Pawlos yawiya pa Makedonya wan pa Gerékya
20
Kwah moyolsewiloya ka ininkwalaniliste in masewalme,
Pawlos okinnots in taneltokalme pa Kristo wan haniman kinchikawalti;
kwakin okintahpal yehwante wan opanoti pa Makedonya.
2 wan panowaya pa inik talme kinchiwaltiyaya kishki taneltokaloya pa Kristo,
kwakin o'as pa Gerékya.
3 Ompa omoka pa yey meste,
han tipik katka pa takisaskya pa se barkit pa in tal Sirya,
ma yok sek yudiyo' kinekiloya pek ten kichiwililoskya ika yewal.
Kwakin otamat pa mokwepaskya pa Makedonya.
4 Pawlos kitokatiyaloya yehwante Sópater,
in nikon Piros yewal otakat pa Beroya,
wan niyok Aristarko' wan Segundo yewal otakat pa tesalonikense,
wan Gayus yewal otakat pa in Wepweblo Derbe,
wan TimoTe'os,
wan niyok ka Pawlos yaloya Tíhiko' wan Trópimos yewal otakatik pa in tal AsíYah.
5 Wan inik ta'ishpa oyak ka tehwante wan tishchishtikatkaloya pa in Wepweblo Tro'as.
6 Wan tehwante,
otiyak pa se barko pa in Wepweblo Pilipos kwah otam mitotiliste nitonatilme kwah kikwal pan yewal amo kipi taposhawalti,
wan pa makwil tonatim timo'itak ka in noksek pa Tro'as,
kampa timokawak ompa chikome tonatim.
Pashalo Pawlos pa Tro'as
7 In ta'ishpa tonat ka in chikomeTonatim timonichikok moshte pa tikwaloskya nitakwaliste tyotak in toTats.
Wan Pawlos kinmashtiyaya in taneltokaloya pa Dyos,
kina mostatik kisaskya yok okintakichiliti pa ipanta yowal.
8 Tikatkaloya tanichikolme pa se kalitik takpak,
wan katkaloya myak tawiliste;
9 wan se takatYankwik itoka Ewtikos,
yewal yowatikatka pa se bentan,
okipewalti kochmikiliste.
Kina Pawlos wehkaptikatkaya ka nitaketsaliste,
wan moka hyero koshtik wan owets pa in bentan,
katkaya takpak pa yey kahkalito,
wan oyak oki'ahkokik,
katkaya mihke.
10 Ma yok otem Pawlos,
omotankwakets,
okinapal.
Wan kinmili:
—Amo shimomaptik;
kampa yewal yoltik.
11 Wan oksep otehko Pawlos;
okishel in pan,
wan otakwa yok okintakichiliti pa mochi yowal pa tahtaneshti,
kwakin panoti.
12 In takatYankwik kiwikak,
yolki icha wan moshte mochikawaltiloya miyak.
Kisaloya ompa Tro'as pa yaloskya pa Miletos
13 Tehwante otiyak ta'ishpa pa se barko pa Asón kampa ompa timo'italoskya inak Pawlos yewal kinekiya mowikaskya pa in tal wan yok asiskya Asón.
14 Wan kimani otishnamik Pawlos ompa pa Asón,
otihwikak ka tehwante pa in barko,
otiyak pa Mitilene.
15 Wan mostatik otikisak ompa pa in barko wan ti'asik pa ta'ishpa Kíyos,
wan pa okse tonat oti'asik Samos.
Wan in okse tonat oti'asik pa Miléto'.
16 Kampa Pawlos hanse kinekiya panoskya pa Epesos wan amo kinek mowehkawaltiskya pa in tal AsíYah,
kampa kipiyaya isewiliste pa asiskya pa Yerushalém pa nitonat itok Pentekostés.
Pawlos kintakichili nitahtolme Kristo in Abwelolme Wehwetsin taneltokaloya pa Epesos
17 Kwah katkaloya pa Miléto',
Pawlos tatake pa kinnotsaloskya inik Abwelolme Wehwetsim pa in tanichikolme taneltokalme Epesos,
18 kimani asik ka yewal kinmili:
—Anmehwante ankimatil kina niyoliyaya pa kimani oni'as pa AsíYah wan ankitak kina nimochantiyaya mochi inik tonatim kimani nikatkaya ka anmehwante.
19 Niktekipanoli amo ka tashtawaliste in TATS ka mochi noyol amo we nitamatiya wan nichokaya,
wan nipanowaya takokoliste yewal kinekiloya nishchiwililoskya in yudiyo'.
20 Ankimatil kampa amo nimokawaya pa annimichiliskya ten yewal katka kwal pa anmehwante,
hanwel nihmashtiyaya taketsaliste ininishpa masewalme wan pa kalme.
21 Nikinmiliyaya moshte yudiyo' wan yehwante gereko' kichiwaloskya ten kwal pa kineshtiloskya kampa kikweptikatkaloya ininta'ilnamikiliste wan kineshtitikatkaloya kampa kikweptikatkaloya ininyolme ka Dyos ka inintachiwaliste kwahkwalme wan pa taneltokaloskya pa toTats Yehshwa.
22 Wan ashka,
shikitak,
nishtitantik in EspirituSanto pa niyas pa Yerushalém,
wan amo nihmat ten yewal nishpanos ompa.
23 In hanwel nihmat kampa pa mochi Wepweblo' in,
EspirituSanto nichili melak kampa nishchiyal tatsakwaliste wan tayolkokoliste.
24 Amoten nitamat ta monek pa nimikis hanwel nihnek pa nitamis nikchiwas in tekipanoliste yewal in Tats Yehshwa onishtake pa nikinmilis nitamashtilisteKwal ka in ta'ihnili pa Dyos.
25 ’Ashka nihmat kampa amo'ak ka anmehwante,
ika aki ninehnemtinem pa nikintakichilitinem nitamashtilisteKwal ka nireynaroliste Dyos,
nihmat kampa yahmo annichitaske.
26 Kampa yok,
ashka annimichili anmehwante,
kampa newal amoten nikpi ika anmehwante ta pek ten anmishpan,
27 kampa annimishmashti nitahtolmeDyos mochi kina Dios,
kinek pa ankichiwaske anmehwante.
28 Yok,
shimokwitawik anmehwante anmoselte,
wan shikinkwitawik inik taneltokalme pa Kristo.
Shikilnamikik kampa in EspirituSanto anmishmak in tekipanoliste kina wehwetatakewalme pa in masewalme,
pa ankinkwitawiske moshte yehwante Dyos okinkisti pa in poliwiliste ipa niyEste nikon.
29 Newal nihmat kwah nipanotiyas,
walaske oksek masewalme kalakiske pa in tanichikol wan kina koyom kinekiske kintamiske inik borrego'.
30 Wan ka anmehwante moselte yeske masewalme yehwante tamashtiske ka takwamanaliste,
wan inik moneshtililme kintokaske yehwante.
31 Yok shitachishtiyak,
shikilnamikik kampa pa yey shiwim pa tahka wan tayo,
ka chokaliste,
amo nimomakawaya pa annimishtakichilitiyas kina kwal anmochantiloskya.
32 ’Wan ashka annimishka anmehwante inak Dyos wan ka nitaketsaliste ka nita'ihniliste,
yewal kipi chikawaliste pa anmishpalewis wan anmishmakas takawaliste ka moshte inik nita'onanalme nitekipanolme Dyos.
33 Amo'ik onihnek amo'ak nitomiPlata nitomiOro nishashal pa amo'ak;
34 anmehwante moselte kwal ankimatil kampa ka in nomahwam nitekipanowaya pa nihkowaskya ten nishteshmonekiya wan niyok in yehwante katkaloya nonawak.
35 Hanse annimishneshtil kampa monek pa antekipanoske wan ankinpalewiske yehwante kintateshmonek,
shikilnamiktiyak nitahtolme in Tats Yehshwa:
“Kipi miyak pakiliste se yewal timak,
amoyok kipi in se yewal konan.”