Kayin wan Habel
4
Adan nisiwa Hawa omotek inak,
wan ostiyaya ta'apa okitakatilti Kayin.
Kwakin kito:
“In WeTatsDyos onishpale pa niktakatilti se takatonte!”
2 Panok tonatim wan okitakatilti Habel,
ninohni Kayin.
Habel katka se takwitawil borrego',
chibo' wan Kayin tatokaya.
Génesis 4.1-7
3 Panok tonatim,
wan Kayin okiwikil WeTatsDyos nitapishkaliste kina tatamakal.
4 Habel niyok okiwikil borrego' tohtomawak,
yehwante kintakatiltik ta'ishpa yewal kinpiyaya pa niyolikilme.
Dyos in WeTatsDyos kwal okit tatamakal yewal okiwikil Habel,
5 amoyok kwal okit ten okiwikil Kayin.
Kwakin hyero kwalantikatka amokwal nestikatka nishayak.
6 Kwakin kili Dyos in WeTatsDyos Kayin:
“Pates hyero tikwalantik?
Pates yok titachishtik?
7 Ta otikchi kwal,
wan newal nikonanas kwal.
Ma yok ta amokwal otikchi,
katsawiliste yes kina se tekwan yolil pa kwawim,
pa michkwas.
Amo shimotemak,
tewal shikmansot.”
8 Kayin kili ninohni Habel.
Ma tiyak pa kwahmilShosholtik,
wan katkaloya pa kwahmilShosholtik ompa Kayin okimikti ninohni Habel.
Génesis 4.8-16
9 Kwakin Dyos in WeTatsDyos kili Kayin:
―Kaha onka monohni Habel?
Wan Kayin kinankili:
―Amo nihmat.
Monek pa nihkwitaptiyas newal nonohni?
10 Kwakin kili Dyos in WeTatsDyos:
―Ten otikchi!
NiyEste monohni tahtantik takokoliste pa tal.
11 Ashka kampa amokwal mishyaptiyas tewal pa in tal,
kampa totokatik niyEste monohni tewal tihmikti.
12 Kwah tiktikipanos tal,
amo mishmakatiyas tapishkaliste,
tinehnemtiyas wan amo tikpiyas mosewiliste pa tal.
13 Kayin kinankili Dyos in WeTatsDyos:
―We yes notakokoliste amo nikehwaltis.
14 Ashka tinishtitantik pa nimochantis kina se amo kipiyas icha,
nimotatitinemis pa amo tichitas tewal,
wan aki nichitas yok nishmiktis.
15 Kwakin Dyos in WeTatsDyos,
kili:
―Aki kimikti Kayin,
kwakin panos takokoliste ka chikome takwepaliste.
Kwakin in Dyos WeTastsDyos okital se taneshtililiste pa Kayin,
pa yok amo'ak kimiktiskya aki kitaskya.
16 Wan yok omowik Kayin,
okis i'ishpa Dyos in WeTatsDyos wan omochanti pa tal itok Nod,
Nod moka kaha waltakis tonat pa Edén.
17 Kayin kipi nisiwa wan omotek inak,
o'osti ta'apa wan okitakatilti se takatonte okitokayolti Henok.
Okichi Kayin se Wepweblo pa inik tonatim,
wan okitokayolti Wepweblo kina itoka nikon Henok.
18 Henok okipi se nikon okitokayolti Irad,
wan Irad omochi nitats MehuyaEl,
wan MehuyaEl ye nitats MetushaEl wan MetushaEl ye nitats Lamek.
19 Wan Lamek omonamikti ka ome siwam.
Se itoka Ada wan okse Tsilá.
20 Ada okitakatilti Yabal,
wan Yabal yek niwichalme yehwante takwitawilme yolikilme wan mochantiloya pa kalme tachiwalme ka shashalme.
21 Wan itoka ninohni Yubal,
okinpewalti inik yehwante kimatil tatsotsonal gitarra wan flawta.
22 Niyok kipiyaya Tsilá se nikon yewal itoka Tubal-kayín,
yewal kichiwaya mochi inik tachiwalme ka bronse wan yerro.
Wan kipi se ninohniSiwat itoka Namá.
23 Se tonat Lamek kinmili ininsiwam Ada wan Tsilá:
“Shinishkakik ten annimichilis!
Shihkakik notahtolme!
Onihmikti se takat yewal nishkokolti,
wan se takatYankwik yewal onishmahmak.
24 Aki kimikti Kayin yewal yes se takwepaliske ka chikome,
wan Lamek kikwepiliske ka 77 aki kimikti.”