―Amo shimonamikti ka inik siwam pa in tal Kanán.

2 Shi pa Padán-aram pa nikal BetuEl nitats monantsi,

wan shikonan mosiwa ompa ka nikonSiwat Labán ninohni monantsi.

3 Yewal Dyos ka nichikawaliste ma mishmashti,

wan ma kichi pa takatiske wan pa momiyaptiske,

pa yok mochiwaske myak Wehwepweblo'.

4 Yewal Dyos ma mishmak nitamashtiliste in AbRaham,

tewal wan mokolinchim,

pa timokawilis in tal kaha ashka timochantitik,

wan yewal okimak AbRaham.

5 Yok okititan Itsak pa konanaskya ni'ot Yakob wan in panoti pa Padán-aram,

kaha mochantiyaya Labán,

yewal katka nikon BetuEl in aramteko' wan ninohni Rebeka,

ninantsi Yakob wan Esa'ú.

6 Esa'ú okit kampa Itsak kimashtiyaya Yakob wan okititan pa Padán-aram kampa ompa monamiktiskya.

Niyok okit kwah kimashtiyaya kili,

amo shimonamikti ka inik siwam pa Kanán.

7 Wan Yakob okineltok nitats wan ninantsi wan oy pa Padán-aram.

8 Esa'ú kimatiya kina kinihyaya nitats in siwam kananteko'.

9 Yok oy okit Yishma'El nikon AbRaham wan omonamikti inak Mahalat yewal ninohniSiwat Nebayot nikon Yishma'El,

kampa kinpiyaya oksek ininsiwam.

10 Yakob okis pa BérSheba wan oy pa Harán.

11 Wan pek o'as,

ompa okoch in yowal kampa tamalinaya tonat.

Okonan se tet omotetsonte wan ompa omotek okoch.

12 Wan okipi se tatemikiliste,

kampa kitaya se eskaler moketstikatka pa in tal wan astikatka pa ilwikak wan kinmitaya kampa nitanawatilanhelmeDyos tehkoloya wan temoloya.

13 Pa takpak in eskaler,

kitaya in WeTatsDyos yewal kiliyaya:

“Newal ninewal,

WeTatsDyos,

niDyos mokolinche AbRaham wan moTats Itsak.

Tewal wan mokolinchim annimishmakas in tal kaha ashka tikoshtik.

14 Mokolinchim yeske kina nipohtiTal.

Wan mosesemanaske kampa kalaki in tonat wan kampa walkis in tonat wan nepa takpak wan nepa tatsinta,

moshte masewalme yeske tamashtinilme pa tewal wan pa mokolinchim.

15 Newal ni'onka ka tewal,

wan nimishkwitawis kaha han tinehnemtiyas wan nimishwalikas oksep pa in tal.

Amo nimishkawas nikchiwas melak kina nimichili.”

16 Kwah Yakob o'is ka nitatemikiliste kito:

“Melak in WeTatsDyos nika onka,

wan newal amo nihmatiya.”

17 Tamakas wan kito:

“Tatatsot in tal!

Nika onka nikal WeTatsDyos;

wan nitatapoli ilwikak!”

18 Mostatik tahtanesti okonan Yakob in tet yewal motetsonte,

wan okikitski wan okikets in tet,

kina se ta'ilnamikiliste wan kishawil aseyte ikpak yewal.

19 Ompa pa in Wepweblo ta'itokaya Luts wan Yakob okitokayolti BetuEl.

20 Kwakin Yakob okichi ka tahtol melawak:

“Ta Dyos nishtokati newal wan nishkwitapti pa ot kaha niyapti,

wan ta nishmak ten nikwas wan shashalme ka nimotakemilti,

21 wan nishwalkwepas ka sewiliste pa nikal notats,

kwakin in WeTatsDyos yes noDyos.

22 Wan in tet yewal nihkets kina se ta'ilnamikiliste,

yes nikal Dyos.

Wan mochiten tishmakas,

newal nimishmakas matahti pa sesen mochiten nikpiyas.”