Dyos okichi masewal kina yewal.

2 Okinchi takat wan siwat,

wan okinmashti.

Pa tonat kwah okinchi kintokayolti “masewalme.”

3 Kwah yoliyaya Adán pa 130 shiwim,

okipi se nikon yewal ones kina yewal,

okitokayolti Shet.

4 Kwah takati Shet,

Adán yolti 800 shiwim,

wan okinpi oksek ininpilwaTakam wan ininpilwaSiwam.

5 Mochi inik shiwim yolti Adán 930 kwakin omik.

6 Yolti Shet 105 shiwim okipi se nikon okitokayolti Enósh.

7 Kwah otakat Enósh,

Shet yolti 807 shiwim,

wan okinpi oksek ininpilwaTakam wan ininpilwaSiwam.

8 Mochi inik shiwim kipiyaya Shet 912 shiwim wan omik.

9 Yolti Enósh 90 shiwim,

okipi nikon okitokayolti Kaynán.

10 Kimani otakat Kaynán,

Enósh yolti 815 shiwim,

wan okinpi oksek ininpilwaTakam wan ininpilwaSiwam.

11 Yolti 905 shiwim Enósh wan omik.

12 Yolti Kaynán 70 shiwim wan okipi nikon MahalalEl.

13 Kimani otakat MahalalEl,

yolti Kaynán 840 shiwim,

wan okinpi oksek ininpilwaTakam wan ininpilwaSiwam.

14 Mochi in shiwim yewal yolti Kaynán 910 shiwim wan omik.

15 Yolti MahalalEl 65 shiwim kimani okipi nikon Yéred.

16 Kimani otakat Yéred,

yolti MahalalEl 830 shiwim,

wan okinpi oksek ininpilwaTakam wan ininpilwaSiwam.

17 Mochi shiwim yoliyaya MahalalEl kipiyaya 895 shiwim wan omik.

18 Yolti Yéred 162 shiwim kimani okipi nikon Henok.

19 Kimani otakat Henok,

yolti Yéred 800 shiwim,

wan okinpi oksek ininpilwaTakam wan ininpilwaSiwam.

20 Mochi inik shiwim yolti Yéred 962 shiwim wan omik.

21 Yolti Henok 65 shiwim kwakin okipi nikon Metushala.

22 Nehnemiyaya Henok niyol inak Dyos,

kimani otakat Metushala,

yolti 300 shiwim wan okinpi oksek ininpilwaTakam wan ininpilwaSiwam.

23 Mochi inik shiwim yolti Henok 365 shiwim,

24 wan nehnemiyaya inak Dyos,

kwakin se tonat opoli kampa Dyos okiwik.

25 Yolti Metushala 187 shiwim otakat nikon Lamek.

26 Kimani otakat Lamek,

yolti Metushala 782 shiwim,

wan okinpi oksek ininpilwaTakam wan ininpilwaSiwam.

27 Mochi inik shiwim yewal yolti Metushala 969 shiwim wan omik.

28 Lamek yolti 182 shiwim wan okipi se nikon,

29 okitokayolti No'á,

kampa kito:

“Ina tishyolsewis ka totikipanoliste yewal titikipanotikat ka tomahwam,

yewal Dyos in WeTatsDyos kili kampa amokwal kiyaptiyas in tal.”

30 Kimani otakat No'á,

yolti Lamek 595 shiwim,

wan okinpi oksek ininpilwaTakam wan ininpilwaSiwam.

31 Mochi inik shiwim yolti Lamek 777 shiwim wan omik.

32 No'á kipiyaya 500 shiwim kwah okinpi ininpilwam Shem,

Kam wan Yapet.