―Yakob!

Yakob!

Kinankili:

―Nika ni'onka.

3 Kili:

―Newal niDyos,

niDyos motats.

Amo shimomaptiti pa tiyas Egipto,

kampa ompa nikchiwas se tanichikol we.

4 Niyas monak Egipto,

wan niyok nikchiwas pa tiwalmokwepas.

Wan Yosé yes ka tewal pa kintsakwas moshtololme kwah timiki.

5 Yok Yakob okis pa BérSheba,

wan ininpilwam Isra'El kitalik nitats Yakob,

wan ininpilwam wan ininsiwam,

yehwante pa in yawalolme tatilanal yewal kintitaniliyaya para'ó ka kinwikaloskya.

6 Niyok kinwikak ininyolikilme wan kinwikak mochi ininyashka,

yewal Yakob tapiyaya pa Kanán.

7 Yok Yakob kinwik pa Egipto ininpilwaTakam wan ininpilwaSiwam wan nikolinchimTakam wan nikolinchimSiwam,

moshte yehwante oyak inak yewal.

8 Yok itokaloya ininpilwam Isra'El wan Yakob nikolinchim yehwante oyak pa Egipto:Rubén ye nikon we,

Yakob.

9 Ininpilwam Rubén yek:

Henok,

Palú,

Hesrón wan Karmí.

10 Ininpilwam Shime'ón yek:

YemuEl,

Yamín,

Óhad,

Yakín,

Tsohar wan Sha'úl,

yewal katka nikonSiwat kananeya.

11 Ininpilwam Lewí yek:

Gershón,

Koat wan Merarí.

12 Ininpilwam Yehudá yek:

Er,

Onán,

Selá,

Perets wan Séra.

(Er wan Onán mikik pa in tal Kanán.)Ininpilwam Perets yek:

Hesrón wan Hamul.

13 Ininpilwam Isakar yek:

Tolá,

Puwá,

Iyob wan Shimróm.

14 Ininpilwam Sabulón yek:

Séred,

Elón wan YahalelEl.

15 Niyok yek ininpilwaTakam yewal Le'a okitakatilti Yakob pa in tal Padán-aram,

wan niyok okitakatilti nikonSiwat Dína.

IninpilwaTakam wan ininpilwaSiwam yek 33 masewalme.

16 Ininpilwam Gad yek:

Tsepón,

Hagí,

Eshbón,

Shuní,

Erí,

Arodi wan Arelí.

17 Ininpilwam Asher yek:

Imná,

Yishwá,

Yishwí,

Berihá wan Séra,

ninohniSiwat yehwante.Ininpilwam Berihá yek:

Héber wan MalkiEl.

18 Yehwante okintakatilti Silpa ininpilwam Yakob.

Yewal Labán okimak Le'a pa yeskya nitikipanolSiwat.

Katkaloya 16 masewalme.

19 Inik yek ininpilwam Rakel,

nisiwa Yakob:

Yosé wan BenYamín.

20 Pa Egipto,

okitakatilti Yosé ka nisiwa Asenat,

nikonSiwat Potipera,

totats On:

Manashé wan Eprayím.

21 Ininpilwam BenYamín yek:

Bela,

Beker,

Ashbel,

Gerar,

Namán,

Ehi,

Rosh,

Mupim,

Hupam wan Ard.

22 Inik yek ininpilwam Rakel,

okintakatilti Yakob katkaloya 14 masewalme.

23 Nikon Dan ye:

Hushim.

24 Ininpilwam Neptalí yek:

YahetsEl,

Guní,

Yeser wan Shilem.

25 Inik yek ininpilwam Yakob yewal okinpi inak Bilha.

In tikipanolSiwat yewal Labán kimak nikonSiwat Rakel.

Yek chikome masewalme.

26 Moshte inik masewalme yehwante yaloya inak Yakob pa Egipto,

moshte katkaloya nikolinchim wan katkaloya 66,

amo katkaloya tapowalme ininsiwamom.

27 Wan ka in ome ininpilwam Yosé yewal okintakatilti pa Egipto.

Moshte yehwante ininpilwam wan nikolinchim Yakob katkaloya 70 masewalme.

28 Kwakin Yakob kitake Yehudá kampa katka Yosé pa yok kiliskya Yosé pa kinamikiskya pa in tal Goshen.

29 Kinmili Yosé nitakam pa kipiyaloskya nikareta,

pa yok yaskya pa Goshen pa kinamikiskya nitats Isra'El.

Haniman kwah okit Yosé pa i'ishpa nitats kinapalo,

nitats wan owehkA moka chokati.

30 Isra'El kili Yosé:

―Ashka kwal pa nimikis!

kampa nimichit tewal kampa tiyoltik!

31 Kwakin kinmili Yosé ninohniwan wan yehwante pa nikal nitats:

―Ma nitakis pa nitahto ka para'ó pa nikili nonohniwan,

wan yehwante kat ka nikal notats,

yewal mochantiloya pa in tal Kanán,

yehwante walak ka newal.

32 In takam takwitawilme tanichikolme ka yolikilme kinpiyal borrégo',

chibo' wan baka',

kinwalikak wan mochiten tapiyaloya.

33 Kwah anmishnotsa wan anmishtahtanili pa ten tikipanoloya,

34 shikilik pa kishki tiyoltikat wan pa ashka inik tehwante timotikipanolme tewal tikinkwitawil yolikilme,

kina inik towichalme yehwante mikik.

Yok anmokawaske pa in tal Goshen,

kampa inik egiptiyo' kipiyal tatatsotalme pa mochantiske inak yehwante takwitawilme yolikilme borrego.