Dyos okinots AbRam
12
Kili WeTatsDyos AbRam:
“Shihka motal,
wan moparyente wan nikal motahwan,
wan shi pa in tal kaha nimishneshtilis.
2 “Wan nikchiwas pa momiyaptiske wan yeske tanichikol we,
Wan nimishmashti;
Wan nikchiwas pa mo'itok kina itok se we,
wan tiyes se tamashtiliste.
3 nikinmashti ak kwal anmishmashtil
wan amokwal kinyaptiyas yehwante amokwal mishnotsilil;
Wan pa tewal yeske tamashtiliste
moshte inintahwan ka ininpilwam pa mochital!”
4 Yok okika AbRam tal,
kina kili WeTatsDyos,
wan inak Lot okis pa Harán.
Kipiyaya AbRam 75 shiwim kwah okis pa tal Haran.
5 Okiwik AbRam nisiwa Saray,
wan Lot nikon ninohni,
wan mochiten yewal tapiyaloya kwah katkaloya pa Harán,
wan moshte kitikipanoliloya.
Kwakin konanak ot pa tal Kanán wan asik pa Kanán,
6 AbRam pano mochital Kanán wan asi pa Sikem,
kaha katka tepotskwawit itok MoriYah.
Pa inik tonatim,
mochantiloya kananeyo' pa in tal.
7 Ompa ones WeTatsDyos ka AbRam kili:
“Mokolinchim nikinmakas in tal.”
Wan ompa AbRam kinichiko tetelme kaha kitaliliskya tatamakal WeTatsDyos,
kampa omoneshti.
8 Kwakin AbRam panoti pa talTepet kaha kis tonat,
amo wEhka katka Wepweblo' BetEl.
Ompa okital nikal tachiwal ka shashal tilawak.
Katka in Wepweblo' BetEl kaha kalaki tonat wan Ay in Wepweblo' oy kaha kis in tonat.
Kinichiko tetelme kaha kitaliliskya tatamakaliste WeTatsDyos wan okinots.
9 Kwakin AbRam panoti wan yawiya pa ot Négeb.
AbRam pa Egipto
10 Oye mayanaliste pa tal kaha katka AbRam kwakin temok pa Egipto,
ompa oy omochanti kampa katka miyak mayanaliste.
11 Kwah astiyaloya pa Egipto,
AbRam kili Saray nisiwa:
“Nihmat kina tewal kwal titachi wan kwal tines.
12 Kwah michitaske egiptiyo',
kitoske: ’
Yewal nisiwa’;
kwakin nishmiktiske wan tewal mishkawaske pa tiyolis.
13 Kwakin shikinmil kampa tewal tinonohniSiwat,
pa yok nishchiwiliske kwal,
wan yok ika tewal wan newal amo nimikis,
yok niyolis.”
14 O'as AbRam pa Egipto,
kitatikatkaloya inik egiptiyo' kina kwal tachiyaya Saray.
15 Kwah kitak nitatakewalme para'ó werey,
kililoya para'ó yewal kina kwal tachiyaya Saray,
wan yok kikalaktik Saray pa nikal para'ó.
16 Wan para'ó okichiwil kwal AbRam ka yewal,
okimakak ka nitanichikolme borrego',
baka',
burro',
burra' wan kameyo' niyok tikipanolmeSiwam wan tikipanolmeTakam.
17 Ma yok WeTatsDyos kinpanolti takokoliste ka para'ó in we,
wan yehwante ompa mochantiloya kampa Saray nisiwa AbRam mochantitikatka pa nikal para'ó.
18 Kwakin otatake para'ó pa kinotsaloskya AbRam wan kili:
“Ten otinishchiwil?
Pates amo otinichil kampa yewal mosiwa?
19 Pates tikito yewal monohniSiwat?
Kampa yok onikonan pa yeskya nosiwa!
Shikonan wan shihwik!”
20 Kwakin para'ó okintake nimasewalme pa konanaloskya ni'ot AbRam wan Saray,
wan mochi yewal ten kipiyaya.