—Shikinkawak oksela BarNabás wan Sha'ul pa kichiwaske in tekipanoliste yewal nikinmakas.

3 Kwakin,

yehwante mosawak kitahtoltik Dyos,

kwakin kintalilik ininmahwam ipa BarNabás wan Sha'ul wan okintitanik.

4 Yok yewal okintetan in EspirituSanto,

Sha'ul wan BarNabás pa yaloskya pa in Wepweblo Seleukiya wan ompa okonanak barko oyak pa Kipros in tal katka ipanta pa in wehwe'atim.

5 Asik pa itenko in wehwe'atim pa Salamis.

kintakichililoya nitahtolmeDyos pa inintyopalmeYudiyo'.

Niyok katka ka yehwante Yuhanes yewal kinpalewiyaya.

6 Kwakin opanok mochi in tal pa in wehwe'atim o'asik pa in ranchit Papos.

Ompa kitak se takat yudiyo itoka BarYehshwa,

yewal kichiwaya tashoshaliste.

Yewal tikwamanaya kitowaya kampa yewal katka niTaketsal nitahtolDyos.

7 In tashoshan BarYehshwa katkaya inak in Wetatakewan Sergiyos Pawlos,

yewal takat kimatiyaya tamatiliste.

Wan otatake pa kinnotsaloskya pa walaloskya BarNabás wan Sha'ul,

kampa kinekiya kikakiskya nitahtolmeDyos.

8 Ma yok in tashoshan BarYehshwa,

in kinek kitos ni'itokaliste Elimas,

kintsakwiliyaya yehwante amo kinekiya pa Sergiyos Pawlos kineltokaskya Yehshwa-Kristo.

9 Ma yok Sha'ul,

yewal niyok itok Pawlos,

mokawiliyaya miyak EspirituSanto,

omoka kitati pa nishtololwam Elimas

10 wan kili:

—Titewal,

nikon tawalilot wan tikinkokoli inik ten kwahkwalme,

tikchi miyak tekwamanaliste wan tihmat tikchi mochi nimawiltiliste tawalilot!

Amo'ik timo'ilka pa tihkoltilis ni'ot melawak Dyos?

11 Wan ashka,

mishkokolti in Tats;

yahmo titachishtiyas pa sek tonatim amo tikitas nitawiliste tonat.

Pa haniman waltayoway wan tatiltik,

omoka pa Elimas wan kitemowaya ak kiwikaskya pa kitilantiyaskya pa nimahwa.

12 Kimani okit in Wetatakewan Sergiyos Pawlos,

yewal ten okipan Elimas,

okineltok nitahtolDyos,

motapololti kampa okit kina nitamatiliste in Tats Yehshwa kipiyaya miyak chikawaliste.

13 Pawlos wan yehwante kishki yaloya inak yewal,

kisak pa barko ompa pa Papos asik pa in Wepweblo Perge pa in tal Panpilya,

ompa Yuhanes okinka wan omokwep pa Yerushalém.

14 Pawlos wan BarNabás okisak pa Perge,

asik pa in Wepweblo Anti'okya pa in tal Pisidya.

Oyak pa nityopYudiyo pa se tonatmosewilyudiyo ompa motalik pa siya.

15 Kwah tamik momashtik NitanawatilMoshé wan inik niTaketsalme nitahtolmeDyos,

wan inik wehwetatakewalme pa in tyopYudiyo tatitanik in taketsaliste ka yehwante pa kinmililoskya:

—Nonohniwan taneltokalme,

ta ankipiyal ten ankitoske,

se taketsaliste ankinchiwaltis masewalme shikitok ashka.

16 Kwakin omokets Pawlos,

okichi taneshtiliste ka nimahwam wan kito:

—Masewalme isra'elita',

wan anmehwante amo isra'elita' kishki melawak ankimatil momaptil pa ni'ishpa Dyos shinishkakik:

17 IninDYos in Isra'El okinonan towichalme,

okinchiwil kwal yehwante kwah mochantiloya pa in mochital Egipto yewal amo katkaya inintal;

kwakin okineshti Dyos nipoderoliste wan okinkisti pa in tal.

18 In masewalme nehnentinemiloya pa in tal kaha tawak pa 40 shiwim wan pa mochi in shiwim Dyos kinkwitaptinem,

19 yewal kinshitin chikome pweblo ka ininmasewalme pa in tal Kanán,

wan okinmak inik isra'elita' in talme kina ininyashka.

20 Mochi in opan kina pa 450 shiwim,

kwah opan in Dyos okinmak hwese',

pa inik tonatim ka niTaketsal nitahtolDyos SamuEl.

21 Kwakin otahtanik se weRey,

wan Dyos okinmak in Sha'ul,

nikon Kish,

ka in se tanichikol pa BenYamín yewal reynarowaya pa 40 shiwim.

22 Kwah Dyos okikisti Sha'ul,

pa amo yeskya weRey,

kwakin Dyos okital Dawid pa yeskya ininweRey yehwante,

Dyos kito:

“Newal niktasot miyak Dawid nikon Isay kampa yewal kichi mochiten niktake.”

23 Dyos oki'asilti in tahtol melawak yewal kito ya wehkA,

kwah kiwaltitan Yehshwa in katka niwichal Isra'El,

pa kinkistiskya pa in poliwiliste.

24 Pa kimani ayamo'ok walaya Yehshwa,

Yuhanes kinmiliyaya pa mokwatekiloskya pa kichiwaloskya ten kwal pa nesiskya,

kampa kikweptikat ininta'ilnamikiliste wan kineshtitikat kampa kikweptikat ininyolme ka Dyos ka inintachiwaliste kwahkwalme pa moshte masewalme pa Isra'El.

25 Kimani Yuhanes tamtiyaya nitekipanoliste,

kitowaya:

“Takwitap ka newal walas se,

yewal newal amo nikpi amo nimonots pa nimopachos niktomilis nikorreya niwarach wan pa niktekipanolili nihan tipit.”

26 ’Pawlos kinmiliyaya:

Nonohniwan taneltokalme,

anmehwante nikolinchim AbRaham,

wan anmehwante ankimatil momaptil pa ni'ishpa Dyos:

melawak shihkakik in tanawatilisteKwal yewal takistili in poliwiliste.

27 Inik yehwante mochantil pa Yerushalém,

wan yehwante kipiyaloya wehwetatakewaliste amo kimatiloya ak katka Yehshwa,

amo kimatiloya ten kinek kitos in yewal kikwihkwilok niTaketsalme nitahtolmeDyos.

Yok momashtiloya pa mochi inik tonatim pa in tonatmosewilyudiyo;

pa kimani tatakewak pa kimiktiloskya Yehshwa,

yok tamik kichiwak in yewal onka takwihkwiloli.

28 Wan amo kitak ten,

pa yok yeskya tamiktil Yehshwa,

ma yok kitahtanik Pilatos pa kimiktiloskya.

29 Kimani tamik monamikik mochi in ten kitowaya pa in amatTakwihkwilolme,

yewal kipiyaya pa kipanoskya Yehshwa,

kitemowik pa in kruskwawit wan kitalik kahakoyonkeTeshkal.

30 Ma yok Dyos okiyolti oksep ka inik mihmihke.

31 Wan pa miyak tonatim okitak inik yehwante yaloya inak yewal pa in tal Yudaya asiloya pa Yerushalém,

ashka kat yehwante kimatil kampa melawak okitak yewal kintakechilil masewalme.

32 ’Wan tehwante tikintakichilitinemil in tamashtilisteKwal yewal melawak Dyos kintenewil towichalme.

33 Tehwante kina nikolinchim yehwante,

ki'asilti in tahtol melawak yok kina kito,

kwah kiyolti Yehshwa,

kina onka takwihkwilol pa in ome salmo:

“Tewal tinokon;

kili,

ashka onimochi motats.”^a

34 Haha,

Dyos okiyolti Yehshwa,

okikisti pa amo'ik palaniskya nikwerpo,

yok monamikik inik tahtolme:

“Nikinnamikiltis inik taketsaliste melawak ka in tamashtiliste kwahkwalme yewal oniktiniwil Dawid.”^b

35 Kampa yok kito pa okse takwihkwilol:

“Amo tihkawas pa palanis nokwerpo,

newal moTikipanol in mota'onanal.”^c

36 Kampa melawak Dawid okintekipanolil yehwante yoliloya pa inik tonatim kimani yoliyaya yewal,

okichi kina Dyos kinekiya.

Kwakin omik,

okitapachok ka ininkolinchim wan tihmatil kampa opalan nikwerpo.

37 Ma yok in Yehshwa yewal Dyos okiyolti oksep,

amo opalan nikwerpo.

38 Shihmatik ashka nonohniwan taneltokalme,

kampa anmishmashtitinemil inak Yehshwa ka ta'ihniliste ka ininta'ihtakoliste.

39 Kampa in NitanawatilMoshé amo okinkistil in masewalme ininta'ihtakoliste,

ma yok yeske takistiliste ininta'ihtakoliste moshte kishki taneltokal pa Yehshwa.

40 Shitachishtiyak pa amo'ik anmishpanos kina takwihkwilok niTaketsalme nitahtolmeDyos:

42 Kwah kisaloya pa nityopYudiyo' Pawlos wan BarNabás in masewalme kitahtaniloya kampa pa okse tonatmosewilyudiyo,

pa kintakichiliskya oksep tamashtiliste.

43 Kwah tamik taketsak pa nityopalmeYudiyo' myak yudiyo',

wan sek amo yudiyo' otaneltokaloya ka inintaneltokaliste in yudiyo',

kitokatiyaloya Pawlos,

wan BarNabás,

yehwante kintakichiliyaya pa mochikawaltiloskya pa taneltokatiyaloskya pa nita'ihniliste Dyos.

44 Pa mostatik pa in tonatmosewilyudiyo,

hame moshte masewalme pa in Wepweblo monichikok,

kampa kinekiloya kikakiloskya nitahtolDyos.

45 Kwah in yudiyo' kinmitak myak masewalme kinchawatik,

wan ki'ahwaloya Pawlos kitoloya amo melawak katka kina taketsaya.

46 Ma yok amo momaptiloya Pawlos wan BarNabás,

kinnankililoya kinmililoya:

—In moteshmonekiya ta'ishpa yewal anmehwante ankimatiloskya nitahtolmeDyos;

ma yok amo ankinekik taneltokak wan amo ankiteshmonekil pa ankipiyaske yoliliste yewal amoTamis,

ashka tiyaske tikintakichiliske nitahtolmeDyos inik amo yudiyo'.

47 Ina yewal tichili in TATS pa tikchiwaske:

48 Kimani inik amo yudiyo' okikakik in,

kwal otamatik wan timakak tashtawaliste ka nitanawatiliste in TATS;

wan taneltokak moshte yehwante Dyos kintahtolti pa kipiyaloskya in yoliliste yewal amo'ik tami.

49 NitahtolmeDyos kitaketsaloya pa kishki mochi in tal.

50 Ma yok in yudiyo' taketsak ka in siwam kitankwaketsaliloya Dyos wehwemonotsalme wan yoliloya kina kitowaya inintaneltokaliste wan niyok ka inik takam wehwemonotsalme wan kinchikawaltik pa kintemoloskya Pawlos wan BarNabás,

pa kinkistiloskya wan kinwikaloskya pa kiyawak inintal.

51 Ma yok motsehtselok nipokteTal pa ni'ikshiwam kina se taneshtiliste ika yehwante,

kwakin oyak pa in Wepweblo Ikonyon.

52 Inik taneltokaloya pa Kristo kipiyaloya miyak pakiliste wan omokawilik miyak in EspirituSanto.