2 AbRam kinankili:

―WeTatsDyos wan Dyos,

pates tinishmakas ta amo nikinpi nopilwam,

wan yewal ak motakawilis pa no'icha kwah nimikis yewal EliÉser otakat pa Damasko?

3 Wan niyok AbRam kito:

Kampa amo otinishmak se nokon,

notikipanol pa nokal motakawilis yewal ten nikpi.

4 Kwakin owal ka yewal nitahtolme WeTatsDyos kili:

―Motakawiliste amo yes in,

se mokon tewal,

yewal motakawilis.

5 Kwakin yewal okiwik pa kiyawak wan kili:

―Shitachi pa in ilwikak wan shikinpo in sitalme,

ta kwal tikinpowas.

Yok yeske mokolinchim!

6 AbRam okineltok WeTatsDyos,

wan in WetatsDyos okit kwal ka nitaneltokaliste.

7 Wan WeTatsDyos niyok kili:

―Newal ninewal WeTatsDyos,

newal onimishkishti pa in Ur pa nital in kaldeyo' pa nimishmakas in tal kina takawaliste.

8 AbRam kinankili:

―WeTatsDyos wan Dyos,

kina nihmatis kampa newal yes notakawaliste?

9 Wan in WeTatsDyos,

kili:

―Shinishwalikil se beserra,

se chiba wan se borrego,

kinpiyaske sesen yey shiwim,

wan se poporishit wan se wilotonte.

10 AbRam kinkitske mochi inik yolikilme,

wan okintek ipanta,

wan okintal nitahko pa se nimapochmahwa wan okse pa nimahwakwal,

in totom amo okintek ipanta.

11 Kwakin tsopilom temoloya ipa yolikilme mihmiki,

wan AbRam kinmahmaptiyaya.

12 Tamalinti tonat,

okoch chikawak AbRam,

wan tamakasiyaya miyak kampa panowaya se tayowaliste ipa yewal.

13 Kwakin WeTatsDyos kili AbRam:

―Shihmat kampa mokolinchim yaske mochantiske pa se tal yewal amo inintal,

pa in tal kintikipanoltiske amo kintashtawiliske wan hyero kinkokoltiske pa 400 shiwim.

14 Newal niyok nikinchiwilis takokoliste inik masewalme pa in tal yehwante kintikipanoltik,

wan kimani panos in,

mokolinchim kisaske ompa ka miyak mochiten tapiyaske.

15 Wan tewal,

tiyas ka mosewiliste ka mowichalme yewal mikik,

timikis wan mishtapachoske kwah tiyes hyero kolinche.

16 Wan mokwepaske kwah yahmo yoltiyaske ininwichalme,

ininkolinchim,

inintahwan wan ininpilwam walmokwepaske nika pa in tal ininwichalme,

kampa inintakokoliste in amoreteko' ayamo'ok kinasis in tonat yewal newal nikinkishtilis in tal pa nikinmakas mokolinchim.

17 Wan panowaya in,

kwah tamalin tonat wan waltayoway,

nesiyaya se komit ka tikol popokatiyaya wan teshoshte ka okot panowaya itsalaYolikilme tahtahko.

18 Pa in tonat okichi in WeTatsDyos se tahtoliste ka AbRam kili:

―Nikinmakas mokolinchim in tal,

pa in atenko Egipto wan pa in we atenko,

in Éprates.

19 Ka inintal in keniteko',

in kenisita',

in kadmoneyo',

20 In heteteko',

in peresheyo',

in repateko',

21 in amoreteko,

in kananeyo',

in girgasheteko' wan in yebuseyo'.