Yakob o'as pa Padán-aram
29
Yakob okonan ni'ot,
wan o'as pa tal kaha waltakis tonat.
2 Otachi wan okit takoyonaliste,
amo wEhka katkaloya yey tanichikolme borrego',
kampa pa in takoyonaliste takoniloya yolikilme.
Se tet we kitsakwaya in takoyonaliste.
Génesis 29.1-30
3 Kwah moshte monichikoloya inik tanichikolme borrego',
kikishtiloya in tet we yewal ka tsaktikatkaya in takoyonaliste,
wan kinahmakaloya inik borrego' wan oksep kitsakwaloya in takoyonaliste.
4 Yakob kinmili:
―Nonihniwan,
kaha anmochantil anmehwante?
Wan yehwante kinankilik:
―Tehwante timochantil pa Harán.
5 Kwakin kinmili:
―Anki'ishmatil anmehwante Labán,
in nikon Nahor?
Wan yehwante kitok:
―Haha,
tikishmatil.
6 Yakob kinmili:
―Kina onka?
Wan yehwante kinankilik:
―Yewal kwal onka.
Shikit tewal nepa wal nikonSiwat Rakel ka borrego'.
7 Kwakin yewal kito:
―Shikitak,
ayamo tyotak,
ayamo kwal tikintsakwaske in borrego'.
Shikinahmakak wan shikinwikak ma takwak.
8 Yehwante kinankilik:
―Amokwal yok tikchiwaske,
monek pa monichikoske moshte tanichikolme borrego'.
Kwakin mokishti in tet we pa takoyonaliste wan tikinahmakaske in borrego'.
9 Taketstikatka inak yehwante,
kwah o'as Rakel ka ininborrego' nitats yewal kinkwitawiyaya.
10 Rakel katka nikon Labán,
ninohni ninantsi Yakob,
wan in borrego' katka ka Labán.
Kimani Yakob okit Rakel,
o'as wan kikishti in tet we ka ta'ahmakaliste wan kinahmakak in borrego'.
11 Kwakin Yakob kitahpalo ka tenamikiliste Rakel,
wan kipewalti chokaliste.
12 Kwakin Yakob kili Rakel yewal katka nikon ninohni nitats,
wan katka nikon Rebeka.
Kwakin yewal motalo pa kinawatiskya nitats.
13 Kwah okikak Labán in taketsaliste ka Yakob,
nikon ninohniSiwat,
motaloti oy okinamik,
wan kinapalo wan kitenamiki,
wan okiwik icha,
ompa Yakob kitakichili Labán mochi inik ten.
14 Kwakin Labán kili:
“Tewal tihnamiki noyEste.”
Wan Yakob moka pa mochi se meste.
Yakob monamikti inak Le'a wan Rakel
15 Kwakin Labán kili Yakob:
―Amoyok han tinishtikipanoli,
kampa tewal nikon nonohni,
shinichil kishki tihnek pa nimishtashtawilis.
16 Labán kinpiyaya ome ininpilwaSiwam.
In we itoka Le'a wan in tipichi itoka Rakel.
17 Le'a kwal nesiloya nishtololme,
Rakel kwal nesiya.
18 Yakob kinekiya Rakel,
wan kili:
―Nimishtikipanolis chikome shiwim pa nimonamiktis ka mokon tipichi,
Rakel.
19 Wan Labán tanankili:
―Kwal onka,
pa nimishmakas tewal,
pa amo monamiktis inak okse takat.
Shimoka ka newal.
20 Yok ye kina Yakob otikipan chikome shiwim ka Rakel,
kitamashti kina sek tonatim,
kampa hyero kinekiya.
21 Se tonat,
Yakob kili Labán:
―Ashka onitam onimishtikipanol mochi in shiwim.
Shinishmak nosiwa pa nimonamiktis inak yewal.
22 Kwakin kinnichiko Labán moshte masewalme wan okichi se mitotiliste.
23 Kwah tayoway,
Labán konan nikon Le'a,
wan okiwikil Yakob,
wan yewal omotek inak yewal.
24 Niyok Labán okimak nikon Le'a,
se tikipanolSiwat itok Silpa.
25 Mostatik kwah tanes,
Yakob okit kampa katka inak Le'a,
kampa yok kili Labán:
―Ten yewal otinishchiwil?
Nimishtikipanol pa nikonanas Rakel?
Pates otishkwaman?
26 Labán kinankili:
―Inik,
tehwante amo titemakal pa monamiktis se nikon tipichi ta ayamo'ok monamikti nikon we.
27 Shitakis in chikome tonatim,
kwakin nimishmakas in nokse,
ta tinishtikipanoli oksek chikome shiwim pa newal.
28 Yok okichi Yakob,
mo'ashilti in chikweyi tonatim,
kwakin Labán okimak nikonSiwat Rakel pa yeskya nisiwa.
29 Wan Labán okimak Rakel se nitikipanolSiwat itoka Bilha,
pa yeskya Rakel nitikipanol.
30 Wan Yakob omotek niyok ka Rakel,
wan okinek miyak Rakel,
amoyok okinek Le'a,
wan kitikipanoli Labán oksek chikome shiwim.
Ininpilwam Yakob
31 In WeTatsDyos kitaya kina Yakob amo kinekiya Le'a.
Okichi pa kinpiyaskya ininpilwam,
wan Rakel amokwal kinpiyaskya ininpilwam.
Génesis 29.31-30.43
32 Le'a o'osti ta'apa wan okitakatilti se nikonTakat wan okitokayolti Rubéna,
kampa kito:
“In WeTatsDyos okit kina nimoyolkokotikatka.
Yok ashka nishtasota notaka.”
33 Oksep osti ta'apa wan okitakatilti okse nikonTakat,
kwakin kito:
“In WeTatsDyos takak kampa amo nishnek notaka,
kampa onishmak in okse nokon.”
Kampa yok kitokayolti Shime'ón.
34 Oksep o'osti ta'apa wan okitakatilti se nikonTakat,
wan kito:
“Kampa ashka notaka mokawas nonak,
kampa nikintakatilti yey ininpilwam takam.”
Wan okitokayolti Lewí.
35 Osti ta'apa oksep,
wan okitakatilti okse nikonTakat,
wan kito:
“Ashka nikilis tahtolme wehwe pa in WeTatsDyos.”
Kampa yok okitokayolti Yehudá.
Kwakin yahmo okinpi ininpilwam.