Hagar wan Yishma'El
16
Saray,
nisiwa AbRam amokwal kinpiyaskya ininpilwam.
Wan kipiyaya se nitikipanolSiwat egiptiya itoka Hagar,
2 kwakin Saray kili AbRam:
―In WeTatsDyos amo onishmakawalti pa nikinpiyas nopilwam.
Shimotek inak notikipanolSiwat.
Yok ipa yewal nikinpiyas nopilwam.
AbRam kichi in yewal ten kili Saray.
Génesis 16.1-16
3 Kimani kipiyaya matahti shiwim AbRam kampa mochantitikatkaya pa tal Kanán;
Saray nisiwa AbRam,
okonan Hagar nitikipanolSiwat wan okimak pa yeskya nisiwa AbRam nitaka.
4 AbRam omotek inak Hagar,
wan in siwat ta'apa ostitikatka.
Kimani kimati Hagar kampa kipiyaskya se nikon,
amo kimawistiliyaya Saray niWetatakewan.
5 Kwakin Saray kili AbRam:
―Pa tewal nipanotik in!
Kampa Hagar amo nishmawishtilitik,
nimishmak pa yeskya mosiwa wan ashka okimat kampa kipiyas se nikon ashka wetamat.
Ma yok Dyos ma kit akyewal kipi takokoliste ika tewal wan newal!
6 AbRam kinankili Saray:
―Shikit Hagar yewal motikipanolSiwat onka ka tewal.
Shikchi pa yewal kina tihnekis.
Wan kina Saray hyero kichiwiliyaya pa hanse tonatim,
kwakin ochol Hagar.
7 In Nitanawatilanhel WeTatsDyos kinamik Hagar kaha nalkistikatka at pa se tal kaha tawak,
yewal in nalkistik at onka pa in ot Shur,
8 wan kili:
―Hagar nitikipanol Saray,
kampa tiwal wan kampa ti?
Wan Hagar kinankili:
―Nicholoti kaha amo yes nowetatakewan Saray.
9 NitanawatilanhelDyos kili:
―Shimokwep ka mowetatakewan wan shineltok pa mochiten.
10 Niyok kili nitanawatilanhel:
Nikinmiyaptis mokolinchim,
kampa amokwal kina kinpowaske.
11 In nitanawatilanhel in WeTatsDyos kili:
“Ashka ti'ostitik tita'apapti,
wan tikpiyas se mokonTakat,
tiktokayoltis Yishma'El,
kampa in WeTatsDyos kimat kina timoyolkokotik.
12 In mokon tewal yes kina se burro yewal amo kipi niwetatakewan.
Momiktis ka moshte,
wan moshte momiktiske ika yewal;
wan yok,
ta amo kinekil
yok yewal mochanti i'ishpa ninohniwam.”
13 Kina WeTatsDyos kiliyaya,
yewal yok okitokayolti “Tewal tiDyos yewal titachi”,
kampa kito:
“Ashka onikit Dyos yewal nichit newal.”
14 Wan in nalkistik at moka ika Kadésh wan Béred,
yewal kitokayolti Beer-Lahay-Roy in kinek kili:
“Takoyonaliste Dyos yewal yoltik wan nichit.”
15 Hagar okitakatilti se nikonTakat,
ka AbRam wan yewal okitokayolti Yishma'El.
16 Wan AbRam kipiyaya 86 shiwim kwah Hagar okitakatilti Yishma'El.