3 Okis pa Négeb,

mochantitiyaya yok o'as pa BetEl,

kaha ya wehkA kiketsaya nikal tachiwal ka shashal tilawak,

yewal katka ipanta pa in BetEl wan Ay.

4 Ompa kaha AbRam kinichikowaya tetelme kaha tatamakaya ya wehkA,

ompa okinots ni'itokaliste WeTatsDyos.

5 Niyok Lot yawiya inak AbRam niyok tapiyaya myak borrego',

baka',

wan kalme tachiwalme ka shashal tilawak.

6 Ma yok,

in tal amo we katka pa mochantiloskya,

kampa tapiyaloya myak yolikilme in omente.

7 Oye momiktiliste ika nitakwitawilme borrego' AbRam wan nitakwitawilme borrego' Lot.

Niyok ompa mochantiloya kananeyo' wan in peresheyo' pa in tal.

8 Kwakin AbRam kili Lot:

“Amo timokwalaniliske ika tehwante omente,

niyok amo mokwalantiske totakwitawilme,

kampa tewal wan newal timonohniwan.

9 Kan onka mochi in tal pa mo'ishpa.

Nimishtantani kampa shi oksela ka newal.

Newal nimichili ta tewal timowikas ka momahwamapoch,

kwakin newal nimowikas ka momahwakwal,

wan ta tewal timowikas ka momahwakwal,

kwakin newal nimowikas ka momahwamapoch.”

10 Lot otachi moyawalo wan okit mochi ni'ishtawak pa in atenko Yordán,

wEhka tanesiya,

nesiyaya in pweblo Tso'ar kipiyaya miyak at,

katka kina nikwahmil WeTatsDyos wan kina nital Egipto.

Katka yok kina kwah ayamo'ok kinshitiniliyaya WeTatsDyos in Wepweblo' Sodoma wan Gomora.

11 Kwakin Lot okonan mochi ishtawak Yordán,

wan panoti kaha waltakis tonat.

Wan mosesemanak se ka okse.

12 AbRam moka mochantiti pa in tal Kanán,

wan Lot moka mochantiti ipanta ni'ishtawak,

wan in Wepweblo' kinkets nikalme tachiwal ka shashal tilawak amo wEhka pa Sodoma.

13 Kampa in masewalme mochantiloya Sodoma amokwal tamatiloya wan kichiwaloya miyak katsawiliste ika WeTatsDyos.

14 Wan WeTatsDyos kili AbRam kwah panoti Lot:

“Shitachi kaha ti'onka,

shikit nepa takpak wan nepa tatsinta wan kaha kis tonat wan kaha kalaki tonat.

15 Kampa mochi in tal,

yewal tikitatik,

nimishmakas tewal wan mokolinchim pa hanse.

16 Nikchiwas pa yeske mokolinchim kina nipohtiTal.

Wan ta se kwal kipowaskya nipohtiTal,

kwakin yok kwal kinpowaloskya mokolinchim.

17 Shimokets wan shinehnem pa mochital pa kishki weyak wan pa kishki patawak,

kampa newal nimishmakas!”

18 Yok AbRam ki'ahkoki ikal tachiwal ka shashal tilawak wan oy omochanti kaha nitepotskwawim in takat itok Mamré,

amo wEhka katka in Wepweblo itok Hebrón.

Wan ompa kinichiko tetelme pa tatamakaliste WeTatsDyos.