MAK
Mak ere bas rasem tuma yenbo.
Kiyi late tuma.
Gwote tuma e Jisas Krais, God Eteri Yen, eter tebetemkap. Gwote Tuma Yenbo tame wuri, eri sig Mak, eter bas rasem. Jisas ere temenem, Mak ere tame taureyen temenem. Ere Jisas erne kenawaike abobetem. Be wos ere metem, o ere lam, yuri ere bas rasem.
Jisas ere nowselke temenem, ere rigrabe nenbetem, ere God eteri tuma wusoubetem, ere gabo pekeroukbetem, ere let kere tewo kere tatame emne eyarbetem, ere wule yaper peten sepitbetem, ere wule yenbo newobetem. Ere apeilake tame eisau. Ere sam, ere wou sene peten selek sene wayen yim. Yim, ere eri anepoi tame etemken tuma namden etep wom. Ari tuma kem tatame nogwape emne wusoute. Etep womke, ere God eri komke sene yim.
Mak ere bas rasem tuma gwo.
Sapta 1:1–3:6. Jisas ere yam, ere tatame emne God eter kom panen site tuma eke ere yan wusowum.
Sapta 3:7–6:6. Jisas ere eri mure tatame emne peteram, eteri maime komri tatame eme erne kenawai beke abo.
Sapta 6:6–8:21. Jisas ere eri mure peteram, eri anepoi tame eme beke met.
Sapta 8:22–10:52. Jisas ere eri anepoi tame emne tuma wusowum.
Sapta 11-16. Jisas ere mus meten, ere san sene wayen yim.