Pawlos wan Silas pa TesaloNike
17
Opanok Pawlos wan Silas in Wepweblo' ÁnfiPolis wan in Wepweblo Apolónya wan asik pa TesaloNike,
ompa katkaya se inintyopYudiyo'.
2 Kina kimatiya kichiwaya Pawlos,
okalak pa nityopYudiyo yeshpa pa se tonatmosewilyudiyo,
kintakechiliyaya ka yehwante ka in nitakwihkwilolisteDyos.
3 Kinnawatiyaya kampa in nitakwihkwilolisteDyos kineshtiyaya kampa kipiyaya pa panoskya takokoliste in Kristo wan pa mikiskya wan kipiyaya pa yoliskya oksep.
Kinmiliyaya:
—In Yehshwa,
yewal annimishmashtitik in yewal Kristo.
4 Katkaloya sek yudiyo' yehwante taneltokaloya pa Kristo wan kitokaloya Pawlos wan Silas.
Niyok taneltokaloya miyak masewalme gereko' yehwante kitankwaketsaliloya Dyos,
niyok myak siwam wehwemonotsalme.
5 Ma yok inik yudiyo' amo taneltokaloya kipiyaloya chawatiliste,
wan kinonanak sek masewalme hyero momatil,
ka yehwante kichiwak se tanichikol wan kichiwak kwalaniliste ka masewalme.
Kwakin o'asik kalakik pa ni'icha Yasón,
kintemotikatkaloya Pawlos wan Silas kinekiloya kinwikaloskya kaha tahosgaroloya pa in Wepweblo.
6 Kina amo kinmitak Pawlos wan Silas kwakin kiwilantiyak Yasón wan sek ninihniwan taneltokalme,
kinwikak pa ininishpa in wehwetatakewalme pa in Wepweblo,
tsatsitiyaloya:
—Inik takam walak kichiwak momiktiliste pa mochital wan ashka walak niyok kichiwak nika momiktiliste,
7 moseptikat pa ni'icha Yasón wan amoyok kichiwal kina onka in takwihkwilol ka nitahtol in weRey Kaysar,
kitol kampa onka okse weRey itok Yehshwa.
8 Kwah kikakik in,
in wehwetatakewalme wan in masewalme,
hyero kwalanik.
9 Okichiwak kampa Yasón wan inik oksek ninohniwan taneltokalme,
kipiyaloya pa tashtawaloskya kwakin kinmakawak.
Pawlos wan Silas pa in Wepweblo Beroya
10 Wan inik taneltokalme pa Kristo haniman tayopti okintitanik Pawlos wan Silas pa in Wepweblo Beroya.
Kwah asik ompa,
oyak pa nityopYudiyo.
11 Yehwante in yudiyo' pa in tyop kipiyaloya ininta'ilnamikiliste kwal,
amo katkaloya kina yehwante pa TesaloNike,
hanse tonatim momashtiloya in nitakwihkwilolisteDyos pa kinekiloya kimatiloskya ta inik tahtolme katkaloya kina Pawlos kimashtiyaya.
12 Kwakin myak ka in yudiyo' taneltokaloya pa Yehshwa,
wan niyok miyak siwam gereka' wehwe monotsalme wan inintawikal.
13 Pa kimani kimatik inik yudiyo' ompa pa TesaloNike kampa Pawlos katkaya pa Beroya kimashtiyaya nitamashtilisteKwal Dyos,
oyak niyok ompa kitoloya kampa amo melawak katka ten Pawlos kimashtiyaya,
wan kichiwak pa kwalaniloskya inik masewalme.
14 Kwakin haniman in ninohniwan taneltokalme kititanik Pawlos pa yaskya pa in wehwe'atim,
ma yok omoka Silas wan TimoTe'os ompa Beroya.
15 Yehwante yaloya inak Pawlos okiwikak pa in Wepweblo Aténa'.
Kwakin Pawlos okinmil pa kinmililoskya Silas wan TimoTe'os pa mo'italoskya wan amo wehkawaloskya pa walaloskya pa Aténa' kaha katka yewal.
Pawlos pa Aténa'
16 Kwah Pawlos kinchishtikatka TimoTe'os wan Silas pa Aténa',
okikok niyol kampa okit in Wepweblo katkaloya miyak mono' tachiwalme ka tal.
17 Yok,
yewal kinnawatiyaya nitahtolmeDyos pa nityopYudiyo,
wan ka inik yehwante kitankwaketsaliloya Dyos,
niyok hanse tonatim kintakichiliyaya pa in plasa ka yehwante ompa katkaloya.
18 Wan sek momashtiloya nitamatiliste epikúreo wan estoyko',
mo'onanaloya inak Pawlos.
Yehwante kitoloya:
—Ashka ten kinek kitos in taketsiyan?
Oksek kitoloya:
—Hanwel tahtotik ka in oksek dyose' pa oksek talme.
Kitoloya kampa Pawlos kimashtiyaya tanawatiliste ka tamashtilisteKwal ka Yehshwa wan kina yoliloskya oksep in mihmihki.
19 Kwakin okiwikak Pawlos,
kaha monichikoloya kaha kintakichililoya in masewalme,
kaha ta'itoka AreyóPago,
wan kililoya:
—Tihnekil pa titichilis ka in yankwik tamatiliste yewal titaketstinem?
20 Kampa otichil tahtolme yahyankwik amo tihmatik tihkakit,
amo'ik tihkakiloya,
tihnekil tihmatiske inik ten kinek kitos.
21 Wan moshte inik masewalme pa Aténa',
wan inik mochantiloya pa oksek talme,
hanse tonatim han amo kichiwaloya okse tachiwaliste han kikakiloya wan taketsaloya ka inik tachiwaliste yankwik.
22 Kwakin omokets Pawlos ipanta AreyóPago kaha yehwante monichikoloya pa taketsaloskya wan kinmili:
—Takam atenateko',
newal nihmat kampa anmehwante hyero antaneltokal pa mochiten ankichiwal ka anmodyose'.
23 Kwah nipanowaya pa in Wepweblo,
onikinmit moshte kaha ankinpiyal anmodyose' mono tachiwalme ka talme wan kaha kitalil tatamakal wan onikit se yewal ipa katka takwihkwilol in tahtolme:
“In Dyos amo'ak ki'ishmat”.
Anmehwante ankineltokal in Dyos yewal amo anki'ishmatil in yewal newal annimishnawatitik.
24 ’Yewal in Dyos yewal okinchi in mochital wan mochiten inik yewal kat.
Yewal han TATS pa takpakIlwikak wan pa in mochital,
amo mochanti pa tyopalme tachiwalme ka nimahwam masewalme,
25 yewal amo kitishmonek pa kitekipanoliske masewalme,
hanwel moshte kinmak yoliliste,
wan yehyekat wan mochiten kinteshmonektiyas.
26 ’Pa se han takat Dyos okichi moshte masewalme pa in mochital,
okintake pa mochantiloskya pa kishki mochital wan okital Dyos kishki shiwim yoliloskya wan okital kaha mochantiloskya wan asiloya pa itehtenko in talme,
27 Dyos kinekiya kampa masewalme kitemoloskya wan kwal pa kitaloskya,
melak Dyos amo wEhka onka ka tehwante.
28 Kampa pa yewal tiyolil,
wan tinehnemil wan tikchiwal mochiten inik;
yok kito se ka in takwihkwilolme kilik:
“Tehwante melak ti'ikolinchim Dyos.”
29 Ta tihmatil kampa tehwante ti'ikolinchim Dyos,
amoyok shitamatitiyak kampa kat dyose' tachiwalme ka oro,
ka plata ka tet,
wan takopinalme tapahwilme inik kichiwak takam yok kina tamatiloya kampa nesiloya,
30 Pa ya wehkA in masewalme amo kimatiloya kikakiloya Dyos wan okinmakawalti pa kichiwaloskya kina kinekiloya yehwante,
ma yok ashka kinmili moshte pa mochital shihkawak anmota'ihtakoliste wan shihkwepak anmoyol pa Dyos kina kinek.
31 Yewal okital se tonat pa kinhusgaro moshte pa in mochital,
wan kichiwas ipa in takat yewal ki'onan;
wan oyol oksep kina se taneshtiliste pa moshte.
32 Kwah kintakichiliyaya Pawlos kikakik ka in yoliloskya oksep,
sek kiwetskililoya oksek kililoya:
—Timishkakiske pa okse tonat.