Kina monek pa mowikaske inintahwan ka ininpilwam
6
Anmehwante pilwam taneltokalme pa Kristo monek pa ankinneltokaske anmotahwan, kampa yok monek. 2 “Shikmawishtilik motats wan monantsi”, ina yewal se ta'ishpa nitanawatilisteDyos yewal kipi se tatenewiliste: 3 “yok anmishtayaptiyas kwal pa mochiten wan wehkA tiyoltiyas pa in tal.”a4 Anmehwante, antatsim, amo shikinkwalantik anmopilwam, hanwel kwal shikintakichiliyak pa yok kwal mo'apaptiyaske wan shikinnawatik kina kinek in Tats pa anmochantiske.
Kina mowikatiyaske inik tekipanolme kat kina tatsakwalme inak ininwehwetatakewalme
5 Anmehwante in tekipanolme kat kina tatsakwalme,b shikinmawishtilik ka tamaptiliste anmotatakewalme nika pa tal. Shikinneltokak ka miyak tamawishtiliste wan shikinmaptilitiyak yehwante, wan shitekipanok ka mochi moyololiste kina ta ankitekipanolitiyaloskya in Kristo.
6 Amo shitekipanotiyak hanwel pa kimani yehwante anmichitatiyaske pa anmokawaske kwal ka yehwante, hanwel kina sek tekipanolme yehwante kat kina nitatsakwalme Kristo, monek pa ankichiwaske ka mochi anmoyol ten yewal kwal kiwetsi Dyos. 7 Shitekipanok kwal, kina ta kitekipanolitiyaloskya in Tats wan amo inik masewalme. 8 Ankimatil kampa in Tats kintemakas temakaliste pa sesen pa in ten kwal kichiwak, ta yok yeskya se tekipanol yewal onka kina tatsakwal wan ta yok yeskya se tamakawal.
9 Yok anmehwante wehwetatakewalmeDweño, niyok kwal shikinchiwilik anmotekipanolme kat kina tatsakwalme, amo shikinmahmaptitiyak. Shikilnamikik kampa yehwante wan anmehwante ankipiyal in se han Tats pa in takpakIlwikak wan yewal kinmit kina ta yeloskya kina moshte.
Shimopalewik ka in mochiten moteshmonek yewal Dyos temak
10 Ashka shimochikawaltik ka niwechikawaliste in Tats. 11 Shimotsakwilik ka in mochiten moteshmonek pa se momiktiliste ka yewal Dyos anmishmak, kina se gwacho motsakwilik ka in mochiten mopalewi, kampa yok melahka ma moketstiyak pa yok nitekwamanaliste in tawalilot amo anmishmayawis anmehwante. 12 Kampa amo timomiktitikat ika masewalme yehwante kipiyal yEste wan nakat, hanwel ika nitatakewalme patrone' pa yewal taneltokal, wan ika tatakewalme ka poderoliste amo nesil kampa kichiwaloya kina kinekiloya niyehyekatim tawalilom, wan ika wetatakewaliste ka chikawaliste pa in tal tatekomat wan ika niyehyekatim tawalilom pa in Ilwikak. 13 Kampa in, shimotsakwilik ka in mochiten moteshmonek pa se momiktiliste ka yewal Dyos anmishmak wan yok amo anmishmayawis kimani anmopanoltiske in tonat amokwal, wan amo shimomakawaltik pa anmishtanilis wan hanse shiyek melahka. 14 Shiyek hanse melahka! Ashka shimo'ilpik ka in takwehtiliste in melawak han nitaketsal Dyos, wan hanse shikchiptiyak melawak kwal, yok in yewal kina ta anmotsakwilitiyaloskya ka in fyerro yewal kiwik se gwacho pa nipecho. 15 Shitachishtiyak pa anyaske ankimashtiske nitamashtilisteKwal Dyos yewal temak sewiliste, yok kina se gwacho kwah mochishtiyas kintali niwarachim. 16 Wan yok niyok shimotsakwilik ka anmotaneltokaliste kina ta anmotsakwilitiyaloskya ka in eskudo yewal kiwik ta'ishpa se gwacho, pa ankwal ankinsewiske mochi inik nitamitiliste tatatitikat yewal kiwaltas tawalilot. 17 Shikonanak nitamakawaliste Dyos yewal ma anmishtsakwil kina se kasko pa anmotsontek, wan yewal ma anmishpale nitahtolmeDyos, yewal in kina se teposte yewal anmishmak in EspirituSanto. 18 Hanse shiktahtoltitiyak Dyos, ka nitapalewiste in EspirituSanto, ka mochiten shitahtok wan ka miyak tahtaniliste. Hanse shitachishtiyak, amo'ik shimosyawiltik pa ankitahtoltitiyaske Dyos pa moshte kishki nita'onanalme nitekipanolme Dyos. 19 Wan shihtahtoltik Dyos pa newal, pa yok nishmakas tahtolme kwah newal nitahtos, kampa kwal nitahto amo ka tamaptiliste, pa nikinnawatis nitamashtilisteKwal wan akyewal kikakis, in amo'ak kimatiya ten kitatitikatka Dyos. 20 Ashka ni'onka tatsakwal ka kadena, kampa nikintakichilitinem nitamashtilisteKwal Dyos kina nitatitanil Kristo. Annimishtahtani anmehwante pa ankitahtaniske Dyos pa newal pa amo nimomaptis nitahtos ka masewalme ipa Yehshwa-Kristo kina monek pa nikchiwas.
Nitatahpaloliste Pawlos
21 Tonohni tasotili Tíhiko', se yewal taneltok nitekipanol in Tats, yewal anmishmashtis ka in mochiten nikchiptik newal wan ka in mochiten nishpanotik. 22 Annimishtitanili anmehwante pa ankimatiske kina ta'onka ka tehwante, pa anmishchikawaltis pa anmoyolme anmehwante.