Cha Timoti ya Kristen tare. Yaꞌa ta kakei mataimon Listra kuinyia provins Galesia. Moꞌo yaꞌa vou Juda, kopei aka yaꞌa, yaꞌa Grik. Cha Pol kako yaꞌa Cha Timoti kaute rorova boꞌo misin-a karao (nemipirike kuinyia Aposel 16:1-3). Ya kopei Cha Timoti boꞌo va kako kanoi cha row sios vou mataimon Efesus ta ve Cha Pol pas ve kareꞌe roa. Ao nambawan pas ve kuirai row ero: Cha Timoti keta nayarau revo, awenari aro ovu keta nekape ruru nepeirovoru aro bombiam ya bilip yei nepepeo. Aro roporere ve inyia kyirai veka, ao vou meꞌri ve via oneman revo vai. Korao veka ta bo beiyo karake laip awakai-ya nako, keta aokorom ovu nakeiyao ya via om-a nako vai.

Ya kopei namba tu pas ve kuirai row em: Kuirai row rara neman vou lotu naorerariu ya boꞌo vou sios narao.

Ya awirai las vou pas ve kuirai rore pasin Cha Timoti keta narao roiy aro bombiam vou sios ta yaꞌa veku minyiao keta nakei veka wokman neman ya Yesus Krais.