Jesús beonie ttu unbiyuu daa yatti niꞌa náni
2
Dequide chi utee ttu chupa ubisa nna bedetaꞌatteba Jesús lheꞌe yiesi nu te láni Capernaum.
Ca benni seꞌe nía nna binattebacana níaba do Benniha lheꞌe yoꞌo atta reꞌaneha.
San Marcos 2:1-12
2 Bisíntteba ixeru benni nía,
axtaba roꞌo puertaha bitturu ucani benni.
Lee nna utixxiꞌattebanie cana ca tisa gue Tata Do Iyyabaaha.
3 Nianna bisíntteba ttapa ca unbiyuu nojacana ttu benni xua lo ttu breta daa yatti niꞌa náni.
4 Ttiaca cumu de seꞌexxatta benni nía,
nuarca bittu uca isíncana axta atta du Jesús.
Laniala nna gopicana güetsaa qui uca udhalicana iqui yoꞌoha lhixxachiga daca atta du Benniha.
Lheꞌe belea bedocanaha nna ulhidattebacana nu rani xua lo bretaha.
5 Atti biláni Jesús gua riaba le ca unnuha guadábe eyonie nua,
laniala re nu daa yatti niꞌa nániha:
—Xiꞌinto,
chiba uxía elha xen lasi gue ca tulha guelha.
6 Níaguaba sia ttulhe ca nu ruleꞌe nu rá lo ca ley bocaꞌana Moisés.
Lacana nna belabatteba lecani rácana:
7 “¿Biaca anála rinneonna?
Lä rinne güe bunna gue Tata Do Iyyabaaha rána aná,
cumu sunruba Benniha anque Benni guaca dhie elha xen lasi gue ca tulha gue ca benni.”
8 Ttiaca Jesús yuxeabe nu rulaba le ca nua,
nianna re cana:
—¿Biaca rulaba lele aná?
9 ¿Bi nua nu sattiru inne ttu benni gana nu daa yatti niꞌa nee-na?
¿Si innána:
“Gua teba elha xen lasi gue ca tulha guelha” aca?
¿Si innána:
“Guadha nna bodaxxu breta xualu loen-na,
udátte” aca?
10 Quitti uyúle nna neti Benni unbiyuu daa iyyabaaha te elha ra xxen le quia yies lo yu-ni qui dhia elha xen lasi gue ca tulha gue ca benni.
Nianna re nu daa yatti niꞌa nániha:
11 —Lu rulisa,
guadha nna bodaxxutte breta xualu loen-na,
beyyatte lheꞌe yoꞌo gueluha.
12 Nu daa yatti niꞌa nániha nna guadhatteba nua,
atti bodaxxuttebana breta uxúana loniha beríana deyyana aníba lo iyárechaba ca benni seꞌe nía.
Larcala iyába ca nu seꞌe nía bebanxxattaquinna atti ráttebacana:
—¡Benni ra xxeni leni anca Tata Do Iyyabaaha!
Itú tturba seꞌeri yies lo yu-ni,
niba tsa lati ilenri ttu loesi nu uca-ni.
Jesús raxie ttu benni anca güequixa
13 Dequilaha nna bedeyyatteba Jesús roꞌo indattooha.
Iyába ca benni dacana atta du Benniha.
Lee nna beleꞌettebanie cana ca tisa gue Tata Do Iyyabaaha.
San Marcos 2:13-28
14 Atti die yuꞌe neda nna biláttebanie ttu unbiyuu lána Leví xiꞌini ttu benni lá Alfeo,
dona atta ribía ca nu ruquixacana ca benni belhi nu deyya leni nu rinnabia do Roma.
Jesús nna ráttebe na:
—¡Utá,
betteno neti!
Leví nna udulíttebabi diabi len Benniha.
15 Aní uca nna güia Jesús güetto etta lheꞌe yoꞌo gue Leví,
lenie ca benni rudheti ca tisa ruleꞌe.
Roꞌo mexaguaba sia ixeru ca güequixa lhe adírba ca nu daa tisa guecani ancacana nu runi nu lä anca tsee lhe cumu ixeru ca unnuha chi sela ca benni denocana Benniha.
16 Ca benni ruleꞌe nu rá lo ca ley bocaꞌana Moisés,
ca nu te lácani fariseo,
atti biláquinna Jesús doe go etta leni iyába ca unnuha nna unnaba tisattebacana ca benni rudheti ca tisa ruleꞌe Benniha rácana ca biꞌiniha:
—¿Biaca ro Benni ruleꞌenie le-na etta leni ca güequixa-na,
len ca nu runi nu lä anca tsee-na lhe?
17 Atti bienin Jesús nu rá ca nua nna ráttebe cana:
—Ca benni bittu rani-na,
lägabi reasaquinna nuxa unna cana ramedi.
Ca nu rani-na liba reasaquinna nu eyonna cana.
Neti nna läga daya qui gaxia ca benni runi nu anca tsee.
Daba neti qui gaxia ca benni runi nu lä anca tsee.
Unnaba tisacana Jesús gue rutte ubina lheꞌe benni
18 Ttu sá nna ca benni rudheti ca tisa ruleꞌe Juan biꞌini rugadi indaha lencabi ca benni fariseo rutte ubina lheꞌecani.
Ttu chupa ca benni seꞌe nía nna ubigattebacana unnaba tisacana Jesús rácane:
—Ca benni rudheti ca tisa ruleꞌe Juan,
anáguaba ca benni fariseo-na lhe gua rutteba ubina lheꞌecani.
¿Biacala ca benni rudheti ca tisa ruleꞌelu-na bittu rutte ubina lheꞌecani?
19 Jesús becabittebe guecani re:
—¿Si gua dica uttee ubina lheꞌe ca benni biaxi tseꞌecana atta aca laní gue ca nu utsá nácani,
gansi níaba sna doba unbiyuu utsá nániha len lacana?
Laca sna dorba unbiyuuha len lacana,
läga aca uttee ubina lheꞌecani.
20 Ttiaca chi isía sá atti itúa unbiyuu utsá nániha len lacana.
Gansi chi bisía sáha nna laniarguaba nna cuꞌu ubina lheꞌe ca nu seꞌe nía.
21 ’Nuttuguaba nu benni te reguꞌuna saroꞌo lari cubi atta bisú gue xo yaxxu gueniha.
Cumu lari cubiha nna eyoba lo nua,
lania nna utseꞌe loba nua lari yaxxuha,
atta bisúha nna adíla xxeni aca nua lania.
22 Nuttuguaba nu rigaꞌana vinu cubi bittu chi ula lheꞌe ttu yieti yaxxu nu rixuu attiba ttu reꞌe,
cumu vinu cubiha nna unba nua isú yieti yaxxuha gansi chi dia nua ralana.
Lania nna ilalba vinuha,
iseꞌeloguaba ca yietiha lhe.
Larcala nna lheꞌe yieti cubi liba ttaꞌa vinu cubiha.
Ca benni rudheti ca tisa ruleꞌe Jesús richecucabi iqui xuxtila la sá redí le ca benni Israel
23 Ttu sá atti redí le ca benni Israel,
utee Jesús die yuꞌe neda lheꞌe ca yu atta te ca xua xuxtila.
Ca benni rudheti ca tisa ruleꞌe nna uchecuttebacabi iqui ca xuaha.
24 Ca fariseo nna ráttebacana Jesús:
—¡Begüiarga!
¿Biaca run ca benni rudheti ca tisa ruleꞌelu-na nu bittu gaꞌana unri la sá redí leri riꞌi ca benni Israel?
25 Jesús nna ráttebe cana:
—¿Si bittuba chi belabale lo ca sitsi gue Tata Do Iyyabaaha atta rixxiꞌa gue nu beni David ttu libe atti nía?
Labi nna bisíaru utunbi lenbi ca benni dia lenbiha.
Nianna tsaba bittubabi te guecabi qui gocabi.
26 David nna utaꞌabi lheꞌe yotu gue Tata Do Iyyabaaha,
guatobi ca ttaxtila chi anca leꞌa gue Benniha qui utobi.
Ca ttaxtilaha nna sunruba ca bixxudiha gaꞌana gocabi benniha,
ttiaca labi nna begüeeguabi adí ca benni dia lenbiha benniha utocana.
Lania nua anca biꞌini lá Abiatar bixxudi xeni rinnabia.
27 Ráguaba Jesús cana: