TakokolistePlaga ka chapolme
10
In WeTatsDyos kili Moshé:
“Shi shitahto inak para'ó,
kampa newal onikchi pa kichikawaltiskya niyol wan niyok nitekipanolme,
kampa nikinchiwas ika yehwante notaneshtiliste ka tapololtiliste.
2 Onikchi pa yok tikinpowilis mopilwam wan mokolinchim ka in chikawaliste ika yewal newal onikinchiwil inik egiptiyo' wan inik taneshtiliste yewal onikchi ika yehwante.
Yok kimatiske kampa ninewal in WeTatsDyos.”
3 Kwakin Moshé wan Arón oyak ka para'ó wan kilik:
“In WeTatsDyos niDyos hebreteko' yok kito:
‘Pa kishki tonatim amo tihnek timotankwaketsa no'ishpa newal?
Shikinka ma yak isra'elita' pa nishtahtoltiske.
4 Ta amo tihnek tikinkawas pa yaske,
pa mosta hani nikchiwas pa walaske chapolme ipa in tal Egipto.
5 Yewal temiske pa mochi in tal wan amo nesis in tal.
Inik kikwaske yewal han ten tipit mokawaya ka in teshiwit wan kitamiske mochi inik kwawim yewal kat pa tashosholtik.
6 Temiske pa mokalme wan ininkalme motekipanolme wan pa mochi Egipto.
In yewal amo'ik kitak anmotahwan,
anmo'abwelolme,
pa kimani yehwante o'asik nika pa in Wepweblo wan pa ashka!’”
―Asta pa kimani tishkwamanas in takat ka in ten tishchiwilitik?
Shikinka ma yak isra'elita' pa kitahtoltiske in WeTatsDyos,
ininDyos!
Hanwel amo tihmat kampa Egipto onka tashitinil?
8 In para'ó otatake pa kinotsaloskya Moshé wan Arón wan kinmili:
―Shiyak shiktahtoltik in WeTatsDyos anmoDyos.
Han shinichil akyehwante yaske.
9 Moshé tanankili:
―Monek pa yaske moshte.
Inik takamYahyankwik wan inik wehwetsim masewalme.
Niyok yaske inik topilwaTakam wan topilwaSiwam wan toborrego',
toyolikilme,
kampa tikchiwaske se mitotiliste fyesta pa in WeTatsDyos.
10 Ka wetskaliste in para'ó kinmili:
―In WeTatsDyos ma ye ka anmehwante!
Kina hani antamatil pa annimishkawas pa anyaske anmehwante wan anmopilwam?
Shikitak hani anmachishtil kampa ankinekil ancholoske!
11 Amo yok yes kina anmehwante ankinekil!
Ta ankinekil kitahtoltiske in WeTatsDyos,
shiyak anmehwante han inik takam!
Wan otatake pa kinkistiloskya pa ni'ishpa in para'ó.
12 Kwakin in WeTatsDyos kili Moshé:
“Shihmela momahwa ipa mochi in tal Egipto,
pa walaske chapolme wan temiske pa kishki Egipto.
Ma kikwak mochi in shosholtik yewal omoka ka in teshiwit.”
13 Moshé kimela nibara ipa in tal Egipto wan in WeTatsDyos okichi pa mochi in tonat wan mochi in tayo se yehyekat kaha walkis tonat pa yehyekaskya ipa in tal Egipto.
Pa mostatik yewal yehyekatikatkaya kaha waltakis tonat kinwalikaya chapolme,
14 inik chapolme okalakik pa mochi Egipto wan ompa omokawak.
Amo'ik yok oye wan amo'ik yes okse,
ka in myak chapolme yok kina oye pa in tonat!
15 Temtikatkaloya pa in tal,
kampa in tal amo nesiya,
okikwak mochi inik kwawitito pa tashosholtik wan mochi inintakilme kwawim yewal kikawaya in teshiwit.
Pa mochi Egipto amoten moka shosholtik,
niyok pa inik kwawim wan inik kwawitito.
16 Kwakin para'ó otatake pa kinotsaloskya Moshé wan Arón wan kinmili:
“Nimokatsawalti inak in WeTatsDyos moDyos wan ika anmehwante.
17 Ma yok nimishtahtani pa tinishihnilis nokatsawiliste sehpa hanya wan shiktahtanik ma kinkisti pa newal in WeTatsDyos anmoDyos in chapolme kampa tishmiktitiyal,
ma kinkisti wEhka.”
18 Pa kishki Moshé kisti pa ni'ishpa para'ó kitahtani in WeTatsDyos ika para'ó.
19 In WeTatsDyos okichi pa hyero walyehyekaya kaha tamalin tonat wan okinwik mochi in chapolme wan kintas pa in wehwe'atim chichiltik,
pa mochi Egipto amo moka nise chapol.
20 Ma yok in WeTatsDyos okichikawalti niyol para'ó,
wan amo okinka pa yaloskya inik isra'elita'.
TakokolistePlaga pa se tatikomat
21 In WeTatsDyos kili Moshé:
“Shihmela momahwam pa takpakIlwikak,
kampa mochi pa Egipto yes se tayoway.
Yes se tayoway kampa kwal kikitskiske!”
22 Moshé okinahkok ininmahwam pa in ilwikak wan pa yey tonatim oye tayowaliste pa in tal Egipto.
23 Pa in tonatim inik egiptiyo' amokwal pa mo'italoskya se ka okse,
wan amokwal pa moliniloskya kaha katkaloya.
Ma yok kaha mochantiloya inik isra'elita' katkaya tawiliste.
24 Kwakin para'ó otatake pa kinotsaloskya Moshé wan kili:
―Shiyak shiktahtoltik in WeTatsDyos.
Shikinwikak niyok anmopilwam,
ma yok shikinkawak anmoborrego' wan anmoyolikilme.
25 Moshé kinankili:
―Hanwel amoyok!
Tewal niyok monek pa tishmakas sek yolikilme pa yeske tamiktilme wan tachichinolme ipa tetelme tanichikolme wan tachichinoliste ka ahwiyaliste kwal pa in WeTatsDyos toDyos,
26 kampa toyolikilme monek pa yaske ka tehwante.
Amokwal pa mokawas nise nihutuch!
Kampa ka yehwante tikonanaske se toyolikil wan amo tihmatil kati yewal tiktenewiliske kina tatamakaliste pa in WeTatsDyos toDyos,
wan amo tihmatil kati tiktenewiliske in WeTatsDyos pa kimani ti'asiske ompa.
27 Ma yok in WeTatsDyos okichikawalti niyol para'ó wan yewal amo kinek okinka pa yaloskya,
28 ma yok para'ó kili Moshé:
―Shikis nika!
Ma yok amo nihnek pa tiwalas oksep pa no'ishpa newal!
In tonat yewal tewal tiwalas tichitas nika,
nitatakewas pa mishmiktiske.
29 Moshé tanankili:
―Kwal tikito!
Amo'ik nikitas moshayak!