7 Wan pa sesen tehwante Dyos otishmak tamatiliste in ten tihmatil tikchiwal, hanwel tishtamachi kina yewal kinek Kristo. 8 Kampa yok kito nitakwihkwiloliste Dyos:

9 Ten kinek kitos in, kampa mo'ahkok kaha takpakIlwikak, in kinek kitos kampa ta'ishpa temowaya kaha hyero tatsinta pa in tal?^a 10 Yewal otem isel, in yewal niyok otehko ipa mochi inik takpakIlwikak pa tatemiltiskya mochiten pa kaha han yeskya. 11 Ashka, yok yewal isel okinmak tamatiliste pa yeloskya sek kina tatitanilme wan oksek kina niTaketsalme nitahtolmeDyos wan oksek kina nitanawatilme nitamashtilisteKwal, wan oksek kina inik takwitawilme pa inintaneltokalme Kristo wan oksek kina tamashtinilme. 12 Kampa okinmak tamashtiliste nita'onanalme Dyos pa kitekipanoliloskya wan pa mochikawaltiskya nikwerpo Kristo, 13 yok yewal, pa kimani timo'asiltiske moshte pa in se taneltokaliste wan nitamatiliste nikon in Dyos, pa tiyeloskya kina se takat kwal, hanwel pa timo'italoskya kina Kristo. 14 Yok yahmo tiyeske kina piltontim, kampa pa watsinko tamatil pek ten wan pa tyotak okse, hanwel kwal kinkwahkwamanal ka in tamashtiliste amo melawak ka yehwante kimatil takwamanal. 15 Ma tiyolik ka melawaliste ka tasotaliste, ma timo'apawak pa tinesiske pa mochi'as kina yewal in tsontek, in kinek kitos, Kristo. 16 Yewal mochi in kwerpo kiteshmonek. Kampa ika yewal, mochi inik tahtahkito kat taketskilme ka in kwerpo; pa sesen inik kipiyal nitekipanoliste wan yok mochi in kwerpo mo'apapti wan mochikawaltiti ka nitasotaliste.

17 Yok yewal annimichili in, melawak annimishtahtani ka ni'itokaliste in Tats: amo shiyolik kina inik amo ki'ishmatil Dyos, kina yehwante amo mo'ilnamiktiyaloskya 18 kampa kipiyal ta'ilnamikiliste pa tatekomat wan amo kimatil takakil, katka ininyolme chikawak. Ma yok amo kipiyal yoliliste yewal wal pa Dyos. 19 Kipolok mochi pinawaliste, kichiwal ten amokwal ka ininkwerpo wan hanse kinektiyaske kichiwaske katsawiliste. 20 Ma yok anmehwante amoyok anmomashtik pa Kristo, 21 kampa melak anmehwante ankikakik nitamashtiliste Yehshwa wan ankimatil in melak yewal onka pa yewal. 22 Yok anmehwante kampa yahmo monek pa anyoliske kina kwah ayamo'ok anki'ishmatiloya Dyos, kampa anyoliloya yok kina ta antakemtiyaloskya shashalme taposhkawalme, in yewal kina se masewal amo ki'ishmat Dyos, yewal mokatsawalti nitakemtil ka in ten kinektiyas kichiwas ka katsawiliste, kampa yok shimokistilik in takemtiliste amokwahkwalme. 23 Shihmakawaltik in EspirituSanto pa anmishyankwilis pa anmota'ilnamikiliste, 24 wan yok kina se masewal motakemilti ka se shashal yankwik, anmehwante niyok shimotakemiltik ka in yoliliste yankwik yewal Dyos okichi pa annesiloskya kina yewal, pa ankichiwaloskya ten kwal kampa kimatiloya in melak.

25 Kampa yok, amo shitikwamantiyak, shitaketstiyak melawak ka anmonihni, kampa moshte tehwante tikat kina se kwerpo, motakitskiltitikat se ka nokse ika oksek.

26 Ta ankwalanik amo shikchiwak katsawiliste. Amo shikwalantiyak pa mochi tonat shimoyolsewik pa ayamo'ok tamalina tonat. 27 Amo shihkawilik yewal in tawalilot pa ankitilanas anmoyol.

28 Akyewal ta'ishtikiyaya, amo ta'ishtekis oksep. Hanwel ma tikipan kwal ka nimahwam pa kipiyas ten kintemakas yehwante amoten kipiyal.

29 Amo hyero shitahtotiyak, hanwel shikitotiyak hanse tahtolme kwahkwalme, yewal kinpalewis oksek pa mochikawaltiske kwal, wan ma ye ka tamashtiliste pa inik yehwante kikakiske. 30 Amo shikchiwak pa moyolkoko in EspirituSanto pa Dyos, yewal kina se seyo ka anyeske ta'ishmatilme pa Dyos okital pa anmehwante, pa kimani asis in tonat yewal Dyos anmishmakawas.

31 Shihkawak in ten amokwal mopi'ilitikat pa anmoyol amo shimokwalantik, amo shimokwalantitiyak pa anmomiktiske, amo shimotsatsilitiyak, amo shimotaketstiyak, wan shihkawak mochi'as ten amokwal anki'ahkoktikat pa anmoyol. 32 Kwal shimotasotatiyak, wan shimota'ihnilitiyak, wan shimotahtantiyak ta'ihniliste sek ka oksek, yok kina Dyos anmishihnil anmehwante ika Kristo.