Yakob wan ininpilwam
37
Yakob omochanti pa tal kaha mochantiyaya nitats,
pa tal Kanán.
2 In tapowaliste ika Yakob wan ininpilwam.
Yosé kipiyaya 17 shiwim,
kinkwitawiyaya borrego' wan chibo' ka ninohniwan,
ininpilwam Bilha wan Silpa,
in oksek ininsiwam nitats.
Wan Yosé kinawatiyaya nitats Yakob ten amokwal yehwante kichiwaloya.
Génesis 37.1-35
3 Isra'El kitasotaya miyak Yosé amoyok miyak kintasotaya in oksek ininpilwam,
kampa okitakatilti kwah Isra'El katka kolinche.
Wan Isra'El kichiwil Yosé se tilma kwal nesiya.
4 Kwah kitaloya ninohniwan itats kishki miyak kitasotaya Yosé wan yehwante amoyok kintasotaya,
kwakin kikokoliloya amo kitakichililoya Yosé.
5 Se yowal Yosé tatemiki,
kwah kinmili ninohniwan in tatemikiliste,
kikwalanilik miyak,
6 kampa kinmiliyaya:
―Shinishkakik,
annimishtakichilis in tatemikiliste yewal nikpi.
7 Tikatkaloya pa se tashosholtik tikinihilpitikatkaloya trigo ka manoho.
Haniman nomanoho walmokets wan moka moketstik melahka,
kampa anmomanoho' anmehwante kiyawaloloya ka ninewal wan mokwalpacholoya pa ni'ishpa yewal.
8 Kwakin ninohniwan kinankilik:
―Tihnek tikito tewal timochiwas towe,
wan titichili mochi yewal tikpiyaske pa tikchiwaske?
Wan kikokoliloya miyak kina taketsaya ka nitatemikiliste ten kitemikiyaya.
9 Kwakin oksep tatemik,
wan kinmili ninohniwan in yewal ten kitemiki:
―Shitakakik oksep nitatemik,
yewal pa in tatemikiliste nikitaya in tonat,
in meste wan 11 sitalme mokwalpacholoya no'ishpa newal.
10 Wan kitakichil nitats in tatemikiliste wan ninohniwan,
nitats ki'ahwa kili:
―Ten tatemikiliste yewal ten tiktemik?
Melak timotankwaketsaske mo'ishpa tewal monantsi wan newal wan niyok monohniwan?
11 Wan ninohniwan ki'ihyaloya,
kampa kinekiloya yeloskya kina Yosé,
ma yok nitats ki'ilnamikiyaya miyak in tatemikiliste.
Ninohniwan kinamakal Yosé
12 Se tonat,
ninohniwan oyak takwitawik niborrego' nitats kaha tashosholtik pa Sikem.
13 Wan Isra'El kili Yosé:
―Kina tihmat,
monohniwan ompa takwitaptikat inik borrego' pa Sikem.
Shiwal,
wan nimishtakeptik pa tiyas ka yehwante.
Kinankili Yosé:
―Kwal onka.
14 ―Shi shikinmit ta kwal kat monohniwan wan in borrego' wan hani shiwalmokwep pa tinishnawatis.
Wan okitetan Isra'El pa in ishtawak Hebron,
wan Yosé asi pa Sikem.
O'as Yosé pa Sikem,
15 wan se takat okit nehnemtikatka pa in ishtawak ompa wan kitahtinili:
―Ten tiktemotik?
16 Yosé kinankili:
―Nikintemotik nonohniwan.
Shinichil kaha takwitaptikat borrego'?
17 Kinankili in takat:
―Panotiyak.
Ompa onikinkak mo'ililoya ma tiyak pa Dotán.
Yosé kintemotiyaya ninohniwan,
wan kinmit pa in pweblo Dotán.
18 Kwah yehwante kitak walaya wEhka Yosé,
kwah ayamo'ok asiyaya yehwante motakichililoya kina kwal kimiktiloskya.
19 Mo'ilik sek ka oksek:
―Pa wal in tatemikiliste.
20 Ma tihmiktik wan ma tiktasak pa se takoyonke,
wan tikinmiliske moshte kikwa se tekwan yolil pa kwawim.
Kwakin tikitaske kina tamis nitatemikiliste!
21 Kwah kikak Ruben in,
kinek kipale ka ninohniwam,
kinmili:
―Amo tihmiktiske.
22 Anmehwante amo ankimiktiske.
Shiktasak pa in takoyonke pa se tal kaha tawak,
wan amoten shikchiwilik.
Kinmili Rubén kampa yewal kinek kipalewiskya Yosé pa yok kiwikaskya ka nitats.
23 Kwah o'as Yosé ka ninohniwan,
kikishtilik nitilma kwal nesiya yewal nitats kichiwiliya yewal kikimtiyaya,
24 kikitskik wan kitasak pa in koyonke katka wak wan amo kipiyaya at.
25 Wan motalik tawak ninohniwan.
Kwah takwatikatkaloya kinmitaloya astiwalaloya kameyo' tamantiwalaloya in takam katkaloya yishma'elteko' walaloya pa Gile'ad.
Tamantiwalaloya in kameyo' ahwiyaliste,
kopal wan in chichik itok mira ka shochim wan kwawin ahwiyalme yewal ka tapahtilme,
yaloya pa Egipto.
26 Wan Yehudá kinmili ninohniwan:
―Ten tihtaniske ta tihmiktik tonohni wan kina tiktatiske,
ta tihmiktik?
27 Ma tikinnamakiltik in takam yishma'elteko';
amoten tikchiwiliske.
Shikilnamikik yewal tonohni.
Mokawak ka se tahtoliste ninohniwan,
28 kwakin kwah panotiyaloya in takam midyanteko',
kikishtik Yosé ninohniwan pa in koyonke wan kinnamakiltik pa 20 tomiplata.
In yishma'elteko' wan yehwante kiwikak pa Egipto.
29 Mokwep Rubén pa in koyonke wan tachi ompa amoten katka Yosé,
kwakin kitsayani nishashalme.a
30 Mokwep kaha katkaloya ninohniwan,
kinmili:
―In takatYankwik yahmo ten onka!
Ashka ten nikchiwas?
31 Kwakin konanak itakemtel Yosé,
kimiktik se chibo,
wan kishashawilik yEste tilma.
32 Mokwepak ka itats kineshtilik tilma:
“Tikitak in.
Shikit ta nitilma mokon.”
33 Yakobo haniman ki'ismat,
kito:
“Haha,
ina yewal nitilma kwal nokon!
Se tekwan kikwa nokon Yosé wan kichiwil tahtahko!”
34 Wan kitsayani nishashalmeb Yakob wan motakemilti ka shashalme tiltik,
yok ki'ahkok pa myak tonatim kikokowaya niyol.
35 Moshte ininpilwaTakam wan ininpilwaSiwam walaloya kiyolsewiloya,
ma yok yewal amo kinekiya moyolsewiskya yok kitowaya:
“Nikchokilis nokon hanse tonatim,
kimani nimikis nitemos pa She'olc kaha kat mimihke kaha onka nokon.”
Wan nitats kichokiliyaya.
36 Asik pa Egipto,
in takam madyanteko' wan kinamakiltik Potipar,
Potipar in wetatakewan katka nitikipanol para'ó katka niwetatakewan gwacho'.