3 Inik masewalme pa in tyop okintitanik pa in ot,

opanok pa tal Poynikya wan Samarya,

ompa kintakichilik kina inik yehwante amo katkaloya yudiyo' okikawak inintaneltokaliste pa yewal taneltokaloya pa taneltokaloskya pa Dyos.

Kwah kikakik in tanawatiliste,

inik yehwante taneltokaloya pa Dyos miyak pakiloya.

4 Kwah asik pa Yerushalém Pawlos wan BarNabás,

oyek tanamikilme ka in taneltokalme wan inik tatitanilme wan inik Abwelolme Wehwetsim.

Kwakin pawlos wan BarNabás kintakichilik pa mochi in ten Dyos okichi inak yehwante.

5 Kwakin sek parisheyo' yehwante taneltokaloya,

walmoketsak wan kitok:

—In monek kipiyaskya takotonili nikwerit kaha mashishal yehwante amo yudiyo',

ma tikintakewak ma taneltokak pa NitanawatilMoshé.

6 Kwakin monichikok inik tatitanilme wan inik Abwelolme Wehwetsim pa yok kitaloskya in taketsaliste.

7 Kwah tamik tahtok,

Petros walmokets wan kinmili:

—Nonohniwan newal taneltokalme,

anmehwante ankimatil,

ya wehkA Dyos onishonan newal itsala anmehwante pa annimishmashtiskya nitamashtilisteKwal Dyos ka yehwante amo yudiyo' pa taneltokaloskya.

8 Dyos kinishmat moshte ininyolme masewalme,

niyok totamatiliste wan niyok kinnek yehwante amo yudiyo' taneltokaloya okinneshti kwah kinmak in ni'EspirituSanto yok kina tehwante.

9 Wan Dyos yok kinmit kina tehwante yehwante,

okinchipawalti ininyolme kimani yehwante taneltokak.

10 Ashka,

pates anmehwante amo antaneltokal in yewal ten Dyos okichi,

pates kinchikawaltil inik yehwante taneltokalme pa Kristo pa kineltokaske inik tahtolme kampa inik towichalme wan tehwante amoyok tikchiwal?

11 Ma yok tehwante titaneltokatikat kampa tikat takistiliste ka toyoliliste ka nita'ihniliste Tats Yehshwa wan yehwante niyok yok yeske takistiliste.

12 Kwakin moshte amo nawatiloya,

wan kikaktikatkaloya BarNabás wan Pawlos,

in taketsaloya mochiten kichiwaya Dyos ka yehwante ka taneshtiliste wan tapololtiliste pa yehwante amo yudiyo'.

13 Kwah tamik tahtok,

Yakobo kinmili:

—Nonohniwan newal taneltokalme,

shinishkakik:

14 Shimón Petros otishtakichil kina Dyos okinihnil pa konanaskya sek ka yehwante amo yudiyo' wan yok niyok pa yeloskya nipweblo.

15 Yok niyok okitok inik niTaketsalme nitahtolmeDyos,

kina onka takwihkwilol:

19 ’Kampa nikito amo monek pa tikinchiwaltiske yehwante amo yudiyo' pa kinkawaske in kimatil kichiwal pa yok kineltokaske Dyos.

20 Ma yok ma tikinpahwilik se amattakwihkwilol pa tikintahtaniske pa amo kikwaske tamakaliste yewal kintalilil i'ishpa inik dyose' tachiwal ka tal wan amo shimotekatiyak sek ka oksek ka yewal amo motawikal wan yewal amo mosiwa wan niyok amo shikwak nakat ka yolikilme yehwante oyek tasalolme,

wan niyok amo shikwak yEste.

21 Kampa NitanawatilMoshé momashtitiwal pa inik nityopalmeYudiyo' pa sesen pweblo wan momashtil pa mochi inik tonatmosewilyudiyo.

22 Kwakin in tatitanilme wan inik Abwelolme Wehwetsim,

pa moshte in taneltokalme,

sek ka yehwante okinonanak wan okintitanik pa Anti'okya inak Pawlos wan BarNabás.

Ki'onanak Yudas yewal niyok itoka BarSabás wan Silas katkaloya takam wehwemonotsalme pa in tyop,

23 okichiwak se amattakwihkwilol ka yehwante:

“Tehwante inik tatitanilme wan Abwelolme Wehwetsim,

antimishtahpalotikat anmehwante tonohniwan amo yudiyo',

wan yehwante mochantil pa Anti'okya,

wan pa tal Sirya wan pa Kilikya.

24 Kampa tihmatik,

kampa sek ka tehwante kisak nika,

wan oyak ka anmehwante,

tehwante amo tikintitanik pa anmishmashtiske ashka anmehwante amo ankimatil ten ankichiwaske pa anmoyoliliste.

25 Kampa yok kwal otikitak ka in tahtoliste,

tikinonanak sek masewalme ika ka tehwante otikintitanik pa anyaske anmichitaske anmehwante,

inak tonohniwan tatasotalme in taneltokalme BarNabás wan Pawlos,

26 inik yehwante kitalik ininyoliliste pa kipololtiloskya ka ni'itokaliste toTats Yehshwa-Kristo.

27 Yok yewal antimishtitanilil in Yudas wan Silas,

akyehwante iselte taketsaske pa anmishmashtiske yok niyok.

28 Kampa tehwante kwal tikitak in EspirituSanto wan tehwante amo tikinchiwaltiske pa antaneltokaske anmehwante pa han kichiptiyaske kina kito in amat amo shikilkawak in yewal ten kichiwal:

29 ta yok ankichiwal kwal,

anmishyas amo shikwak in tamakaliste yewal kintalilil i'ishpa inik dyose' tachiwal ka tal,

wan amo shikwak yEste,

wan amo shikwak nakat ka yolikilme yehwante oyek tasalolme wan amo shimotekatiyak sek ka oksek ka yewal amo motawikal wan yewal amo mosiwa.

Ma kwal anshiyek.”

30 Kwakin BarNabás,

Pawlos,

Yudas wan Silas oyak pa Anti'okya.

Wan ompa monichikok moshte kishki yehwante taneltokalme wan kinmakak in amattakwihkwilol;

31 kwah kinmashtilik in amattakwihkwilol,

pakiloya kinyolsewiya yok kina kitowaya in amattakwihkwilol.

32 Yudas wan Silas niyok katkaloya niTaketsalme nitahtolmeDyos,

wEhka otahtotiyak ka ininnohniwan taneltokalme wan kinchikawaltiloya miyak.

33 Mokawak sek tonatim ompa,

kwakin okinkwepak ka sewiliste in ininnohniwan taneltokalme pa walmokwepaloskya inik yehwante kintitaniloya.

34 Ma yok,

Silas omoka mochantiti pa Anti'okya.^a

35 Pawlos wan BarNabás,

mokawak pa Anti'okya,

tamashtiloya wan taketsaloya nitamashtilisteKwal Dyos inak in miyak oksek.

36 Panok sek tonatim,

Pawlos kili BarNabás:

—Ma tiyak tikinpashalok oksep in taneltokalme pa mochi inik Wehwepweblo kampa tikintakichilitinemil in nitahtolDyos,

wan tikinmitaske kina kat.

37 BarNabás kinekiya kinwikaskya inak yehwante Yuhanes,

niyok itoka Markus;

38 kili Pawlos kampa amokwal katka pa kiwikaloskya Yuhanes Markus ka yehwante kampa yewal okinka pa in mochital Panpilya wan amo kintokaya yehwante pa in tekipanoliste.

39 Wan hyero mo'ahwak se ka okse;

ka in kwalaniliste mosemanak.

BarNabás kiwik Markus wan panotiyak pa se barko pa Kipros,

40 Pawlos oki'onan Silas.

Opanoti wan ininnohniwan taneltokalme kitahtaniloya ka nita'ihniliste Dyos pa kinkwitawiskya kwal,

41 panoloya pa in mochital Sirya wan Kilikya wan kinchiwaltiloya yehwante pa hanse taneltokatiyaloskya in taneltokalme.