¡Gudáchi gácalenuʼ nedaʼ,

Xan!

2 Ben ga uluʼtuíʼi,

en ilaʼbö́ʼ böniga nupa naʼ të́ʼëni iluti nedaʼ.

Ben ga uluʼhuécja,

en uluʼgáʼana cáʼasö nupa naʼ të́ʼëni gaca bi gaca quiaʼ.

3 Ben ga uluʼhuécja lu yöl-laʼ rutuíʼi quéguequi

nupa naʼ tuʼtitaj nedaʼ,

taʼnná:

“Ja,

ja.”

4 Ben ga uluʼdzeja,

en uluʼzíʼ xibóʼ yúguʼtë nupa tuʼguilaj Liʼ.

Ben ga iluíʼiticaʼsö didzaʼ nupa taʼdxíʼi yöl-laʼ rusölá quiuʼ,

ilaʼnná:

“¡Zxö́ntërö náquiëʼ Dios!”

5 Nedaʼ nacuídiʼdaʼ,

en bitiʼ bi gaca gunaʼ.

¡Gudáchi gácalenuʼ nedaʼ,

Dios!

Nacuʼ Nu rácalen nedaʼ,

en Nu rusölá nedaʼ.

¡Bitiʼ caʼ tsenuʼ guíduʼ quiaʼ,

Xan!