Kina monek pa yoliske ininpilwam Dyos
5
Kampa yok shineshtiyak kina Dyos, kampa anmehwante ankat tatasotalme ininpilwam Dyos. 2 Shinehnemtiyak pa se yoliliste ka tasotaliste, yok kina Kristo otishtasot wan motemak pa tehwante kina temakaliste wan kina tamiktiliste tachichinoliste ka ahwiyalisteKwal pa Dyos.3 Anmehwante ankat nita'onanalme nitekipanolme Dyos, kampa amoyok shikchiptiyak ika in ten amokwal kina ka in amo tasiyawatilmea motekal sek ka oksek, wan kichiwal mochiten ka in katsawiliste, niyok amoyok shikchiptiyak ika in ten kinektiyaske kipiyaske mochiten. 4 Niyok amo hyero shikitotiyak, amo shitaketstiyak kina ta amo mo'ilnamiktiyaloskya, amo shimolokotitiyak, kampa anmehwante yahmo anmishpanti pa yok ankitotiyaske, ma yok, shihmakak tashtawaliste ka anmokamak in Dyos. 5 Kwal ankimatil anmehwante aki kichi ka in ten amokwal, kina ka in amo tasiyawatilmeb motekal sek ka oksek, wan niyok aki kichi katsawiliste, wan niyok aki kinektiyas tapiyas hyero miyak, kampa yewal niyok kina ta motankwaketstiyaloskya pa in santo tachiwalme ka tal, wan yewal amo kipiyas takawaliste pa in reynaroliste ka Kristo wan ka Dyos.
Shiyolik ka nitaneltokaliste Dyos
6 Kampa pa amo'ak anmishkwamanas ka akyehwante kitotiyaske amoten mishpanos kampa moshte yok kichiwal katsawiliste, kampa Dyos kinkokolti yehwante inik amo kimatil taneltokal. 7 Yok yewal amo shimonelok inak yehwante kitotiyaske moshte kichiwal katsawiliste wan amoten anmishpanos.
8 Kampa anmehwante pa ya wehkA katkaloya pa tayowaliste, ma yok ashka ankat pa nitawiliste in Tats. Shiyolik kina nipilwam tawiliste, 9 kampa in nitawiliste kichi pa kichiptiyaske ten kwal, pa yaptiyaske melahka wan melak. 10 Shihmatik shikchiwak ten yewal kwal kiwetsi in Tats. 11 Amo shikchiwak ten amokwal yewal inik kichiwal masewalme kwah tayoway. In kwalik ten amokwal; hanwel shikchiwak ten kwal pa ankineshtiske kampa yewal ankichiwal pa tayoway amo kat kwahkwalme. 12 Kampa temak tapinawaliste pa hanwel kitenewaske in ten kichiwal yehwante ka tatiliste; 13 kimani in tawiliste tawi, mochiten nesi. 14 Kampa in tawiliste kineshti mochiten. Kampa yok kito:
Shi'is, tewal tikoshtik,
shimokets ika inik mihmihke,
wan Kristo mishtawilis.
15 Yok yewal kwal shimokwitaptiyak. Amo shiyolik kina ta amo mo'ilnamiktiyaloskya hanwel shiyolik ka tamatiliste. 16 Shikchiwak pa hanse tonatim ten kwal, kampa tiyoltikat pa inik tonatim amokwahkwalme. 17 Amo shiyek kina amo ankipiyaloskya ta'ilnamikiliste, hanwel shihmatik shikchiwak ten yewal kinek in Tats pa ankichiwaske. 18 Amo shitawanik ka nihugoUbaBino, kampa yok ankipoloske anmota'ilnamikiliste, hanwel shimotemiltilik ni'Espiritu Dyos. 19 Shitaketsak sek ka okse ka tatsotsonaliste ka taketsaliste pa nitahtolDyos wan shitatsotsonak tahtolme wehwe pa Dyos, shikantarok hanwel kina temak in EspirituSanto. Shikantarok wan shiktahtoltik in Tats ka mochi yololiste. 20 Shitemakatiyak hanse tashtawiliste pa Dyos in Tats pa ten han, ka ni'itokaliste toTats Yehshwa-Kristo.
Kina monek pa tiyoliske pa to'icha
21 Shimoneltokatiyak sek ka oksek, ka tamawishtiliste pa Kristo.
22 Siwam tasiyawatilme ma kichiwak kina kito nitawikal yok kina ankichiwal ka in Tats. 23 Kampa Dyos okital nitawikal kina tsontek kampa yewal kipiyas tatakewaliste ipa nisiwa, yok kina Kristo onka in tsontek ka tatakewaliste ipa inik taneltokalme, yewal kat kina nikwerpo wan yewal okinmaka; 24 ta inik taneltokalme kimatil kichiwal ka taneltokaliste pa Kristo, yok niyok inik siwam tasiyawatilme monek pa kinneltokaske inintawikal pa mochiten.
25 Inik takam tasiyawatilme, shikinnekik anmosiwam yok kina Kristo okintasot inik taneltokalme wan otimak niyoliliste ka yehwante. 26 Pa mokawiliskya isel, yewal okinpohpo ininta'ihtakoliste, wan okinpak ka at ika nitahtolmeDyos, 27 yok okichi Kristo pa kinneshtiliskya inik taneltokalme ni'ishpa yewal kina se siwat yewal monamiktiskya ka nikoton wan ninawa tipitawak, han amo katsawak, han amo pipilishtik han amo yok neshtiyaskya, hanwel chipawak. 28 Yok niyok monek pa takam tasiyawatilme pa kinnekiske ininsiwam yok kina kinnekil iselte ininkwerpo. Inik aki kintasotal ininsiwam yok motasotal iselte. 29 Kampa amo'ak ki'ihya se isel nikwerpo. Hanwel, kitamak wan kikwitawi, yok kina Kristo kinkwitawi inik taneltokalme, 30 kampa melawak pa sesen tehwante tikat taketskilme pa nikwerpo Kristo. 31 Wan Dyos nitahtol kito: “Kampa se takat kikawas nitats wan ninantsi pa motakitskiltis inak nisiwa wan in omente yeske kina se han masewal.” 32 In tatiliste hyero we, ma yok newal nihnek nikitos ka in, ika in Kristo wan ika nitaneltokalme. 33 Yok niyok ma ye pa sesen anmehwante, shiktasotak mosiwa kina anmoselte wan yewal in siwat ma kimawishtil nitawikal.