Petros kinmashti in Abwelolme Wehwetsim wan in tanawatinilme pa Yerushalém in yewal ten opan pa nikal Kornelyus
11
Inik tatitanilme wan inik tonohniwan taneltokalme yehwante katkaloya pa Yudaya kimatik kina inik amo yudiyo' okineltokak nitahtol Dyos.
2 Kwah Petros omokwep pa Yerushalém,
in yudiyo' yehwante kineltokaloya in tahtol kampa moshte kipiyaloya pa yeloskya tatekiliste ikwerit itenko kaha mashishal ki'ahwaloya.
3 Kililoya:
—Kina otikalak pa nikal yehwante amo kipiyal nitatekiliste ikwerit itenko kaha mashishal wan niyok otitakwa inak yehwante?
4 Kwakin okipewalti Petros taketsaliste mochi sesen tachiwaliste yewal ten okipan,
kinmili:
5 —Nikatkaya pa in Wepweblo Yope,
niktahtoltitikatka Dyos,
nitachiyaya kina nitatimiktiyaskya,
wan onikit temotiwalaya nesiya kina se shashalWe,
katka ta'ilpitilme inik nawi nitehtenko temotiwalaya pa in takpakIlwikak kampa newal nikatkaya.
6 Onimoka nikitatik ten kipiyaya itik,
wan onikinmit pa in shashal katkaloya mochi inik yolikilme ka nawi inintankwam,
wan inik tekwanim wan inik mochiten yewal mowilanal ipa tal,
wan moshte inik kishki nesil kina totom pa ilwikak.
7 Kwakin onihkak se tahtol,
nichiliyaya:
“Shimokets,
Petros;
shihmikti wan shikwa.”
8 Ma yok nihnankili:
“Newal amoyok nikchiwaskya TATS,
kampa amo'ik nikwa nitipik yewal ten tatatsot in ten amo chipawak.”
9 Ma yok in tahtol onichil oksep pa in takpakIlwikak:
“Amo shikit kampa katsawak ina yewal kili Dyos yewal ten chipawak.”
10 In opan yeshpa wan haniman oye ta'ahkokil oksep,
pa in takpakIlwikak.
11 Shikit haniman asik yey takam pa in kal kaha nikatkaya,
kinwaltitaniloya ka newal pa in Wepweblo Kaysareya.
12 Nichili in EspirituSanto kampa niyaskya inak yehwante.
Niyok oyak nonawak inik chikwase tonihniwam.
Wan tikalakik pa nikal in takat itok Kornelyus,
13 otishmashti in Kornelyus kina okit se nitanawatilanhelDyos,
pa nikal kalitik moketstikatka wan in tanawatilanhel kili:
“Shitatitan pa Yope pa kinotsaske Shimón,
in yewal niyok kitokayoltil Petros,
14 wan yewal anmichilis kina tewal wan moshte yehwante mochantilme pa mokal anyeske takistiliste pa in poliwiliste.”
15 Kwah onikinwaltakechil yehwante,
in EspirituSanto owaltem ipa yehwante,
yoke kina tehwante otishpan ta'ishpa.
16 Kwakin nikilnamik nitahtol in Tats Yehshwa:
“Melak Yuhanes takwatek ka at,
ma yok anmehwante anyeske takwatekilme ka in EspirituSanto.”
17 Yok yewal,
ta okinmak Dyos yehwante in poderoliste yewal otishmak tehwante niyok kampa tihneltokak in Tats Yehshwa-Kristo,
ak ninewal pa niktsakwilis Dyos?
18 Kwah okikakik in,
yahmo ki'ahwak Petros,
wan kitoloya tahtolme wehwe wan kwahkwalme pa Dyos,
kitoloya:
—Hanwel yok Dyos okinmakawalti pa kichiwaloskya ten kwal pa kineshtiloskya kampa kikweptikat ininta'ilnamikiliste wan kineshtitikat kampa kikweptikat ininyolme ka Dyos ka inintachiwaliste kwahkwalme yehwante amo yudiyo' Dyos kinmak yoliliste yewal amo'ik tamis!
In taneltokanilme pa in Wepweblo Anti'okya
19 Inik yehwante mosesemanak katkaloya tatimoliste pa yeloskya tamiktiliste kampa oye tamiktil Estepan,
kwakin ocholok in taneltokalme wehkA asik pa in tal itok Poynikya,
wan pa in tal ipanta in Wehwe'atim itok Kipros,
wan pa in Wepweblo' Anti'okya.
Kintakichilitinemiloya nitahtolmeDyos hanwel yudiyo',
yehwante ompa mochantiloya.
20 Ma yok katkaloya sek ka in taneltokalme,
yehwante mochantiloya pa Kipros,
wan pa in tal itok Kirene,
yehwante asiloya pa Anti'okya niyok yehwante masewalme tahtoloya gereko',
kintakichilitinemiloya nitamashtilisteKwal in Tats Yehshwa.
21 Wan nichikawaliste in Tats katkaya ka yehwante,
wan myak masewalme taneltokak wan kitokak ni'ot in Tats Yehshwa.
22 Kwah kimatik in taneltokalme ten panotikatkaya pa Yerushalém,
okititanik BarNabás pa yaskya Anti'okya.
23 Kwah yewal o'as,
okit kina kwal kinihniliyaya Dyos kwal kinchiwilitikatka in taneltokalme,
kwal tamat.
Wan kintahtaniyaya pa kichikawaltiloskya ininyolme moshte pa taneltokaloskya pa ni'ot in Tats Yehshwa.
24 Kampa katkaya BarNabás se takat kwal,
mokawiliyaya miyak EspirituSanto wan kineltokaya in Tats Yehshwa.
Kwakin yok miyak walmochiwak taneltokalme ka in TATS.
25 Kwakin oy BarNabás pa Tarso pa kitemoskya Sha'ul;
26 kwah okit Sha'ul yewal okiwik pa Anti'okya pa mochi se shiwit monichikoloya ka in masewalme taneltokalme pa Kristo.
Wan kinmashtiloya myak masewalme.
Wan ompa oye pa Anti'okya kaha okinpewaltik in se ta'ishpa kampa inik masewalme kintokayoltiloya kristyano' yehwante kineltokaloya toTats Yehshwa-Kristo.
27 Pa inik tonatim temok sek niTaketsalme nitahtolmeDyos yehwante katkaloya pa Yerushalém yaloya pa Anti'okya.
28 Wan omokets se ka yehwante,
pa tahtoskya itoka Ágabos,
wan kito ka nichikawaliste in EspirituSanto,
kampa yeskya se mayanaliste we pa mochi kishki tal,
in mayanaliste oye kwah Kela'udyus katka we rey.
29 Yok kichiwak pa sesen yehwante taneltokalme pa Kristo,
hanwel kina sesen kipiyaloya tomi,
kintitanililoskya pa kishki kipiyaloskya pa kinpalewiloskya ininnohniwan taneltokalme kampa amoten kipiyaloya wan mochantiloya pa Yudaya.
30 Yok okichiwak,
wan okititanik tomi ka BarNabás wan Sha'ul yehwante okinwikilik Abwelolme Wehwetsim inik taneltokalme pa in Yudaya.