senhor Deusũ hawẽ txakabuwẽ taeshũ ana hawẽ txiteamawẽ taea
ha huni ana shinã txakai bika teneamawẽ taea benimakũkaĩmiski.
3 Ẽ txakabu shabakabi txaniama ẽ mekeawẽ taea
bari tibi tenea ẽ tsekerẽ ikũkainaiwẽ taea
ẽ yura imanai txushi keskakũkainiki.
4 Hua barĩ kua hawẽ shanawẽ txushi txapumis keska wakĩ
meshu merã inũ bariri ea shinãmakĩ
ẽ txakabuwẽ hawẽ ea timakĩ e imakĩ mĩ ea tenemakubainiki.
5 Hakia haska tenekubaĩkĩ ẽ txakabu ana hunekatsi ikama
shinã pewatã dasibi ẽ txakabu betsa ẽ miki txani keyuniki.
Haska nĩkatã Senhor Deusuũ, mianã, mĩ ea bua keyushuniki.
6 Haskawẽ taeshũ tsuãra mia ikũwaĩ txĩtuãma
bika tenekĩ mia yukabu mĩ nĩkamiski.
Mia yukakĩ haska wamisbuwẽ taea bika teneti itamama
hatu anu hubiai ana hatuki kemama ishanikiki.
7 Miarã, mĩ ẽ mishki kene hanu hunetiki,
mese huai nemashũkĩ mĩ ea mekemisrã.
Haskawẽ taea benima paẽ ea atxia ma mĩ ea binumawẽ taea
hui kushipawẽ ẽ kãtamiski.
8 Shanẽ ibu Senhor Deusũ ea yuikĩ:
“Mikiri shinãkĩ ẽ mia uiaĩ ea uĩwẽ.
Ẽ mia tapĩmakatsis ikaii,
hãtxa pewẽ yusĩkinã,
haska ẽ shinaĩwẽ haratu bai pe ha katutã mĩ hawẽ kakũkainunã.
9 Ina cavalo inũ mulõ nĩkabumawẽ taeshũ
hawẽ hashpa anu mane hãkishkũkĩ
hawẽ bushkẽbaĩti dispi neshabukũtã
hawẽ iyukĩ nĩkamabaĩkĩ hawẽ niti ati hayaki.
Haska keska iyamawe.
Mĩ ea nĩkamarã,
ana haratu yusiã betsawẽ ẽ mia dapishũ merabewatirumaki.”
10 Huni txakabukubaĩmisburã, hawa merabe hayama
bika betsa betsapa tenekanikiki.
Hakia tsuãra Senhor Deus ikũwãkĩ txibãbainaibuwẽ taea
bika tenebiaya hawẽ nuikipawẽ mekekĩ yabukĩ akawamiski.
11 Mã Deusũ tsuma matukiri pe hãtxamisbu pepabuũ,
benimahairakĩ Deus kãtashũkĩ kẽwãkãwẽ.