Yosé okital tapalkatonte tachiwali ka plata pa BenYamín
44
Kwakin Yosé okinots niwetatakewan pa nikal:
“Shikintemiltil inintamamal inik takam ka trigo kishki temi,
shikintalil inintomi pa mochi sesen pa nikamak inintamamal.
2 Shiktal niyok notapalkatonte tachiwal ka plata pa itik nitamamal in tipichi yankwik ika nitomi,
ka tashta trigo.”
Wan niwetatakewan pa nikal kichi kina kili Yosé.
Génesis 44.1-33
3 Tahtanesti,
ninohniwan Yosé kintakewak pa yaloskya pa mokwepaloskya inak ininburro'.
4 Ayamo'ok yaloya wEhka pa in wepweblo' wan Yosé okinots niwetatakewan pa nikal:
“Shi!
Shikinas in takam!
Kwah tikinasis,
shikinmil: ’
Pates annishtashtawilik amokwal wan anmishmak in kwal?
5 Pates anki'ishtikilik yewal nitapalkatonte tachiwal ka plata wan kaha nowetatakewan takoni wan kaha kit ten panos?
In amokwal ten ankichiwak!”
―Pates yok tikito,
notats we in?
Tehwante motikipanol amo'ik tikchiwal ten yok!
8 Shikit,
timishwalkwepilik tomi yewal tikitak pa'itik nikamak totamamal sesen ka tehwante,
tihwalikak kwah tikisak pa Kanán.
Kina yok tikishtikililoskya plata,
oro pa nikal in tats?
9 Ta se ka tehwante motikipanol tikit,
ma kimiktik wan tehwante,
in oksek timochiwaske nitikipanol nikal in notats.
10 Wan niwetatakewan pa nikal kito:
―Ma ye kina ankitol,
akyewal kipiyas tapalkatonte tachiwal ka plata yes notikipanol;
wan anmehwante mokawaske tamakawaliste pa in tateshpawiliste.
11 Kintemowik sesen inintamamal wan kitalik pa tal,
wan ka sesen kintapok.
12 In wetatakewan otatem okipewalti ka ninnohni we wan otam ka ninohni tipichi.
Kitak yawiya pa nitamamal BenYamím in tapalkatonte tachiwali ka plata!
13 Kwakin motsayanilik ininshashalme.a
Kintamamaltilik ininburro' wan mokwepak pa in Wepweblo.
14 Kimani Yehudá wan ninohniwan asik pa nikal Yosé,
yewal ompa katkaya ayamo yawiya tikipanowaya.
Kwakin motankwawetsak pa tal ni'ishpa yewal,
15 kinmili Yosé:
―Ten in yewal ankichiwak?
Amo ankimatil ta se takat kina newal,
kimat kit ten motachiwas?
16 Kinankili Yehudá:
―Kina timichiliske Tats!
Ten tikitoske!
Kina timishnishtiliske kampa amo tikpiyal takokoliste?
Ka Dyos yewal kineshti totakokoliste tehwante motikipanol.
Ashka tehwante tiyeske motikipanol,
notats we,
tehwante tonohniwan wan in se yewal kipiyaya in tapalkatonte tachiwal ka plata.
17 Yosé kinmili:
―Amo'ik pek ten nikchiwaskya!
In yewal aki kipiyaya tapalkatonte yes notikipanol.
Wan in oksek mokwepaske ka anmotats ka mosewiliste,
amo'ak anmehwante anmishtsakwili.
18 Kwakin Yehudá o'as ka yewal wan kili:
―Newal nimishtahtani tewal,
Tats,
shikit newal nimishtahtani motikipanol nimichili tewal tats sek tahtolme pa monaka.
Amo shikwalan ka newal motikipanol,
kampa newal,
nimichit tewal ti'onka kina para'ó.
19 Tewal tats titishtahtanil tehwante motikipanol ta ankipiyal anmotats wan okse anmonohni,
20 wan tehwante titanankilik tikpiyal totats kipi myak shiwim,
wan se tonohni tipichi yewal okitakatilti kwah notats kolinche katka ka myak shiwim.
Wan niyok tikitok kampa totats hyero miyak kinek wan yewal hanse mokawiliyaya nikon ka in se han nisiwa,
kampa nokse ninohni omik.
21 Kwakin tewal timotikipanolme otishtahtan pa tihwalikaloskya kampa tihnek tikishmatiskya.
22 Wan timichilik tewal notats kolinche amo kika in piltonte nitats kampa,
ta kika,
kwakin nitats miki.
23 Ma yok titichili tehwante motikipanol,
ta amo ankwalikal anmonohni tipichi ka anmehwante,
kwakin amo annichitaske.
24 Timokwepak kaha motikipanol notats,
wan tikilik in tewal tats titichili.
25 Kwah tichili totats:
“Shimokwepak shihkowak tipit takwaliste pa tehwante.”
26 Wan tehwante titanankilik:
“Amokwal tiyaske ta amo ya ka tehwante tonohni tipichi amo tiyaske.
Amo tikitaske nishayak in takat ta amo oy ka tehwante tonohni tipichi.”
27 Totats,
in motikipanol,
kito:
“Ankimatil kina annishtakatilti nosiwa ome nopilwam.
28 Ka in omente se yahmo onka ka newal.
Wan nikito kampa melak se yolikilme kika tahtakito,
wan ashka amo'ik nikita pa mochi in shiwim.
29 Ta annishkishtilik niyok nokon,
wan niyok ta okipan pek ten,
kwakin kichiwaske kampa in tsontek temos pa She'olb kaha kat mihmihke!”
30 ’Ashka,
shikit,
kimani nimokwepas newal motikipanol,
ta in takatYankwik ta amo ya ka tehwante,
in niyoliliste notats pipichotik inak niyoliliste in takatYankwik,
31 in panos kimani ta amo okit in piltonte,
mikis,
wan motikipanolme kichiwaske pa moyokoltis kampa notsontek istak yok temos pa She'ol kaha kat mihmihke.
32 Newal motikipanol nikili notats melak kampa nihkwepiliskya in piltonte.
Nikili:
“Ta amo nihwalik oksep ka tewal,
noTats newal,
kwakin newal nikpiyas hanse tateshpawiliste mo'ishpa.”
33 Ashka,
shinishmakawilti pa newal motikipanol nimokawas nika pa niyes motikipanol pa tewal,
tats ma nimoka wan in piltonte shihmaka pa mokwepas ka ninohniwan.
34 Kina nimokwepas kaha notats ta amo nihwik in piltonte?
Amo nihnek ten kipanos amokwal notats!