AbRaham wan AbiMélek
20
Kwakin AbRaham omowik wan asik pa in tal Négeb,
ompa moka mochantiti ipanta pa in Kadésh wan Shur.
Mokawak pa in tal Gerar,
2 ompa kinmiliyaya AbRaham moshte kampa Sara,
katka ninohniSiwat.
Kwakin in werey Gerar yewal itok AbiMélek okintake pa kiwikililoskya Sara pa yeskya nisiwa.
Génesis 20.1-15
―Tewal timikis kampa otikonan in siwat yewal tasiyawatil.
4 AbiMélek ayamo kochiyaya inak Sara,
kito:
―Tats,
tihmikti se takat yewal amo kichi takokoliste?
5 Amo nichili yewal,
yewal nonohniSiwat,
wan niyok yewal nichili,
yewal nonohniTakat yok newal nikchi kwal pa noyol wan amo nikchi ten amokwal.
6 Wan Dyos kili pa in tatemikiliste:
―Newal nihmat kampa tewal otikchi in wan amo timotishpawilitikatka moyol nitamatiliste;
kampa in nimishtsakwil pa amo tikchiwas takokoliste ka yewal,
wan niyok amo tinishchiwiliskya katsawiliste,
kwakin amo nimishmakawalti pa tikochiskya inak yewal.
7 Ashka shihkwipil in takat nisiwa,
kampa yewal niTaketsal nitahtolDyos wan yewal tahtanis pa tewal wan yok tiyolis.
Ta amo tihkwepil,
nihnek pa tihmatis kampa timikis tewal wan moshte ka tewal.
8 Mostatik kwalka omokets AbiMélek,
wan otatake pa walaloskya moshte inintikipanolme wan melak kinmili mochi yewal ten tatemik,
wan miyak momaptik.
9 Kwakin AbiMélek okinots AbRaham wan kili:
―Ten yewal otitishchiwil!
Pates otinishchiwil se ta'ihtakoliste we,
yewal otishwalikil ipa newal wan ipa noreynaroliste?
In yewal otikchi ka newal in ten amoyok mochi!
10 Niyok kili AbiMélek AbRaham:
―Kina titamatiya kwah yok otikchi in?
11 Wan AbRaham kinankili:
―Kampa nimo'il kampa in takam nika amo kimatil momaptil pa i'ishpa Dyos,
wan nishmiktiloskya ika nosiwa.
12 Melak yewal nonohniSiwat,
nikon notats wan amo nikon nonantsi;
wan ashka nosiwa.
13 Kimani Dyos onishchiwil pa nimowikatinem,
kwah onikis pa nikal notats,
newal nikili nosiwa:
“Pa moshte kaha tiyaske wan ti'astiyaske shikinmil kampa newal nimonohni.”
14 Kwakin AbiMélek okinwikil borrego' baka',
wan tikipanolmeTakam wan tikipanolmeSiwam,
wan kintemak AbRaham.
Wan okikwepil AbRaham nisiwa Sara,
15 wan AbiMélek kili:
―Shikit nokwahmilme kat pa mota'ishpa;
shimochanti kaha tihnekis.
16 Wan Sara kili:
―Nihmakatik monohni AbRaham mil tomiplata,
yok timokishtiliske tehwante pa in amokwal yewal tewal timishchiwililoskya;
yok moshte yehwante kat ka tewal kimatiske kampa tewal amo tikchi ten amokwal.