Hiwei pekĩ Deus kẽwãmisburã, Deusũ hatu betxipaimiskiaki, na nawati hãtxarã
Davĩ kãta kenenikiaki
15
“Senhor Deusuũ, miki nukuti hiwe anua tsua hikitã mia kẽwãtirumẽ?Ha inũ, mĩ mati meribi Jerusalém anu tsua mibe ikũkaĩtirumẽ?” aka
2 Senhor Deusũ ea kemakĩ:
“Tsuabura pe besti hiwekĩ pepas besti akubaĩmisbu inũ,
txanitxakakatsi ikama parananaĩsma inũ,
3 tsuki shetxakakĩ hãtxa txakabu yuisma inũ,
tsuara ha dapi hiweabu txitekĩ dakewaisma inũ,
4 tsuãra txakabuwamis duawama danãtã
tsuãra Senhor Deus kẽwãmis besti hatu duawakĩ kẽwãmis inũ,
tsubura yubakatã bikabiakẽ menemisbu inũ,
5 tsuara pei inãtã ana shekakĩ paraĩsma inũ,
huni txakabuwamanũ, iwanã, huni betsa pei inãkĩ
yunu txakabu aismarã,
haska hiwekũkaĩmisrã,
habũ besti hawa txakabuwaisma ea kẽwãtirubuki.
Hawa ana txakabu meama tsuã ana hatu parãkĩ txakabuwamatirumaki”, ea waimaki.