—Tasotili Félis,

tikpiyal miyak sewiliste wan kwal kat tachiwalme in yewal ten tikhusgaro pa masewalme ika tewal.

3 Wan pa kaha han wan kina han,

timishnamikil kwal tasotili Félis,

ka miyak tashtawiliste.

4 Ma yok amo nihnek nimishwehkawaltis,

minishtahtani ka ta'ihniliste pa titishkakis ka sek tahtolme.

5 Tikitak in takat kinkwalantitinemi ka inik yudiyo' wan takwamantinemi pa mochi kishki tal,

in se yewal nitsontek nitamatiliste in Yehshwa inintanichikolme in nasareteko'.

6 In niyok okinek okichi in ten tatatsot pa in tyopWe;

kampa yok tihkitskik;

7 ma yok owal Lisyas nikapitan gwacho',

wan ka chikawaliste we otishkistil

8 tewal mosel tihkakis kwah tiktahtanilis in mochiten tehwante timichilitikat in ten tikteshpawilitikat.

9 Wan in yudiyo' yehwante ompa katkaloya kitoloya kampa melak katkaya.

10 Kwakin niwetatakewan in tal Félis okichiwil taneshtiliste Pawlos pa tahtoskya,

wan Pawlos kito:

—Kampa nihmat tewal,

tikpi myak shiwim kampa tireynarotik pa in tal,

ka miyak pakiliste nimichilis ten nikchiptikatkaya kwah nishkitskik.

11 Tewal mosel kwal pa titahtanis kampa melawak in ten nikitotik,

han kipi 12 tonatim kampa niyaya niktahtoltiyaya ka tankwaketsaliste Dyos pa Yerushalém.

12 Inik nishteshpawilitikak amo nichitak ta nimokwalantitikatkaya pek ak inak pa in tyopWe,

wan niyok pa inik nityopalmeYudiyo',

wan niyok pa amo kaha pa in Wepweblo.

13 Yehwante amokwal pa mishneshtiliske ta melawak onka in yewal ten ashka nishteshpawilitikat.

14 Ma yok hanwel annimichilis melak niktahtolti niDyos towichalme,

niktokati ni'ot Yehshwa yewal inik masewalme kilil se ot ka nitamatiliste Yehshwa,

wan nitaneltok pa mochi NitanawatilMoshé ten tamashti wan pa mochi in ten onka takwihkwilolme pa niTaketsalme nitahtolmeDyos.

15 Newal niyok nikchishtik pa in Dyos in ten yehwante kichishtikat inik yudiyo' kampa yes yoliliste oksep,

ka yehwante kwahkwalme wan yehwante amo kwahkwalme.

16 Kampa nikchi ten nitamat kwal onka pa i'ishpa Dyos wan pa moshte masewalme.

17 ’Wan nikpiyaya miyak shiwim amo niwalaya,

ashka oniwal pa Yerushalém pa nikinpalewis nonohniwan taneltokalme yudiyo' in amoten kipiyal wan temakaliste pa in tyopWe.

18 In nikchiptikatkaya pa in tyopWe,

kwah tamiyaya in tachiwaliste ka tapohpowaliste,

amo katkaloya masewalme wan amo nikchiptikatkaya kwalaniliste.

19 Wan sek yudiyo' pa in tal AsíYah ompa katkaloya,

yehwante kipiyaloya pa walaloskya wan inik yeloskya pa nishteshpawilitiyaloskya ta ten kipiyaloya pa kitoloskya ika newal.

20 Ma kitok yehwante nika kat ten amokwal onikchi newal kimani oniye ininishpa in tanichikolme tatakewalme yudiyo'.

21 Ina han kwal pa kitoske pa kimani oniye ininishpa yehwante ina han onikit ka wehwe:

“Ashka nika ni'onka tahusgaril kampa nitaneltok pa yoliske oksep yehwante mikil.”

22 In Félis kimatiya miyak nitamatiliste ni'ot Yehshwa-Kristo,

kwakin okika pa okse tonat ka in tahtaniliste ka in tanichikolme wan kito:

—Kwah walas in wetatakewan Lisyas,

kwakin annimichilis kina nikit in tateshpawiliste.

23 Kwakin Félis kili nikapitan gwacho pa kikwitaptiyaskya Pawlos,

niyok kili pa kikawiliskya pa kichiwaskya ten kinekiskya,

wan pa amoten kitasotiliskya Pawlos wan kinmakawiltiskya pa kiwikililoskya ten kiteshmonektiyaskya.

24 Kwah panok sek tonatim,

owal Félis,

inak nisiwa itoka Derusila,

yewal katka yudiya,

otatake pa kwalikaloskya Pawlos wan okikak in taketsaliste ka in taneltokaliste pa Kristo Yehshwa.

25 Wan kitakichiliyaya Pawlos kina kipiyaya pa yoliskya ka chipawaliste pa niyol wan chikawaliste pa isel wan asis in tonat yeske tahusgarilme moshte,

kwakin momaptiyaya Félis,

kiliyaya:

—Ashka,

yewal han,

ta amo nikpi ten nikchiwas pa okse tonat nimishnotsas pa tiwalas ka newal.

26 Félis niyok kichishtikatka kampa Pawlos kitiniwiliskya tomi;

kampa yok hanse tatakewaya pa kwalikaloskya pa taketsaskya inak yewal.

27 Wan yok panok ome shiwim,

kwakin Félis yahmo katka niwetatakewan in tal wan in se yewal itokaya Porkiyus Festus yewal katka niwetatakewan in tal.

Ma yok Félis kinekiya mokawaskya kwal inak in yudiyo' okika tatsakwal Pawlos.