7 Kwakin tehwante timowikak pa in barko pa Tiros wan oti'asik pa Tolemayis,

wan ompa tikintahpalok inik tonihniwam taneltokalme wan timokawak ka yehwante se tonat.

8 Pa mostatik otikisak otiyak pa Kaysareya.

Wan timokawak pa nikal Pilipos in taketsaya tamashtilisteKwal,

yewal ye se ka in chikome takam tekipanolme.

9 In Pilipos kinpiyaya nawi ininpilwaSiwam ayamo monamiktiloya,

yehwante taketsaloya nitahtolmeDyos.

10 Tikpiyaloya miyak tonatim,

o'as se takat yewal mochantiyaya pa Yudaya se yewal niTaketsal nitahtolDyos itokaya Ágabos,

11 kwah o'as ka tehwante okonan in ka mokwehtiyaya Pawlos,

omo'ilpi pa nikshiwam wan nimahwam,

wan kito:

—Yok kito in EspirituSanto:

yok ki'ilpiske in takat yewal niyashka in ka mokwehtil yok ki'ilpiske pa Yerushalém wan kitemakaske ka yehwante amo yudiyo'.

12 Wan kimani tihkakik in,

miyak tiktahtanik tehwante wan yehwante ompa katkaloya pa amo yaskya pa Yerushalém.

13 Kwakin Pawlos tanankili:

—Pates anchokatikat wan kiyolkokoltitikat noyol?

Newal melak nimochika amo han pa nishilpiske,

hanwel niyok pa nimikis pa Yerushalém ika ni'itokaliste in Tats Yehshwa.

14 Kina amo okinek otishkak,

kwakin tihkawak wan tikilik:

—Ma ye kina kinek in TATS.

15 Kwah panok sek tonatim,

kwah tikpiyaloya ten moteshmonekiskya pa ot otiyak pa Yerushalém.

16 Niyok ka tehwante yaloya sek moneshtililme taneltokalme yewal mochantiloya pa Kaysareya,

yehwante tishwikak pa ni'icha se itok Menasón,

kampa timokawaloskya in otakat pa Kipros in tal ipanta pa in wehwe'atim yewal kipiyaya miyak shiwim pa in taneltokaliste katka se ka in moneshtililme.

17 Kwah ti'asik pa Yerushalém,

tonohniwan taneltokalme tishnamikiloya ka pakiliste.

18 Pa mostatik,

Pawlos oy tonawak pa tikitaloskya Yakobo,

wan moshte Abwelolme Wehwetsim ompa katkaloya ka Yakobo.

19 Kwah otam okintahpal Pawlos okintakichil mochiten yewal okichi Dyos ka nitekipanoliste ika yehwante amo yudiyo'.

20 Kwah kikakik,

kitoloya tahtolme wehwe pa Dyos.

Kwakin kililoya Pawlos:

—Tonihni,

tewal tikit kishki miles ka yudiyo' kat yewal ashka taneltokal pa Kristo,

wan moshte yehwante tamatik kampa motishmonek pa kichiwaske kina kito NitanawatilMoshé.

21 Wan yehwante otakakik kampa tikinmashti moshte inik yudiyo' yehwante mochantil ika inik amo yudiyo' pa kikawaske NitanawatilMoshé,

wan amo kipiyaloskya takotonili nikwerit kaha mashishal ininpilwam,

yahmo monek pa yok kichiptiloskya inik tachiwaliste.

22 Ashka ten tikchiwaske?

Moshte in yudiyo' yehwante taneltokal pa Kristo kimatiske kampa ashka otiwal.

23 Yok shikchi in yewal timichiliske:

Kat ka tehwante nawi takam taneltokalme yewal kichiwak se tahtoliste ka Dyos ashka kipiyal pa tamiske kichiwaske tatinewiliste ka Dyos.

24 Tewal shikinwik in masewalme,

shimopohpo inak yehwante wan shitashta,

pa yok yehwante moshimaske.

Yok kimatiske in yudiyo' kampa in yewal momashtik nahtewal amo melawak,

hanwel kampa tewal niyok tihneltokatik NitanawatilMoshé.

25 Pa kishki in amo yudiyo' yehwante taneltokal pa Kristo,

tehwante tikintitanilik se amatTakwihkwilol pa amo kikwaske tamakaliste yewal kintalilil i'ishpa inik dyose' tachiwal ka tal,

wan niyok amo shikwak yEste,

wan niyok amo shikwak nakat ka yolikilme yehwante oyek tasalolme,

wan amo shimotekatiyak sek ka oksek ka yewal amo motawikal wan yewal amo mosiwa.

26 Kwakin Pawlos mostatik okinwik in nawi takam,

wan omopohpo kina se yudiyo kwah kichi se tahtoliste ka Dyos kwakin okalak pa in tyopWe pa kinnawatiskya in totatsim kishki tonatim yeloskya pa tamiloskya ka in tapohpowaliste wan kichiwaloskya in temakaliste pa sesen ka yehwante.

27 Kwah monamiktiyaloya inik chikome tonatim,

sek yudiyo' yehwante mochantiloya pa in tal AsíYah walaloya ka Pawlos pa in tyopWe wan kinkwalantiloya in masewalme.

Kikitskik Pawlos

28 tsatsitikatkaloya:

—Nimasewalme Isra'El,

shitishpalewik!

Ina yewal in se takat yewal nihnemtik pa kaha han kinmashtitik in masewalme inik ten amokwal ika topweblo,

pa amo kineltokaske NitanawatilMoshé wan ika in tyopWe;

niyok ashka okinwalik pa in tyopWe sek takam gereko',

wan takatsawaltitikat pa in tatasot tyopWe.

29 Kampa in kitoloya ompa kitaloya in Trópimos,

in Epesos,

pa in Wepweblo Yerushalém inak Pawlos wan tamatiloya kampa Pawlos kikalaktiya pa in tyopWe.

30 Moshte masewalme monichikoloya,

motaloloya wan kikitskiloya Pawlos wan kiwilanaloya pa kiyawak in tyopWe,

haniman kintsakwak inik tatapolilme.

31 Kwah tipit katka pa kimiktiloskya,

kimani in niwetatakewan ka 600 gwacho',

pa Roma okinawatik kampa moshte inik masewalme kwalantikatkaloya pa Yerushalém.

32 Kwakin haniman okinonan sek gwacho' wan sek niwetatakewalme gwacho' wan motaloloya kaha katkaloya inik masewalme.

Kwah okitak in we kapitan ka 100 igwacho' wan iningwacho',

kwakin inik masewalme okimakawak Pawlos yahmo kitehtewiloya.

33 Kwakin omo'asilti in wetatakewan ka Pawlos,

okikitski wan otatake pa ki'ilpililoskya ka ome kadena.

Kwakin otahtan kampa akyewal katka wan ten okichiwaya.

34 Ma yok sek tsatsiloya sek tahtol wan noksek okse tahtolme,

wan kina in wetatakewan amo kimatiya melak pates tsatsitikatkaloya yehwante,

kwakin kinmili nigwacho' pa kiwikaloskya Pawlos pa kalitik ininkalme in gwacho'.

35 Kimani Pawlos o'as pa in eskaler,

in gwacho' kimamaloya kampa in masewalme hyero kwalantikatkaloya;

36 kampa in masewalme takwitap kintokatiyaloya in gwacho' tsatsitiyaloya:

—Shihmiktik!

37 Kimani in gwacho' kiwikatiyaloya pa kalitik pa ininkal in gwacho',

Pawlos okitahtanil in wetatakewan:

—Kwal pa nitahtos pa nimichilis ten?

In wetatakewan kinankili:

—Tewal tihmat titahto gereko?

38 Kwakin,

amo titewal in egiptiyo yewal okipewalti se momiktiliste kipi sek tonatim wan okinwik nawi mil takam ka in tamiktinilme pa se tal kaha amo'ak mochantiyaya?

39 Pawlos kinankili:

—Newal nitakat yudiyo,

wan onitakat pa Tarso,

in se Wepweblo hyero we monots nital Kilikya;

shinishmakawalti pa nitahtos ka in masewalme.

40 Kwakin in wetatakewan okimakawalti pa tahtoskya Pawlos,

wan omokets pa in eskaler,

okinchiwil se taneshtiliste ka nimahwam pa amo nawatitiyaloskya.

Kimani moshte yahmo nawatiloya,

kinwaltakichil ka hebreteko,

kitowaya: