Dyos kitiniwili se nikon AbRaham
18
Moneshti in WeTatsDyos ka AbRaham amo wEhka katkaloya nitepotskwawim Mamré,
kwah moseptikatka pa tatapoli pa nikal tachiwal ka shashal tilawak,
kwah hyero tona pa tahka.
2 Otachi AbRaham,
wan yewal okinmit yey takam moketstikatkaloya ka tamawishtiliste.
Kwah okinmit,
hani mokets pa in tatapoli pa nikal pa kinnamikiskya.
Motankwakets pa tal,
Génesis 18.1-33
―Tats,
ta tihnek tikchiwas kwal pa newal,
amo shipan hanse pa motikipanol newal.
4 Ma nitatake pa kiwalikaske tipit at pa ankipakaske anmoshiwalme,
wan anmosewiske pa itsinta in kwawit.
5 Ma nihwalik pan pa ankikwaske,
pa konanaske chikawaliste kwakin anmowikaske pa anmo'ot.
Kampa anasik anmehwante pa no'icha newal anmotikipanol.
Yehwante kinnankilik:
―Kwal onka,
shikchi kina tikito!
6 Yok AbRaham mo'isiwilte okalak pa nikal tachiwal ka shashal tilawak kaha katka Sara,
wan kili:
―Shikonan yey tamachiwiliste arina kwahkwal han,
wan shikshakwal shikchi pan.
7 Kwakin motalo AbRaham kaha katkaloya yolikilme,
okonan se beserro tipichi,
wan okimak se nitikipanol,
yewal mo'isiwiltiyaya pa kiyokshitiskya.
8 Wan okonan AbRaham keso wan lech wan nakat yewal okiyokshit.
Wan okintalil pa ininishpa yehwante,
wan yewal moka moketstik inak yehwante,
itsinta kwawit.
9 Yehwante kitahtanilik:
―Kaha onka mosiwa Sara?
AbRaham kinankili:
―Nepa kalitik.
10 Kwakin se ka yehwante kili AbRaham:
―Melak niwalmokwepas ka tewal,
kwah monamikiske inik tonatim pa okse shiwit wan Sara kipiyas se nikon.
Takaktikatka Sara pa kalitik in kal,
yewal katka ikwitap AbRaham.
11 AbRaham wan Sara wehwe katkaloya wan myak shiwim kipiyaloya,
wan Sara yahmo ki'asiyaya nimeste.
12 Kampa okipakti Sara pa'itik yewal mo'ili:
“Kwah nika nisiwat we,
wan notaka we,
niyok nikpiyas newal in pakiliste?”
13 Kwakin in WeTatsDyos kili AbRaham:
―Pates wetska Sara wan tamat?
Melak nikpiyas se nokon ashka kampa niwe,
ka myak shiwim?
14 Ten aso in WeTatsDyos amo kimat kichi?
Newal niwalmokwepas ka tewal pa in tonat pa okse shiwit,
wan kipiyas Sara se nikon.
15 Sara,
momapti wan yewal otikwaman kampa yok okit:
―Newal amo niwetskatikatka.
Kampa yewal kili:
―Newal nihmat kampa melak otiwetska.
AbRaham kitahtani Dyos pa amo kishitinis Sodoma
16 Inik pashalolme mowikak pa ni'ot wan otachiyak pa tatsinta pa Sodoma.
AbRaham yawiya inak yehwante.
17 Kwakin in WeTatsDyos kito:
“Aso niktatilis AbRaham in yewal ten nikchiwas?
18 AbRaham kinpiyas myak nikolinchim wan yehwante kinpiyaske miyak chikawaliste,
wan ipa yewal yeske tamashtiliste moshte in tanichikolme pa mochital.
19 Kampa newal nihmat yok kintakewas ininpilwam wan ininkolinchim,
ma konanak ni'ot in WeTatsDyos ma kichiwak kwal wan ka melawak.
Pa yok newal nikashiltis pa AbRaham in ten niktiniwil.”
20 Kwakin in WeTatsDyos kili:
―In teshpawiliste kina kichiwal hanse tonatim yehwante pa Sodoma wan Gomora,
wan ininta'ihtakoliste hyero we.
21 Ashka niyas wan nitemos ompa,
pa nihmatis ta kichiptikat kina in tateshpawiliste yewal o'as kaha newal;
ta amoyok,
nihmatis.
22 Ome pashalolme konanak ot pa Sodoma,
hanwel AbRaham moka moketstik ni'ishpa in WeTatsDyos.
23 Wan o'as AbRaham wan kili:
―Aso tewal tikinmiktis in takam kwahkwalme ka yehwante in amokwahkwalme?
24 Ta kat 50 takam kwahkwalme pa in Wepweblo'.
Hanwel yok tikshitinis in pweblo amo tikinihnilis ka inik 50 takam kwahkwalme yewal yoltikat ompa?
25 Tewal amoyok tikchiwaskya!
Amo tihmiktiskya se kwal inak se ta'ihtakol,
wan tikchiwaskya kampa nesiskya se kwal kina inak se ta'ihtakol?
Amoyok tikchiwaskya!
In tatakewan hwes pa mochital,
amo kichiwaskya ten kwal?
26 Kwakin in WeTatsDyos kinankili:
―Ta nikinmit pa Sodoma 50 kwahkwalme,
pa yehwante nikinihnili moshte kishki yeske ompa.
27 Kwakin AbRaham oksep kito:
―Nika ni'onka ashka,
amo nimonots pa nitahtos ka WeTatsDyos,
han nipohti wan nineshte.
28 Ta amo yeloskya 50,
ta moteshmonekiloskya makwil.
Kwakin tikshitiniskya in Wepweblo kampa moteshmonekiloya in makwil?
WeTatsDyos kito:
―Amo nikshitinis,
ta nikinmit 45 kwahkwalme.
29 Oksep AbRaham otahto wan kito:
―Ta hanwel kat 40?
WeTatsDyos kinankili:
―Ta kat 40 takam kwahkwalme,
amo nikinshitinis!
30 Oksep AbRaham kito:
―NoTats amo shikwalan,
ta oksep onitahto.
Ta han tikinmit 30.
WeTatsDyos kinankili:
―Amo nikshitinis,
ta nikinmit 30.
31 AbRaham kito:
―Nika ni'onka ashka,
amo nimonots pa nitahtos ka noTats,
ta hanwel tikinmit 20.
Wan WeTatsDyos kinankili:
―Amo nikshitinis,
ta nikinmit 20.
32 Kwakin oksep AbRaham kito:
―NoWeTatsDyos amo shikwalan,
ta oksep onitahto.
Ta hanwel tikinmit matahti,
tikshitinis.
WeTatsDyos kinankili:
―Amo nikshitinis,
ta kat matahti takam kwahkwalme.
33 Kwah otam otahto in WeTatsDyos ka AbRaham,
panoti ompa,
wan AbRaham omokwep pa nikal.