Ininta'ihtakoliste takam
6
Kwah momiyaptik masewalme pa tal wan kintakatiltik ininpilwaSiwam,
2 kwah nipilwaDyos kinmitak kina kwal nesiloya ininpilwaSiwam kintakatiltik masewalme.
Kwakin konanak kishki kinekik pa moshte yeloskya ininsiwam.
Génesis 6.1-21
3 Kwakin Dyos in WeTatsDyos kito:
“Amo nikinyoli takama ka no'ihyo pa hanse,
kampa han kat nakat;
amo panoske 120 shiwim.”
4 Katkaloya takamWehweyak pa in tal pa inik tonatim (wan takwitap),
kimani nipilwaDyos omotekak ka ininpilwaSiwam masewalme wan kinpiyak ininpilwam inak yehwante.
Yek monotsaliste ka momiktiliste chikawak pa inik tonatim ya wehkA.
5 Dyos in WeTatsDyos kinmitaya kina momatiloya inik takam pa tal,
kampa hanse tamatitiyaske ten kichiwaske pa ininyolme ten amokwal,
6 wan moyokolti Dyos in WeTatsDyos kampa okinchi takam pa tal,
wan okikok niyol.
7 Wan kito Dyos in WeTatsDyos:
“Niyas nikshitinis mochital inik takam yewal onikinchi,
inik tekwanim inik mowilanal pa tal wan inik totom pa takpakIlwikak.
Nimoyolkokotik kampa onikinchi!”
8 Ma yok,
Dyos in WeTatsDyos kitaya kwal No'á kampa kwal kichiwaya.
No'á kichiwaya arka
9 Ina nitapowaliste ka No'á.
Hanse kikaktiyas kwal i'ishpa Dyos.
Yewal takat han kwal wan kimawishtiliyaya i'ishpa Dyos wan yewal han nehnemiyaya inak Dyos.
10 Okinpi No'á yey ininpilwaTakam:
Shem,
Kam wan Yapet.
11 Dyos kitaya kina yoliloya pa tal mo'ihtakotikatkaloya wan miyak mokokoltitikatkaloya.
12 Okit Dyos kina mo'ihtakotikatkaloya kampa moshte amo kimatiloya yoliloya kina okital Dyos pa yoltiyaloskya,
13 kili Dyos No'á:
“Niyas nikinshitinis moshte masewalme,
kampa mokokoltitikat sek ka oksek pa tal.
Melak niyas nikinshitinis inak tal.
14 Shimochiwil se arka kampa yes se kal yewal mo'ahkoki pa at,
shikchi ka kwawim chihchikawak.
Shikinchiwil kahkalito pa anmochantiske pa itik arka pa kalitik wan pa kiyawak shikshawil yewal kina tsakti chapopote,
pa amo kahkalakis at wan yok mo'ahkokis.
15 Wan yok tikchiwas:
135 metros iweyak,
wan 22.5 metros ipatawak wan 13.5 metros itakpak.
16 Shikchiwil se nita'ishtapol kal pa nitakalchiwal shikpanolti tepante pa itahko metro itakpak,
shikchi se tatapoli sela pa kal wan shikchi okse kal pa nipanta wan okse ikpak pa yey.
17 Newal nihwaltitanis se tapakyawaliste ipa in tal,
wan niyok nikshitinis mochiten kipiyal yoliliste itsinta ilwikak.
Wan mochiten onka pa tal mikiske.
18 Ma yok ka tewal niktalis se tahtoliste,
tewal tikalakis pa arka wan mopilwam,
mosiwa wan mosiwamonwam ankalakiske.
19 Wan mochiten yolil,
moshte kishki kipiyal nakat,
ka ohome kina sesen nesil,
tikinkalaktis pa yok yoliske siwat wan takat yeske.
20 In totom kina kat sesen,
wan tekwanim yolil ka takam kina sesen nesil,
wan kishki mowilanal pa tal kina sesen nesil,
ka ohome kalakiske ka tewal pa yok yoliske.
21 Wan shikonan shiknichik mochiten kikwal shikahkok,
pa yok ankipiyaske ten ankikwaske anmehwante wan inik yolikilme.”
22 Kwakin okichi No'á mochiten kina kili Dyos.