AbRam kikishti Lot
14
Pa inik tonatim katka Amrapel Rey pa tal Shinar,
Aryok Rey pa Elasar,
Kedorlagamer Rey pa Elam,
wan Tidál Rey pa Goyim
2 inik momiktik Bera Rey pa Sodoma,
Birshá Rey pa Gomora,
Shináb Rey pa Admá,
ShemÉber Rey pa Tseboyim,
wan yewal Rey pa Bela,
yewal ka in pweblo Tso'ar.
3 Inik takwitap makwil Reye' monichikok pa ishtawak Sidim,
kaha onka we'atTemtik Tapoyawaltil.
4 Pa 12 shiwim kitekipanoliloya Kedorlagamer,
pa in shiwit 13 yahmo kitekipanolik wan momiktik ika yewal.
5 Pa in shiwit 14 Kedorlagamer wan in reye' katkaloya inak yewal oyak wan kintanilik in repateko' pa tal Ashtarot Karnayim;
wan in susiteko' pa Ham,
wan in emiteko' pa ShaweKiryatayim,
6 wan in horeteko' mochantiloya tepetLom pa Se'ir,
kintohtokak kaha ni'ishtawak Parán,
yewal onka inak pa se tal kaha tawak.
7 Kwakin mokwepak,
wan oyak pa EnMishpat,
yewal niyok itoka Kadésh,
wan kintashitinilik mochiten in amalekteko',
wan niyok in amoreteko' yehwante mochantiloya pa HasesónTamar.
8 Kwakin kisak in Rey pa Sodoma,
Rey pa Gomora,
Rey pa Admá,
Rey pa Tseboyím wan in Rey pa Bela,
yewal in Tso'ar,
wan oyak momiktik ika yehwante pa ishtawak Sidim
Génesis 14.8-23
9 inak in,
Kedorlagamer Rey pa Elam,
Tidál Rey pa Goyim,
Amrapel Rey pa Shinar,
wan Aryok Rey pa Elasar.
Katkaloya nawi reye' wan momiktik ika makwil reye'.
10 Wan in ishtawak Sidim katkaloya myak kohkoyonke ka chapopote,
kwah chololoya inik reye' Sodoma wan Gomora,
sek wetsik pa in kokoyonke wan oksek motatik tepetLom.
11 Kwakin inik nawi reye' tawikak mochi takwaliste,
wan mochiten tapiyaloya pa Sodoma wan Gomora,
wan panotiyak.
12 Niyok kiwikak Lot,
yewal nikon ninohni AbRam,
yewal mochantiyaya pa Sodoma,
wan mochiten tapiyaya wan panotiyak.
13 Wan se ka inik takat ochol wan oy okinawat AbRam in hebreteko,
yewal mochantiyaya ka nitepotskwawim Mamré in amoreteko.
Ninohni Eshkol wan Aner,
yehwante kichiwak se tahtoliste ka AbRam pa momiktiloskya.
14 Kwah kimat AbRam kina kikitskik nikon Lot ninohni,
okinnots 318 inintikipanolme yehwante takatik icha,
wan kintohtokak pa in pweblo Dan.
15 Kwah tayoway AbRam wan inintikipanolme kinasik in nawi reye' wan momiktik,
kwakin yehwante kintohtokak pa Hobá,
panoti nepa takpak pa Damasko.
16 Okonan mochiten yewal ta'ishtikiloya inik nawi reye' wan niyok Lot,
yewal nikon ninohni,
ka mochiten tapiyaya,
niyok kinwalikak siwam wan oksek masewalme.
17 Kwah walmokwepaya AbRam kwah kitaniliyaya Kedorlagamer ka inik reye' yehwante kipalewiloya,
okis in rey pa Sodoma okinamik pa in ishtawak Shawé,
yewal ni'ishtawak in rey.
18 Kwakin Melkisedek,
katka Rey pa Shalem wan niTotats ka in Dyos HyeroTakpak,
okiwalik pan wan nihugoUbaBino.
19 Wan kimashti AbRam,
kiliyaya:
“Ma ye in Dyos HyeroTakpak,
in yewal okichi ilwikak wan in mochital,
ma kimashti kwal AbRam!
20 Wan ma ye ka tamawishtiliste in Dyos HyeroTakpak,
yewal mishpale pa tikintanilis motakokolilme!”
Kwakin AbRam okimak Melkisedek in matahti pa sesen mochiten nitapehpenaliste.
21 Kwakin in Rey pa Sodoma kili AbRam:
―Shinishkwepil in masewalme wan tewal shimotakawil mochiten.
22 Kinankili AbRam in Rey pa Sodoma:
―Onitemak notahtoliste pa WeTatsDyos,
in Dyos HyeroTakpak,
yewal okichi ilwikak wan mochital,
23 pa amo nikonanas amoten ka tewal,
se ikpal,
se mekatonte pa se warach.
Pa yok amo tikitos:
“Onikchi AbRam se takat ka miyak tomi.”
24 Nikonanas yewal han ten kikwak notakam.
Wan niyok yehwante konanaske nipanta Aner,
Eshkol wan Mamré kampa yaloya yehwante nonak.